Ourense, 26 de febreiro de 2023

     Para darlle remate ao mes de febreiro chegaba o CAMPIONATO GALEGO SUB 18 DE PISTA CUBERTA. A Pista Cuberta de Expourense permaneceu ocupada pola maña para o adestramento do equipo de relevos 4 X 400 do equipo nacional. Xa de tarde nos quedou un horario moi complicado para facer cadrar as comidas antes ou despois das probas a disputar. O primeiro en sufrir estas impertinencias foi Ibrahim Aga que correu os 60 m.l. cun 7º posto na sua semifinal e  nun par de horas disputaria outra semifinal de 200 m.l. rematando 5º sen progreso a final. Lucia Gil disputou tamén dous concursos, nutrindose algo entremedias, rematando preto do podio cun 4º posto na lonxitude e un 5º posto no triplo, Carmen Fraga calcou estas probas cun 7º posto na lonxitude e un 9º no triplo.

     Diego Martínez obtivo a primeira premiación da tarde cun BRONCE na lonxitude, completando a competición cunha victoria no salto de altura.    Raúl Rial tras 15 voltas a pista rematou 10º nos 3000 m.l..

     Os valados achegaron para Agata Rodríguez unha MMP e tamén o SUBCAMPIONATO GALEGO, cun tempo de 9,22 nos 60 m.v. Na mesma clasificatoria quedouse Noa Piñeiro, sendo 4ª na sua semifinal.  Marta Camaño completou unha xornada de catro carreiras, duas de 60 m.l. e outras duas de 200 m.l., na proba corta mellorou marca e foi 6ª na final. Nos 200 m.l. proclamouse SUBCAMPIOA GALEGA.

     Iris Malvido participou na final do concurso de pértega, acadando o 7º posto e tamén correu os 800 m.l. finalizando 8ª. Nesta distancia tamén participaron, en mulleres, Nerea Malvido, 11º e Sara Nerga, 14ª. En homes Carlos López foi 10º seguido de Sergio Valladares 11º.

     No concurso de lanzamento de peso Gemma Dacosta foi CAMPIOA GALEGA achegando a bola aos 12,71 m.

     Na proba de 400 m.l. masculino participou Carlos Corredoira, 8º e Uxia Sánchez 9ª, Naia Casas 19ª no feminino. En xeral unha notable participación do grupo xuvenil que vai ter continuidade coa participación de Agata e Gemma no Campionato de España de Pista Cuberta.

Ourense, 12 de marzo de 2022

     A tempada indoor chegaba o seu momento culminante para as categorias menores coa celebración do CAMPIONATO GALEGO SUB 10, SUB 12 E SUB 14 en Expourense. As probas para benxamins e alevins ocuparon a xornada de mañá mentras que a de tarde reservouse para a categoría infantil. Cerca de trinta amarel@s acadaron marca para competir nun máximo de duas probas. Destacar o Bronce acadado por Samuel Corrales no concurso de lonxitude da categoria Sub 12, tamén foi Bronce Lena Currás no mesmo concurso feminino que completou co Subcampionato Galego dos 1000 m.l. Emma Collazo obtivo tamén un Bronce na carreira dos 500 m.l. Parabens para debutantes e non debutantes que afrontaron con valentía os nervios propios destas grandes citas.

SUB 10

• BRAIS GARCIA, 19º  50 m.l. e  20º 500 m.l.
• ADRIAN CALVAR,  13º salto de lonxitude
• ALAN MALVIDO, 9º  lanzamento de peso
• NORA PARCERO, 6ª 50 m.l. e 6ª  1000 m.l.
• SOFIA CORRALES, 10ª  1000 m.l.
• CAMILA ENRIQUEZ,  6ª salto de lonxitude

SUB 12

• SAMUEL CORRALES, 13º  500 m.l. e 3º salto de lonxitude
• GABRIEL FAZANES, 19º 500 m.l. 
• ANGEL REFOJOS, 4º 1000 m.l.
• XABIER FERRAL, 23º 1000 m.l.
• ALEJANDRO FERNANDEZ, 10º  lanzamento de peso
• AMARO BASTON, 6º lanzamento de peso
• EMMA COLLAZO, 10ª 60 m.l. e 3ª  500 m.l.
• ANA OLIVEIRA, 16 ª 60 m.l. e 19ª  500 m.l.
• LENA CURRAS, 2ª 1000 m.l. e 3ª salto de lonxitude
• NAHIA PINTOS, 15ª 1000 m.l. e 7ª salto de lonxitude
• SABELA MIRANDA, 5ª lanzamento de peso

     Pola tarde, con un pouco máis de calma, competían @s «maiores». Acadaron premiación Hugo Collazo, cun Bronce na proba de 2000 m.l. e Noa Quinteiro con outro terceiro posto no concurso de lanzamento de peso.

SUB 14

• HUGO COLLAZO, 3º 2000 m.l. e 10º salto de lonxitude
• MARCOS RIAL,12º  1000 m.l.
• UNAI FERRAL, 9º triple salto
• ANA CORDEIRO, 5ª  60 m.l. e 5ª 500 m.l.
• ANTIA SOTO,10ª 60 m.v. e 8ª triple salto
• ESTELA RAÑA,13ª  triple salto e 17ª 1000 m.l.
• LEIRE FERNANDEZ,12ª  1000 m.l.
• ERICA NOVAS, 13ª 1000 m.l.
• NOA QUINTEIRO, 3ª lanzamento de peso

Ourense, 05 de marzo de 2022

     Expourense foi de novo testemuña da evolución da categoría cadete a nivel autonómico. A Pista Cuberta deu cabida ao CAMPIONATO GALEGO SUB 16, e nós fomos participes cunha expedición de amarel@s.  Helena Bello participou no salto de pértega, acadou o SUBCAMPIONATO GALEGO e fixo a sua mellor marca con 2,80 m. , iso chamase unha xornada redonda, no mesmo concurso Iris Malvido rematou 7ª. Marta Camaño tamén superou a sua marca persoal nos 60 m.l., con 8,29 s. colouse na final. Acadou o 7º posto na clasificación da carreira.

      Lucia Gil concursou de maña na lonxitude e quedou a un centimetro do podio, foi 4ª con 4,61 m. Pola tarde desquitouse no Triplo e proclamouse SUBCAMPIOA GALEGA, con 9,61 m. Diego Garcia correu os 3000 m.l. e rematou en 15ª posisción, nos 300 m.l. acadou o posto 20º. Nerea Malvido participou nos 3000 m.l. e cruzou a meta no posto 17º. Hugo  Domínguez foi 18º na proba dos 1000 m.l.

     Gema Dacosta venceu no concurso de lanzamento de peso e acadou a final dos 60 m.v., na que rematou 5ª. Iris Malvido foi 8ª nos 600 m.l. e a sua compañeira Naia Casas rematou 19ª.