Ourense, 01 de marzo de 2025
CAMPIONATO GALEGO PISTA CUBERTA SUB 18
Ourense, 28 de febreiro de 2026
Dabamos remate ao mes de febreiro nas pistas de Expourense coa celebración do CAMPIONATO GALEGO SUB 18. Tres amarelos foron os representantes nesta importante cita na cidade das burgas.
Miguel Fernández foi quen de chegar ata a final dos 60 m.l. rematando nos posto 13º. Esta velocidade que posue levouno o 5º posto no concurso de lonxitude, cunha marca de 5,41 m.
Roi Rivas chegou ata as quendas da semifinal nos 60 m.l. cunha marca de 8.06s., redondeando a sua participación cun 12º posto no salto de lonxitude. Brais Paz acadou o posto 9º na lonxitude cun mellor salto de 4.97m.
CAMPIONATO GALEGO PISTA CUBERTA SUB 16
Ourense, 22 de febreiro de 2026
Nova peregrinaxe as pistas de Expourense, neste caso acollía o CAMPIONATO GALEGO SUB 16. Que mellor plan para un domingo invernal, fomos testemuña da efervescencia adolescente da categoría CADETE e volvemos para Cangas cunha chea de marcas persoais máis unha medalla de BRONCE.
Alejandro Fernández foi o artifice do 3º posto no lanzamento de peso acompañado dunha MMP lanzando a bola ata os 12.67 m. Tamén participou nos 60 m.l. acadando un crono de 8.27 s MMP pero que non lle deu pase aseguinte rolda. Daniel Cordeiro foi o outro representante masculino, quen reflexou duas MMP no seu curriculum atlético, 5º no concurso de lonxitude con 5.64 m. e 8ª nos 300 m.l. cun tempo de 41.44 s.
A sección feminina conformouse coa participación de Ana Oliveira acadou outra MMP nos 60 ml con 8.57 pero non progresou a final, Foi decima nos 300 m.l. Maria Marcos fixo MMP nos 60 ml con 8.66 e rematou 12ª na lonxitude. Emma Collazo chegou a final dos 300 ml cunha MMP na semifnal rematando 9ª e 11º no concurso de lonxitude. Vera Boubeta pechaba a participación cun 3000 m.l acadando o posto 14º.
ACTOS PRESENTACION TEMPADA 2026
Temos unha cita no Salón de Plenos do Concello de Cangas. Deixamos atrás a tempada 2025, pero non a esquecemos. Quedará impresa na revista nº 30 do Club. Xa temos data para a PRESENTACION oficial dos equipos do Vila de Cangas. Será o vindeiro sábado 07 de marzo no salón de Plenos do Concello de Cangas. A partir das 17:00 horas (atletas) e 17:30 (socios e invitados).
O programa do evento estará composto por:
-
– Presentación e sesión fotografica dos diferentes Equipos para a presente tempada.
-
– Charla-coloquio cos INVITADOS.
-
– Entrega da revista nº 30 do Club.
-
– PINCHO coas aportacións d@s soci@s*
*(Procuraremos sexa unha comida saudable, para non xuntarnos con moitos postres ou bollería industrial. Por exemplo tortilla ou empanada…algo caseiro. Coma sabedes doutros anos tamén se pode aportar bebida, refrescos ou agua. )
CAMPIONATO GALEGO ABSOLUTO PISTA CUBERTA
Ourense, 14 de febreiro de 2026
Foi chegar a Ourense e notamos de preto o que significa un sábado e entroido nesta cidade. Pois que case non había sitio para estacionar correctamente, polo cal puidemos observar durante o paseo ata Expourense que hai moita implicación de cara ao entroido.
Moi bos resultados acadaron os dous atletas que representaban as cores amarelas do Club. Carlos López foi 4º no global da proba de 400 m.l. cun crono de 50:58. Leire Fonseca progresou a final dos 200 m.l. e rematou 5ª.
CAMPIONATO ESPAÑA SUB 23 PISTA CUBERTA
Sabadell, 7 de febreiro de 2026
Primeiro Campionato de España no que contabamos con representación na presente tempada. Ata terras catalás desprazouse Agata Rodríguez para disputar a proba de 60 m.v. Non era doada a misión que tiña por diante. Na tarde do sábado tocaba correr a rolda de clasificación, onde acadou un 5º posto cun tempo de 9.34 s. este tempo non foi abondo para progresar a seguinte rolda.
CAMPIONATO GALEGO SUB 23 PC
Ourense, 25 de xaneiro de 2026
Chegar ata as Pistas de Expourense deixavanos unha bonita paisaxe nevada. O acceso ata a Cidade das Burgas non tivo dificultades na vía, puidendo disfrutar baixo cuberta do CAMPIONATO GALEGO SUB 23. Centraba a nosa atención a proba de 400 m.l. que disputaban Carlos López e Carlos Corredoira. Finalmente ambos melloraban marca en pista curta cunha medalla de bronce para Carlos López e 5º posto para Carlos Corredoira.
FIN TEMPADA 2025
Cangas, 29 decembro de 2025
Coma ben sendo tradición xuntamonos nas Pistas de Cangas para despedir o ano atlético. Aproveitamos para premiar os logros a nivel individual, equipos e visualizar o que nos queda por vir, básicamente unha nova tempada. Facemos un resumo da tempada agasallando aos ATLETAS DESTACAD@S, lembrando os podios acadados de maneira individual ou coma parte do equipo. Non esquecemos a labor dos adestradores e tamén se premiou aos atletas que acadaron marcas que viñan recollidas nos incentivos da tempada. Neste caso foron Gema Dacosta con 11,97 m. en lanzamento de peso, Mauro Vázquez, con 10.64 nos 100 m.l., Leire Fonseca con 25,46 nos 200 m.l. e Diego Martínez coa marca no decathlon. Damos por pechada a tempada e agardamos se cumplan os vosos obxectivos na vindeira, vemonos nas pistas.
PROBAS COMBINADAS EN PISTA CUBERTA
Ourense, 27-28 decembro de 2025
Coa tempada esgotándose, na última fin de semana tiñamos a dous amarel@s disputando o CAMPIONATO GALEGO DE PROBAS COMBINADAS CLUBS PC-CRITERIUM COMBINADAS INVERNO 2025. Ambos completaron a derradeira, por agora, competición coa camisola amarela xa que na vindeira tempada cambian de Club, moita sorte nesta nova aventura. Falamos de Diego Martínez que rematou 4º no heptathlon da categoría absoluta, sumando un total de 4571 puntos. Lena Currás acadou a segunda posición no pentathlon SUB 16 cunha suma final de 2961 puntos.
TROFEO ABANCA DE PISTA CURTA
Ourense, 21 de decembro de 2025
Parece que a tempada «indoor» vai facendose camiño. Como nos gustan as competicions por equipos e todo o que representan,. Quedou reflexado no TROFEO ABANCA DE PISTA CURTA, celebrado na Pista cuberta de Expourense.
Ali puidemos degustar os sabores e sinsabores, todo na xusta medida, emoción, drama. suspense, ledicia e un largo ecetera de sentimentos que foron aflorando. En xornada de tarde discorreu a competición na categoria SUB 14, estreaba a mesma Emma Collazo no concurso de salto de altura, empezaba sumando puntos e unha MMP co 3º posto. Aroa Foglia seguiu a estela cun 3º posto e unha MMP no lanzamento de peso. O consurso de triple salto achegou a primeira victoria individual e outra MMP por parte de Sofia Capelo.
Nos 60 m.v. Lena Currás amosouse intratable e acadou outra victoria acompañada de MMP. Chegabamos ao ecuador da competición liderando a mesma pero coñecedores de que a proba que tiñamos deserta, o salto de pértega, sumabase a baixa de Noa Pedrido nos 500 m.l. por enfermidade. Estes pequenos contratempos borraron ao equipo dos postos de podio. Elodie Graña sumou un 2º posto e MMP nos 60 m.l., tocaba seguir adiante e non desfalecer. Nora Parcero acadaba o 5º posto nos 1000 m.l. María Marcos rematou 3ª no concurso de salto de lonxitude. Vera Boubeta concluia 7ª nos 2000 m.l. e pechaba as probas individuáis.
Debe estar conectado para enviar un comentario.