Archivo de la categoría: 2016-17

ACTUALIZACION FOTOS PARA FICHAS.

Publicado el por

     Achegamos información IMPORTANTE de cara a renovación das fichas para a vindeira tempada 2017/18. Temos que actualizar as fotos d@s atletas, por tal motivo solicitamos unha foto recente d@s que non a aportar@n nestes últimos 3 anos. Podese entregar físicamente ou mandala en formato dixital ao enderezo do club: at.viladecangas@gmail.com

VOLTAMOS A ADESTRAR

Publicado el por

    Este luns 11 de setembro VOLTAMOS AOS ADESTRAMENTOS.  A partir das 18:00 horas vaise recuperar a secuencia de HORARIOS que levávamos antes do parón do mes de agosto. Para as CATEGORIAS MENORES (benxamin ata cadete) de luns a venres en duas sesions (18:00 e 20:00 hrs), agás o martes, só as 20:00 horas. Os nen@s pre-benxamins (nados ata o 2011) teran adestramento os luns e xoves as 18:00 horas.  Tanto nas categorías superiores coma nos diferentes módulos de especialización seguirán os horarios establecidos polos seus adestradores. 

     Recalcar novamente que calquera rapaz/@ que desexe probar no atletismo, pode facelo sen compromiso. Se queredes consultar algunha dubida estaremos nese horario nas pistas de atletismo. Tamén a través do correo at.viladecangas@gmail.com ou nas redes sociais. 

ACTOS FIN DE TEMPADA

Publicado el por

     O vindeiro sábado dia 05 de agosto  tera lugar no Salon de Plenos do Concello de Cangas a partir das 17:00 horas o acto de peche de tempada do Club de Atletismo Vila de Cangas. Para tal evento están invitados todolos socios e simpatizantes. No mesmo premiarase os atletas destacados cun agasallo. Despois desta homenaxe @s atletas convócase a tódol@s socios/as a ASAMBLEA XERAL ORDINARIA  que terá lugar no mesmo lugar  as 18:00 horas en primeira convocatoria  e as 18:30 na segunda, coa seguinte ORDE DO DIA:

  • – Lectura e aprobación (si procede) da acta da Asamblea anterior.

  • – Memoria  dos resultados da tempada 2016/17.

  • – Lectura e aprobación do estado de contas.

  • – Ampliación Xunta Directiva.

  • – Rogos e preguntas.

     Gran parte da tarde estará ocupada co acto anterior, pero para a noite deixamos a Cea de fin de tempada. A mesma esta previsto se faga no Restaurante A Toda Brasa, sito na Rua Redondela nº 7 baixo de Cangas. O menú constará de entremeses, empanada e tortilla. Churrasco de porco e tenreira, criollo e ensalada máis postre, bebidas, café e  chupito. O prezo 20 €. Para ter unha previsión dos asistentes pregase confirmar antes do xoves 3 de agosto, ben a través dos grupos de whatsapp ou no enderezo at.viladecangas@gmail.com.

CAMPIONATO GALEGO ABSOLUTO AO AIRE LIBRE

Publicado el por

Pontevedra, 15 de xullo de 2017

 

     Agora si, xa demos remate a tempada. Un sábado moi caluroso, na localidade de Pontevedra, acolleu o CAMPIONATO GALEGO ABSOLUTO AO AIRE LIBRE . O primeiro en saltar a pista foi o xuvenil David Lorenzo, quen acadou a medalla de bronce nos 400 m.v.  máis outro bronce no concurso de pértega. O seu compañeiro de categoria Daniel Calvar progresou a final dos 100 m.l. e na mesma acadou o 8º posto.

     Raquel Villa comezou a súa andaina no Campionato cun 5º posto no lanzamento de disco, logo no concurso de peso proclamouse Subcampiona Galega. Saray Amoedo rematou 3ª no concurso de triple salto.

     Paula Martínez pechou a participación d@s amarel@s no Campionato, participou na final B dos 100 m.l. e acadou o posto 10º. Agora teñen unhas merecidas vacacions, que iso tamén forma parte do adestramento.

PAULA VIAXA A GRANOLLERS

Publicado el por

     A localidade de Granollers vai acoller, os días 8 e 9 de xullo, o CAMPIONATO DE ESPAÑA JUNIOR AO AIRE LIBRE. A atleta junior Paula Martínez  acadou marca para participar nas probas de 100 m.l. e 100 m.v. Con esta participación completa unha tempada notable,  na que tamén conseguira mínima para o Nacional de Pista Cuberta. Agora só nos queda desexarlle unha BOA VIAXE.

INSCRITOS

CAMPIONATO DE ESPAÑA PROMESA AO AIRE LIBRE

Publicado el por

Torrent,  01 de xullo de 2017

 

   A nosa promesa máis prometedora viaxou a Torrent co gallo do CAMPIONATO DE ESPAÑA PROMESA AO AIRE LIBRE.  Non quiso faltar e acadaou a mínima «in extremis». O sabado 1 de xullo, Raquel Villa  disputou a final do lanzamento de peso, na mesma acadou o pase a mellora e rematou en 7º posto cun mellor lanzamento de 12.18 m.

CAMPIONATO DE ESPAÑA CADETE AO AIRE LIBRE

Publicado el por

Murcia, 01 e 02-xullo-2017

     Parece que lle colleron gusto as terras murcianas Ana e Valería. Fai apenás 15 días formaban parte da selección galega que competía en Lorca, e agora a cita era na cidade de Murcia, que acolleu o CAMPIONATO DE ESPAÑA CADETE AO AIRE LIBRE.  O sábado día 1 de xullo estreouse Valeria Rodríguez no Campionato, disputaba o Lanzamento de Martelo. Nesta final lanzou o artefacto ata os 39.37 m., non puido entrar na mellora e rematou no posto 17º.

     Na xornada de maña do domingo foi cando disputou Ana Piñeiro os 3 kms marcha, e anda se os disputou, ata case a derradeira volta andivo no grupo de cabeza. Ao remate foi quinta cun tempo de 15:06.79. Para outro día máis fresco deixará baixar dos 15 minutos. Poñia o punto e final Valeria Rodríguez coa final de lanzamento de peso,  nun concurso bastante discreto que rematou con 10.17 no posto 19º. Nos tiña acostumados a superar os 11 metros, pero cando non sae non hai que facerlle

CAMPIONATOS DE ESPAÑA DA FIN DE SEMANA

Publicado el por

      Esta vindeira fin de semana, do 1 e 2 de xullo, imos ter tres amarel@s en dous Campionatos de España. En Murcia vaise disputar o CAMPIONATO DE ESPAÑA CADETE AO AIRE LIBRE,  no mesmo estarán Ana Piñeiro, participando nos 3kms marcha e Valeria Rodríguez, nos concursos de peso e martelo.  Por outra parte, Raquel Villa, vai participar no CAMPIONATO DE ESPAÑA PROMESA AO AIRE LIBRE, na proba de lanzamento de peso. A localidade valenciana de Torrent será a sede do Campionato.

RESULTADOS EN DIRECTO PROMESA

RESULTADOS EN DIRECTO CADETE