Archivo de la categoría: General

TROFEO ABANCA DE PISTA CURTA

Publicado el por

Ourense, 21 de decembro de 2025

 

     Parece que a tempada «indoor» vai facendose camiño. Como nos gustan as competicions por equipos e todo o que representan,. Quedou reflexado no TROFEO ABANCA DE PISTA CURTA, celebrado na Pista cuberta de Expourense.

     Ali puidemos degustar os sabores e sinsabores, todo na xusta medida, emoción, drama. suspense, ledicia e un largo ecetera de sentimentos que foron aflorando.  En xornada de tarde discorreu a competición na categoria SUB 14, estreaba a mesma Emma Collazo no concurso de salto de altura, empezaba sumando puntos e unha MMP co 3º posto. Aroa Foglia seguiu a estela cun 3º posto e unha MMP no lanzamento de peso. O consurso de triple salto achegou a primeira victoria individual e outra MMP por parte de Sofia Capelo.

     Nos 60 m.v. Lena Currás amosouse intratable e acadou outra victoria acompañada de MMP. Chegabamos ao ecuador da competición liderando a mesma pero coñecedores de que a proba que tiñamos deserta, o salto de pértega, sumabase a baixa de Noa Pedrido nos 500 m.l. por enfermidade. Estes pequenos contratempos borraron ao equipo dos postos de podio. Elodie Graña sumou un 2º posto e MMP nos 60 m.l., tocaba seguir adiante e non desfalecer. Nora Parcero acadaba o 5º posto nos 1000 m.l. María Marcos rematou 3ª no concurso de salto de lonxitude.  Vera Boubeta concluia 7ª nos 2000 m.l. e pechaba as probas individuáis.

     Quedaban as remudas de 4 X 200 m. e con esta proba ianse definir os postos do podio. Por esta orde Elodie, Lena, María i Emma correron as remudas. O resultado foi o mellor posible, gañaron, pero fixerono de   maneira épica. Na mesma liña de meta decidiuse a victoria e gracias a suma dos puntos acadaron o 3º posto final por equipos. Melloraron tamén a marca Galega polo que son as novas plusmarquistas na distancia. Uns merecidos PARABENS para o equipo e adestradores.

ACTOS FIN DE TEMPADA 2025

Publicado el por

 Xa estamos preto de finalizar o ano e con él tamén remata a tempada 2025. Para dar unha digna despedida tanto ao ano como a tempada vos invitamos a xuntarnos o vindeiro luns 29, as 12:00 horas no Estadio Municipal de Cangas. Alí vaise premiar aos ATLETAS DESTACADOS TEMPADA 2025, tamén se fara mención da labor d@s adestradores e adestradoras.

 

CAMPIONATO PROVINCIAL CROS XOGADE

Publicado el por

Zamans, 13 de decembro de 2025

     Chegou a cita co CAMPIONATO PROVINCIAL DE CROS XOGADE. Todo facia presaxiar unha bonita maña de cros, non chovia, o desprazamento era curto, carreiras por equipos e individuais. O menú era o indicado pero ao final quedamos un pouco fartos. Non nos imos queixar de que correron moit@s nen@s, ogalla foran sempre participacions multitudinarias, pero si podemos dicir que tal vez non fora un circuito adecuado.

     En canto as clasificacions comezamos pola categoria cadete que estivo representada en mulleres por Vera Boubeta, que rematou no posto 38ª. Dani Cordeiro foi 11º e Gabriel Fazanes 25º na carreira masculina.

     O equipo femenino da categoria infantil acadou un meritorio 4º posto coa inestimable aportación de Mar Fazanes 20ª, Noa Pedrido, 26ª, Elodie Graña, 28ª, Sofia Capelo, 35ª, Sara Barros 92ª i Emma Salgado 113ª. A carreira masculina contou coa presenza de Brais Garcia 17º e Arthur Brasileiro 46º.

   Os dous equipos alevins completaron unha magnifica actuación cun 6º posto na proba feminina gracias ao esforzo de Anxela Caballero 9ª, Lena Bermúdez 16ª, Claudia Romero 50ª i Elva Cordeiro 99ª. Os homes estiveron encabezados por Laurent Graña 14º, Samuel Lorenzo 25º, Xosé González 74º e Pedro Juncal 128º, ocupando finalmente o posto 8º.

A proba benxamín veu acompañada dun expediente «x» coa desparición da clasificación da única participante na carreira feminina, pola nosa parte aportouse probas gráficas pero ao peche desta crónica ainda non consta nos resultados finais. O equipo masculio composto por Enzo Maximo 15º, Javier Novas 99º, Marco Roma 145º e Angel Bernárdez 197º acadaron o posto 12º.

PLAN DE VIAXE TROFEO ABANCA OURENSE

Publicado el por

     O vindeiro domingo 21 de decembro  vaise disputar o TROFEO ABANCA DE PISTA CUBERTA nas pistas de Expourense. A xornada de tarde estará reservada para a categoría SUB 14,  onde vai participar o equipo feminino.  Esta previsto o incio das probas as 16:30 h e o desprazamento vaise realizar en vehículos particulares. Se algunha das convocadas tivera problemas para efectuar a viaxe e preciso que avise canto antes para darlle solución. Achegamos de seguido as convocadas e lista de saida da competición.

  • EMMA COLLAZO,  salto de altura
  • AROA FOGLIA, lanzamento de peso
  • SOFIA CAPELO, triple salto
  • LENA CURRAS, 60 m.v.
  • NOA PEDRIDO, 500 m.l.
  • ELODIE GRAÑA, 60 m.l.
  • NORA PARCERO, 2000 m.l.
  • MARIA MARCOS, salto de lonxitude
  • VERA BOUBETA, 2000 m.l.

RESULTADOS EN DIRECTO

CROS ZONAL XOGADE

Publicado el por

Moaña, 16 de novembro de 2025

    Tras uns días baixo a borrasca Claudia o domingo estaba programado o CAMPIONATO ZONAL DE CROS do programa XOGADE. Os atletas participantes correron coa categoría desta vindeira tempada 2026. Importantes cambios no regulamento remataban coa participación por equipos deixando únicamente aberto o pase ao Campionato Provincial aos dez primeiros clasificad@s. Non compartimos ese criterio, sempre nos pareceu importante facer equipo, e máis nestas categorías menores.

      Chegados a Moaña atopámonos cun cambio de circuito, sen previo aviso, e un terreo con abundante auga no que non tardou en aflorar a lama. Pois así é o cros, algo de choiva, bastante frio, situación idónea para templar os nervios da competición. O desenrolo das carreiras comezou polos maiores, sendo a categoria feminina a encargada de inaugurar a competición. Bo comezo por pate de Ana Oliveira que venceu na proba Cadete, seguida por Vera Boubeta 4ª, Noa Caamaño 8ª e Ainhoa Costas 9ª. Os homes estiveron encabezados por Daniel Cordeiro, 3º, Alejandro Fernández, 4º, Gabriel Fazanes, 5º e Ángel Vázquez 10º.

     A carreira infantil feminina contou con Noa Pedrido, 2ª, Elodie Graña, 4ª, Mar Fazanes, 5ª, Sofia Capelo, 6ª, Sara Barros, 9ª i Emma Salgado, 16ª. Na proba masclina gañou Brais Garcia acompañado de Arthur Brasileiro, que foi 4º.

     Na categoría alevin femenina dominou de principio a fin Anxela Caballero seguida por Lena Bermúdez, 3ª, Elba Cordeiro, 8ª e Claudia Romero 19ª. Na carreira masculina Laurent Graña foi 2º seguido de Samuel Lorenzo, 5º, Xose Gónzalez, 9º e Pedro Juncal 10º.

    Remataba a xornada coas carreiras da categoría benxamin, onde contamos coa presenza de Marta Novas, que rematou 4ª. A proba masculina puso o punto e final coa participación de Nils Fernández, 3º,  Javier Novas, 5º, Enzo Torres, 8º, Ángel Bernárdez, 16º e Antón Freire 17º. Xa temos data para o Campionato Provincial, o sábado 13 de decembro, ata logo enton.

PREVIA DO ZONAL DE CROS XOGADE

Publicado el por

      Esta competición levarase a cabo o domingo 16 de novembro de 2025 en A Xunqueira- Moaña na contorna das Pistas de Atletismo. A proba está destinada ás seguintes categorías: benxamín (2018-2017), alevín (2016-2015), infantil (2014-2013) e cadete (2012-2011) nenos e nenas. As carreiras organizáranse por categorías e por xénero. Se a participación o permite poderán agruparse carreiras de ambos xéneros en cada categoría.  O transporte a competición será por medios propios, se alguen tivera incidencias que o comunique para darlle solución.

     De acordo co HORARIO das probas será preciso estar as 10:00 h. para revisar os circuitos e facer os quecementos previos a competición

CAMPIONATO DE ESPAÑA SUB 18 AO AIRE LIBRE

Publicado el por

Castelló, 5 e 6 de xullo de 2025

     Ata a costa levantina tocoulle desplazarse a Leire Fonseca acompañada do seu adestrador Ramilo. Tivo que renunciar a participar na proba dos 400 m.l. para poder centrarse na competición de 200 m.l., do contrario serían moitas voltas ao anel da pista sen marxe ou tempo de recuperación. Finalmente parece que foi unha estratexia acertada, na primeira rolda progresou a semifinal cunha MMP de 25,46. A semifinal esixia mellorar esa marca e mellorouse cun tempo de 25,19 acadou o posto 11º, na final entraban as oito máis veloces. Magnifico lustre lle está a dar Leire Fonseca ao seu curriculum atlético. Parabens tanto a ela coma ao seu adestrador.

CAMPIONATO GALEGO SUB 20 AIRE LIBRE

Publicado el por

Santiago de Compostela, 05 de xullo de 2025

 

     Outra importante visita a capital galega para a disputa do CAMPIONATO GALEGO SUB 20 AO AIRE LIBRE. Carlos Corredoira foi 5º nos 200 m.l. e 7º nos 400 m.l.

     Carlos López acadou un magnifico 4º posto nos 400 m.l. e unha MMP. Diego Martínez proclamouse CAMPION GALEGO no concurso de altura e SUBCAMPION nos de lanzamento de peso e disco. Lucia Gil destacou no tripo cun 4º posto e rematou 7ª no salto de lonxitude. Gema Dacosta foi SUBCAMPIOA GALEGA de lanzamento de peso e disco.

 

 

CAMPIONATO GALEGO ABSOLUTO AIRE LIBRE

Publicado el por

Santiago de Compostela, 28 de xuño de 2025

 

      As pistas de atletismo da USC foron a sede do CAMPIONATO GALEGO ABSOLUTO AO AIRE LIBRE. Ali unha boa morea de amarel@s deixaron a sua pegada na capital galega. Carlos Corredoira foi 15º na carreira de 200 m.l., Carlos López participou nos 400 m.l. e rematou no posto 14º.

     Dani Calvar irrumpeu con forza nos 400 m.v. acadando o 4º lugar máis unha MMP. Diego Martínez acadou un BRONCE no concurso de altura. Pablo Castro volveu a coller sensacions no lanzamento de peso e rematou en 4º posto.

     As remudas de 4X100 m. achegaronse ao podio e remataron en 4º posto con Carlos López, Carlos Corredoira, Diego Martínez e Mauro Vázquez. 

    A sección feminina  correu da man de Antia Soto cun 16º posto no golobal dos 100 m.l. Leire Fonseca continua a sua progresión nos 200 m.l. cunha MMP e posto 4º. Sara Marcos persiste nos 400 m.l. cun posto 15º. Agata Rodríguez acadou a 5ª possición nos 100 m.v. Gema Dacosta quedou preto do podio nos concursos de peso e disco , 4º lugar en ambos.  As remudas de 4X100 estiveron compostas por Antia Baqueiro, Sara Marcos, Leire Fonseca e Antia Soto, rematando no posto 6º.

CAMPIONATO GALEGO SUB 14 AO AIRE LIBRE

Publicado el por

Vigo, 15 de xuño de 2025

     Voltabamos as Pistas de Balaidos para dar conta do CAMPIONATO GALEGO SUB 14 AO AIRE LIBRE. Desta volta a competición era individual e imos desgranala comezando pola sección masculina. Alejandro Fernández desquitouse do amargor da medalla de chocolate no Nacional quedando CAMPION GALEGO en lanzamento de peso máis en disco, con sendas marcas persoais, ainda tivo folgos para rematar 7º na remuda 4 X 80 m.

     Brais Garcia foi 15º nos 500 m.l. e 7º na remuda 4 X 80 m. Daniel Cordeiro protagonizou outro destacado doblete sendo CAMPION GALEGO de 1000 m.l. e SUBCAMPION GALEGO en lonxitude, ambas probas con MMP, tamén foi o terceiro compoñente da remuda 4 X 80 m. O outro participe da remuda 4 X 80 m. sería Arthur B. Nato.

     As mulleres case triplicaban a participación masculina cun total de 11 atletas. Elodie Graña gañou o BRONCE nos 150 m.l. (MMP) e rematou 7ª nos 60 m.l. Carla Salgado foi 4ª na xavelina e 24ª nos 60 m.l. María Marcos rematou 6ª nos 150 m.l. (MMP) e 9ª na lonxitude. Nora Parcero foi 14ª nos 1000 m.l. e 16ª no 150 m.l.

    Emma Collazo foi SUBCAMPIOA GALEGA en 500 m.l. e 9ª no triplo. Noa Pedrido rematou 9ª en 500 m.l. (MMP) e 7ª en peso. Sofia Capelo foi 4ª no triplo e 13ª na lonxitude. Aroa Foglia foi SUBCAMPIOA GALEGA en lanzamento de martelo e 12ª no peso. Lena Currás foi CAMPIOA GALEGA de lanzamento de xavelina e Iria Fernández ocupou o segundo escalón detrás da sua compañeira con MMP, Vera Boubeta foi 9ª na marcha. Vaia xornada nos deron a categoría INFANTIL, parabens a tod@s pola sua implicación.