CAMPIONATO GALEGO SUB 16 AO AIRE LIBRE

A Coruña, 28 de maio de 2023

 

    O domingo as pistas de Elviña seguían copando o interese coa celebración do CAMPIONATO GALEGO SUB 16 AO AIRE LIBRE. Tiñan @s cadetes gañas de amosar a sua progresión na competición suprema a nivel autonómico.


    Diego García estreaba a participación amarela da mellor maneira proclamandose CAMPION GALEGO de 5000 m. marcha. Hugo Collazo foi BRONCE nos 3000 m.l. Brais Pintos acadou o 10 º posto no concurso de salto de altura e rematou 22º na proba dos 1000 m.l. A sección masculina estivo representada por Diego García, Hugo Collazo, Brais Pintos e Unai Ferral nas remudas de 4X100 m. acadando un magnifico 4º lugar.



    A representación feminina estivo repartida entre os concursos de lanzamento de peso e martelo, onde Noa Quinteiro foi 7ª e 10ª respectivamente. No lanzamento de xavelina pelexou Leire Fernández ata rematar 5ª na final. Da mán de Ana Cordeiro chegou unha medalla de BRONCE nos 300 m.l., onde a sua compañeira Antia Baqueiro foi 13ª, completaría Ana un sensacional pase a final dos 100 m.l. para rematar 8ª na proba.



CAMPIONATO GALEGO SUB 18 AO AIRE LIBRE

A Coruña, 27 de maio de 2023

    As pistas da Universidade de Elviña foron durante esta fin de semana o epicentro do atletismo galego. O sábado tiña lugar alí a primeira xornada das combinadas e o CAMPIONATO GALEGO SUB 18. Xa desde primeira hora da maña comezaba a actividade, Gema Dacosta acadaba o primeiro posto no concurso do lanzamento de peso, de tarde participou no lanzamento de disco e acadou o SUBCAMPIONATO GALEGO. Raul Rial completou os 3000 m.l. cun tempo de 10:05 que lle outorgaban o 8º posto na final.



    Manuel Lemos chegaba mancado nun xeonllo e disputou a final de lanzamento de xavelina, conseguindo o 10º posto, na final de pértega non puido participar pola lesión. Noa Piñeiro loitou na proba de 400 metros valados entrando na meta no 7º posto. Lucia Gil acadou o 6º posto no concurso de lonxitude e pola tarde no triplo repetiu posto na final. Ibrahim Aga non progresou a final dos 100 m.l. co tempo de 13:04 s que obtivo na semifinal.



   Iris Malvido foi 6ª na final de xavelina e 5ª na de pértega, a su irmá Nerea Malvido rematou 6ª na carreira de 1500 m.l.  Agata Rodríguez daba comezo a xornada de tarde cunha magnifica semifinal dos 100 m. valos na que progresou a final que vencería con autoridade proclamandose CAMPIOA GALEGA. Tamén pasou a final de 200 m.l. Carlos Corredoira, acadando un 5º posto na mesma. Uxia Sánchez non puido pasar da semifinal na proba feminina, cousa que si acadou Marta Camaño, rematando 5ª na final.



   Carlos López foi 8º na carreira de 800 m.l. e Sara Nerga 14ª na proba feminina. Sergio Valladares rondou o podio nos 400 m.l. e levou a medalla de chocolate, na proba feminina Naia Casas finalizou no posto 19º.



      As remudas de 4X100 daban remate a esta longa xornada.O equipo masculino composto por Ibrahim Aga, Carlos López, Carlos Corredoira e Sergio Valladares rematou no 4º lugar e loitando ata o último metro pola medalla de bronce. No caso das mulleres gañaron a medalla de bronce nos últimos metros gracias as carreiras de Marta Camaño, Lucia Gil, Uxia Sánchez e Agata Rodríguez.



 

 

 

CAMPIONATO GALEGO SUB 16 DE PISTA CUBERTA

Ourense, 11 de marzo de 2023

 

    Penúltima visita a Pista Cuberta de Expourense para disputar o CAMPIONATO GALEGO SUB 16. Moi concorrida estivo a proba dos 1000 m.l. para os homes, onde se correron tres series, participando dous amarelos con Hugo Collazo acadando o posto 12º e Diego Garcia o 19º.  Boas marcas en xeral e para eles dous en concreto. Brais Pintos fixo un concurso de salto de altura reseñable acadando o 7º posto na final. Tamén mellorou a su marca no triplo Unai Ferral rematando 12º.



     Helena Bello proclamouse CAMPIOA GALEGA de salto de pértega e non progresou a final dos 60 m.l. pese a vencer a sua serie cun tempo de 8,52 s. Ana Cordeiro tamén liderou a serie de 60 m.l. na que participou, neste caso o tempo de 8,60 s. non foi suficiente para entrar na final. Noa Quinteiro pechou a participación amarela cun 7º posto na final do concurso de lanzamento de peso.



CAMPIONATO GALEGO DE LANZAMENTOS LONGOS

Vigo, 04 de marzo de 2023

     O Estadio de Balaidos acolleu o CAMPIONATO GALEGO DE LANZAMENTOS LONGOS, Tiñamos presenza nas categorías SUB 16 e SUB 18,  sendo a máis madrugadora Leire Fernández que participou no lanzamento de xavelina SUB 16, rematando en 6ª posición con 21,37 m. Xa pola tarde competiron na categoria SUB 18 para lanzar disco, acadando ambos a victoria, Diego Martínez achegou o disco ata os 36,34 m. e Gema Dacosta lanzou ata 31,55 m.



CAMPIONATO GALEGO CROSS XOGADE

A Pobra do Caramiñal, 4 de marzo de 2023

    Pechábase o circulo do Campo a Través do programa XOGADE co CAMPIONATO GALEGO que tivo lugar na contorna da Praia de Cabio. Ata a localidade coruñesa achegáronse dous equipos de amarel@s da categoría ALEVIN e dous atletas que de maneira individual correrían na categoría INFANTIL e CADETE.



     O percorrido, con varias zonas de area, foi facenllo mella n@s participantes ata definir os postos de entrada en meta. A carreira feminina ALEVIN proclamou CAMPIOA GALEGA a Lena Curras, seguida por Emma Collazo 10ª, Alba Álvarez, 44ª, Nora Parcero , 49ª, Vera Boubeta, 56ª e Carla Salgado ,58ª. Os 104 puntos sumados polo equipo deronlle o SUBCAMPIONATO GALEGO.



     Os homes da mesma categoria non quiseron ser menos e tamén acadaron o SUBCAMPIONATO por equipos coa suma dos puntos aportados por Ángel Refojos, 4º, Daniel Cordeiro, 9º, Brais Garcia, 45º, Anxo Currás, 58º, e Alejandro Fernández,74º. Nas participacions individuais Miguel Fernández rematou 23º na carreira de INFANTIL e Hugo Collazo entrou no posto 20º na proba CADETE. Parabens pola fabulosa actuación que poñen en valor o traballo de atletas e adestradores.



 

PLAN DE VIAXE GALEGO XODADE CROSS

        Este vindeiro sábado 4 de marzo vaise disputar no Circuito Praia de Cabio- A Pobra do Caramiñal o CAMPIONATO GALEGO DE CAMPO A TRAVES do programa XOGADE. Para esta proba están clasificados os equipos alevín masculino e feminino. Individualmente tamén acudiran Miguel Fernandez e Marcos Rial, ambos infantis e coma cadete Hugo Collazo. Vai sair un autobús da Estación de Cangas as 09:00 horas, este transporte realizará paradas para recoller a atletas doutros clubes.  Achegamos HORARIOS  e planos dos CIRCUITOS.




CAMPIONATO GALEGO SUB 18 DE PISTA CUBERTA

Ourense, 26 de febreiro de 2023

     Para darlle remate ao mes de febreiro chegaba o CAMPIONATO GALEGO SUB 18 DE PISTA CUBERTA. A Pista Cuberta de Expourense permaneceu ocupada pola maña para o adestramento do equipo de relevos 4 X 400 do equipo nacional. Xa de tarde nos quedou un horario moi complicado para facer cadrar as comidas antes ou despois das probas a disputar. O primeiro en sufrir estas impertinencias foi Ibrahim Aga que correu os 60 m.l. cun 7º posto na sua semifinal e  nun par de horas disputaria outra semifinal de 200 m.l. rematando 5º sen progreso a final. Lucia Gil disputou tamén dous concursos, nutrindose algo entremedias, rematando preto do podio cun 4º posto na lonxitude e un 5º posto no triplo, Carmen Fraga calcou estas probas cun 7º posto na lonxitude e un 9º no triplo.



     Diego Martínez obtivo a primeira premiación da tarde cun BRONCE na lonxitude, completando a competición cunha victoria no salto de altura.    Raúl Rial tras 15 voltas a pista rematou 10º nos 3000 m.l..



     Os valados achegaron para Agata Rodríguez unha MMP e tamén o SUBCAMPIONATO GALEGO, cun tempo de 9,22 nos 60 m.v. Na mesma clasificatoria quedouse Noa Piñeiro, sendo 4ª na sua semifinal.  Marta Camaño completou unha xornada de catro carreiras, duas de 60 m.l. e outras duas de 200 m.l., na proba corta mellorou marca e foi 6ª na final. Nos 200 m.l. proclamouse SUBCAMPIOA GALEGA.



     Iris Malvido participou na final do concurso de pértega, acadando o 7º posto e tamén correu os 800 m.l. finalizando 8ª. Nesta distancia tamén participaron, en mulleres, Nerea Malvido, 11º e Sara Nerga, 14ª. En homes Carlos López foi 10º seguido de Sergio Valladares 11º.

     No concurso de lanzamento de peso Gemma Dacosta foi CAMPIOA GALEGA achegando a bola aos 12,71 m.

     Na proba de 400 m.l. masculino participou Carlos Corredoira, 8º e Uxia Sánchez 9ª, Naia Casas 19ª no feminino. En xeral unha notable participación do grupo xuvenil que vai ter continuidade coa participación de Agata e Gemma no Campionato de España de Pista Cuberta.



CAMPIONATO GALEGO DE MARCHA EN RUTA

Ames, 5 de febreiro de 2023

     O primeiro domingo de febreiro a localidade coruñesa de Ames acolleu o CAMPIONATO GALEGO DE MARCHA EN RUTA. Foron participes desta cita Sofia Corrales que disputou na categoria SUB 10, sobre un percorrido de un kilometro, acadando finalmente o 5º posto cun tempo de 6 minutos 54 seguntos. Diego Garcia voltou a Cangas co titulo de CAMPION GALEGO da categoria SUB 16, tras rematar os cinco kilometros nun tempo de 32 minutos e 01 segundos.



CAMPIONATO GALEGO SUB 10-SUB12 E SUB 14 DE PISTA CUBERTA

Ourense, 04 de febreiro de 2023

     Chegaba o punto máis álxido da pista cuberta para as categorias menores co CAMPIONATO GALEGO SUB 10-SUB12 E SUB 14 DE PISTA CUBERTA. O esceario non podia ser outro ca pista cuberta de Expourense, na xornada de maña contaría coa presenza das categorias SUB 10 e SUB 12. Probas moi competidas por parte dos benxamins que tiveron premio na medalla de BRONCE acadada por Luca Cao. Na categoría alevin destacar os dobletes conseguidos por Angel Refojos, vencedor na velocidade e subcampión nos 1000 m.l. ademáis de Lena Currás que rematou primeira nos 1000 m.l. e subcampioa na lonxitude. Sabela Miranda venceu no lanzamento de peso i Emma Collazo rematou segunda nos 500 m.l.



SUB 10

  • HUGO LORENZO, 10º 500 m.l.
  • ALEX CARBALLO,  8º 50 m.l. e 4º 500 m.l.
  • LUCA CAO, 3º peso
  • EMMA SALGADO, 8ª lonxitude
  • SOFIA CORRALES, 13ª 1000 m.l.
  • LUCIA CANCELAS, 10ª 50 m.l. e 5ª 500 m.l.
  • DANIELA NOGUEIRA, 8ª peso
  • MAR FAZANES, 10ª peso


SUB 12

  • ANGEL REFOJOS, 1º 60 m.l. e 2º 1000 m.l.
  • BRAIS GARCIA, 17º 1000 m.l.
  • DANIEL CORDEIRO, 6º 500 m.l. e 7º lonxitude
  • ALEJANDRO FERNANDEZ, 4º peso
  • CARLA SALGADO, 13ª 60 m.l.
  • NORA PARCERO, 21ª 1000 m.l. 
  • EMMA COLLAZO, 2ª 500 m.l. e 5ª  lonxitude
  • LENA CURRAS, 1ª 1000 m.l. e 2ª lonxitude
  • ALBA ALVAREZ, 16ª1000 m.l.
  • SABELA MIRANDA, 1ª peso 


     Pola tarde foi o turno da categoría infantil coa presenza de catro atletas que acadaron os seguintes resultados:

SUB 14

  • SAUL SANTOS, 9º  500 m.l.
  • MARCOS RIAL, 7º 1000 m.l. 
  • MIGUEL FERNANDEZ, 10º 2000 m.l. e 10º lonxitude
  • ANTIA SOTO, 5ª 60 m.l. e  5ª triple salto


 

PLAN DE VIAXE A OURENSE

     Este vindeiro sábado 4 de febrero vai ter lugar na Pista Cuberta de Expourense o CAMPIONATO GALEGO SUB 10-12 e SUB 14 baixo teito. Temos previsto viaxar para a xornada de maña, que engloba aos SUB 10 e SUB 12, nun autobús que sairá da estación de Cangas as 08:00 horas con volta ao remate. Para a xornada de tarde a categoría SUB 14 faran a viaxe en coches particulares, avisando si carecen de transporte. A xornada rematará de maña sobre as 14:00 horas polo que se precisará levar algo de comer, tamén se recorda levar DOCUMENTACION ( DNI ou FICHA FEDERATIVA). Si alguen quere a ficha en formato dixital que a solicite polos grupos de whatsapp. Achegamos a continuación HORARIO provisional e @s atletas que participarán na competición. No autobús poderan viaxar os acompañantes d@s atletas, no hai que reservar, estimase que hai sitios para tod@s. 



SUB 10

  • HUGO LORENZO, 500 m.l.
  • ALEX CARBALLO, 50 m.l. e 500 m.l.
  • LUCA CAO, peso
  • EMMA SALGADO, lonxitude
  • SOFIA CORRALES, 1000 m.l.
  • LUCIA CANCELAS, 50 m.l. e 500 m.l.
  • DANIELA NOGUEIRA, peso
  • MAR FAZANES, peso

SUB 12

  • ANGEL REFOJOS, 60 m.l. e 1000 m.l.
  • BRAIS GARCIA, 1000 m.l.
  • DANIEL CORDEIRO, 500 m.l. e lonxitude
  • SAMUEL CORRALES, altura e lonxitude
  • ALEJANDRO FERNANDEZ, peso
  • CARLA SALGADO, 60 m.l.
  • NORA PARCERO, 1000 m.l. 
  • EMMA COLLAZO, 500 m.l. e lonxitude
  • LENA CURRAS, 1000 m.l. e lonxitude
  • ALBA ALVAREZ, 1000 m.l.
  • SABELA MIRANDA, peso 


SUB 14

  • SAUL SANTOS, 500 m.l.
  • MARCOS RIAL, 1000 m.l. 
  • MIGUEL FERNANDEZ, 2000 m.l. e lonxitude
  • GABRIEL FAZANES, 500 m.l.
  • AMARO BASTON, peso
  • ANTIA SOTO, 60 m.l. e triple salto