Ourense, 18 e 19 de xaneiro de 2025
Archivo de la etiqueta: Probas Combinadas
CAMPIONATO GALEGO DE CLUBS DE PROBAS COMBINADAS
Vigo, 20 e 21 de abril de 2024
Intensa fin de semana nas Pistas de Balaidos para acoller o CAMPIONATO GALEGO DE CLUBS DE PROBAS COMBINADAS. O equipo amarelo estivo composto por tres atletas da categoria SUB 20 que fixeron fronte as dez probas do decathlon, 100 m.l., lonxitude, peso, altura, 400 ml., 110 m.v., disco, pértega, xavelina e 1500 m. Diego Martínez capitaneou o rumbo do equipo acadando unha puntuación final de 5713 puntos, a segunda mellor de todos os competidores. Cunha liña bastante regular, salientamos un concurso de altura moi completo.
Carlos Corredoira viña de estrearse nunha modalidade na que ten marxe de mellora, destacando xa en varias probas. A suma global achegouno aos 4419 puntos. Manuel Lemos competiu coa idea de completar o equipo, non está adestrando regularmente, pero ainda así sumou 3258 puntos. Finalmente o equipo amarelo foi 4º cunha suma de 13.390 puntos.
CAMPIONATO GALEGO DE PROBAS COMBINADAS SUB 18
A Coruña, 27 e 28 de maio de 2023
Falar de probas combinadas é falar de Diego Martínez, quen se desprazou ata A Coruña para disputar o decatlon da categoria SUB 18, xunto él foi Ramilo, quen fai as veces de adestrador, manager, psicólogo, masaxista e, como non, fotógrafo. O programa das probas combinadas discorría paralelo aos Campionatos SUB 18 e SUB16 que tiñan lugar sábado e domingo respectivamente. Despois das probas de 100 m.l., Lonxitude, Peso, Altura, 400 m.l., 110 m.v., Disco, Pértega, Xavelina, 1500 m.l., rematou sumando un total de 5450 puntos que lle outorgaron o SUBCAMPIONATO GALEGO. Se lle preguntamos a Diego seguro que se amosa moi autocrítico pero se non fora así non sería Diego.
CAMPIONATO GALEGO CLUBS DE PROBAS COMBINADAS
Pontevedra, 29 e 30 de abril de 2023
Para despedir o mes de abril achegamonos ata as pistas do CGTD de Pontevedra. A cita era no CAMPIONATO GALEGO CLUBS DE PROBAS COMBINADAS, onde nos presentamos cun trio de atletas composto por Dani Calvar, Diego Martínez e Manuel Lemos.
A marixade foi complexa e deu un resultado notable. Tras dous días de competición e un decatlon por atleta (100 m.l., Lonxitude, Peso, Altura, 400 m.l., 110 m.v., Disco , Pértega, Xavelina e 1500 m.l.) finalizaron SUBCAMPIONS GALEGOS cunha suma de 13005 puntos, dos cales foron acadados 5483 por Diego Martínez, 4100 por Dani Calvar e 3422 por Manuel Lemos. Trás ese titánico esforzo mandamolle unha forte aperta, estamos agardando o seguinte reto deste magnifico trio.
CAMPIONATO CLUBS PROBAS COMBINADAS DE INVERNO
Pontevedra, 26 e 27 de decembro de 2020
Celebrouse nas pistas do CGTD de Pontevedra o CAMPIONATO CLUBS PROBAS COMBINADAS DE INVERNO para categorías desde SUB 16 ata MASTER. Sen poder formar equipo, presentouse Diego Martínez, participando do Hexathlon da categoría SUB 16. Solventou as probas de maneira NOTABLE, acadando o 2º posto no global das probas.
No tocante as probas, rematou os 60 m.l. en 8,23 s., saltou 4,79 m. en lonxitude, lanzou 9,90 m. en peso, correu os 60 m.v. en 10,51 s., superou o liston de altura a 1,45 m. e recorreu os 1000 m.l. en 3:39.24. A suma final de puntos foi 2.451. Noraboa Diego, longa vida aos combineros.
CAMPIONATO GALEGO DE PROBAS COMBINADAS
27-28 de xaneiro de 2018
A localidade de Lugo acolleu os días 27 e 28 de xaneiro o CAMPIONATO GALEGO DE PROBAS COMBINADAS. A cita englobaba desde a categoría SUB 16 ata @s MASTER. O Módulo Cuberto do Estadio Gregorio Pérez Rivera foi o esceario de case todalas probas. David Lorenzo participou no heptathlon SUB 20 e rematou CAMPION GALEGO nesta esixente disciplina. As marcas acadadas nas sete probas sumaron un total de 4078 puntos, a súa mellor marca ata o momento. Rematou os 60 m.l. en 7.58, os 60 m.v. en 9.66 e a carreira de 1000 m.l. en 2:50.04. Nos concursos saltou 5.81 m en lonxitude, chegou aos 4.00 m en pértega, 1.67 m no salto de altura e lanzou o peso ata os 7.49 m. Unha boa mostra da versatibilidade deste atleta, que se viu recompensada coa victoria final.
CAMPIONATO GALEGO COMBINADAS E VELOCIDADE.
Lugo 6 e 7 de febreiro de 2016.
Durante a fin de seman do Entroido Lugo acolleu o CAMPIONATO DE GALICIA DE PROBAS COMBINADAS CADETE, XUVENIL, JUNIOR, PROMESA E ABSOLUTO e o CAMPIONATO DE GALICIA DE 60 E 60 VALADOS. No Campionato de velocidade, que conta este ano a súa segunda edición, participou Paula Martínez na proba dos 60 metros valados. Tras unha primeira semifinal que superou con 9.96, na final obtivo o terceiro posto con 9.84. Moi disputada foi a subida ao caixón do bronce, unha centesima foi a que separou a Paula da cuarta clasificada. RESULTADOS
A xornada comezaba co pentathlon feminino da categoría cadete. Nos 60 m.v. Ariadna Gil estreou a competición cun tempo de 9.79. Este bo comezo e a regularidade no resto das probas levouna a sumar 2.554 puntos. Melloraba a súa anterior marca e acadaba o Subcampionato Galego de Probas Combinadas. RESULTADOS
A actividade no Modulo Cuberto e no Estadio Gregorio Pérez non cesaba, unha vez rematada a xornada do sábado ainda faltaba o domingo. Moitas categorías e moitas probas. No caso dos xuvenís foi o heptathlon masculino. Ata o de agora @s @marel@s fixeran pleno, e Daniel Calvar máis David Lorenzo completaron unha participación de podio. E ademáis moi axustado, David Lorenzo proclamouse Campión Galego por catro puntos. Daniel Calvar foi bronce.
PROBAS COMBINADAS EN LUGO
Este sábado día 6 de febreiro dará comezo en Lugo o CAMPIONATO DE GALICIA DE PROBAS COMBINADAS. As categorías implicadas van dende cadete ata veterán. Pola nosa parte imos estar representados no pentathlon feminino pola cadete Ariadna Gil. En canto o heptathlon masculino acudirán os xuvenis David Lorenzo e Daniel Calvar. Entre o sábado e o domingo vaise desenrolar o Campionato no Estadio Gregorio Pérez e no Módulo Cuberto de Lugo.
HORARIO- sábado 06
HORARIO-domingo 07
CAMPIONATO GALEGO DE PROBAS COMBINADAS POR CLUBES.
Lugo 10 de xaneiro de 2015
Moi boa participación na categoria Cadete na que estivemos implicados no modulo cuberto de Lugo. E foi todo un acerto estar a cuberto porque o domingo apenas deu tregua, con bastante choiva. As probas do pentatlon comezaron polo 60 metros valados. Ariadna Gil acadou o 2º mellor tempo con 10.28. Irene Menendez rematou en 10.94 e Naiara Villar 12.75. Bo comezo para un pentathlon cadete que sumaba 22 participantes. O concurso do salto de altura ralentizou a xornada, sendo o punto débil das nosas representantes. A lectura positiva é que ainda queda moito por mellorar, e querendo mellorase.
O concurso de peso realizouse no exterior xunto coa proba dos 600 m.l. Nesta proba, baixo un diluvio, Ariadna Gil voltou repetir o segundo posto con 1:52,49, Irene Menendez rematou en 2:12,49 e Naiara Villar en 2:11,15. Previamente realizaron o salto de lonxitude con marcas discretas e sempre con marxe de mellora. Finalmente como equipo non lograron o podio, quedaron preto de cuartas. De maneira individual acadou a medalla de bronce Ariadna Gil cun total de 2.388 ptos. Irene Menendez foi 10ª con 2.000 ptos e Naiara Villar rematou no posto 20 con 1471 ptos.
Vai camiño Lugo de converterse no referente das combinadas na tempada invernal. Xa ten novo lema a cidade…E Pra Combinadas Lugo.
CAMPIONATO GALEGO DE PROBAS COMBINADAS
Este domingo 10 de xaneiro vaise disputar no modulo cuberto de Lugo o CAMPIONATO DE GALICIA CLUBES PROBAS COMBINADAS. Van participar no pentathlon feminino as cadetes Naiara Villar, Irene Menéndez e Ariadna Gil. A xornada comeza de maña coa proba de 60 metros valados, continuando cos concursos de altura, peso e lonxitude. Para rematar na pista exterior competiran nos 600 m.l.
Debe estar conectado para enviar un comentario.