Ourense, 15 de febreiro de 2024
Archivo de la etiqueta: CAMPIONATO GALEGO
CAMPIONATO GALEGO DE MARCHA EN RUTA
A Pobra do Caramiñal, 09 de febreiro de 2025
Ata a peninsula do Barbanza tocoulle o desprazamento da única representante amarela na esixente disciplina da marcha atlética. A Pobra do Caramiñal acolleu o CAMPIONATO GALEGO DE MARCHA EN RUTA, onde participou Vera Boubeta acadando un meritorio 10º posto nos 3 kms da categoria SUB 14 feminina.
CAMPIONATO GALEGO DE LANZAMENTOS LONGOS
Ordes 08/02/2025- O Barco 09/02/2025
Tivemos representación no CAMPIONATO GALEGO DE LANZAMENTOS LONGOS nas categorias SUB 16 e SUB 20. Non tiveron a mesma sede nin a mesma data. Diego Martínez desprazouse ata Ordes para lanzar o disco acadando unha marca de 35.91 m. e rematando SUBCAMPION GALEGO da categoria SUB 20.
A sede que acolleu a categoria SUB 16 foi O Barco de Valdeorras, onde concursou no lanzamento de xavelina Miguel Fernández, acadando o BRONCE e unha mellor marca de 33,91 m.
CAMPIONATO GALEGO ABSOLUTO DE PISTA CUBERTA
Ourense, 2 de febreiro de 2025
A competición de máis alto nivel de Galicia en Pista Cuberta celebrouse en Expourense. Xa podemos presumir de que o atleta máis veloz da Comunidade viste de amarelo. Non podía ser outro que Mauro Vázquez, quen pasou con solvencia a final, cun tempo de 6,91s. e na proba raiña da velocidade baixo cuberta, os 60 m.l., ainda tivo marxe de mellora e venceu con 6,90 s. Acudirá ao Campionato de España SUB 20 coma Campión Galego Absoluto. Despois deste impresionate comezo salientar a participación de Dani Calvar, nas probas de 200 m.l. e 400 m.l. onde rematou nos postos 16º e 13º respectivamente. O combinero Diego Martínez foi 4º no concurso de altura e será outro membro da expedición amarela ao Campionato de España SUB20.
As mulleres tiveron presenza no concurso de peso da man de Gemma Dacosta que rematou preto do podio no 4º posto. Antia Soto participaba nas esixentes series de 60 m.l. e acadaba o posto 19º no global da proba. Finalmente Leire Fonseca presentaba as suas credenciais no Absoluto cun 4º posto no 200 m.l. e un 5º posto no 400 m.l.
CAMPIONATO GALEGO PROBAS COMBINADAS PISTA CUBERTA
Ourense, 18 e 19 de xaneiro de 2025
Entramos de cheo na tempada indoor e iso levanos a Expourense. Durante toda a finde semana a pista ourensana acolleu o CAMPIONATO GALEGO DE PROBAS COMBINADAS. Baixo teito poidemos ollar a evolución dos combineros máis en forma de Galicia. a nosa atención centrouse en Diego Martínez que disputaba o heptathlon SUB 20, onde tras dous días de intensa competición acadou a victoria e proclamouse CAMPION GALEGO, ademáis engadirlle unha MMP que lle da o pase ao Campionato de España. Detrás de todo isto, sobra dicir, hai moito traballo e perseverancia, polo que, so nos quedan engadir os PARABENS para os adestradores por este magnifico logro.
CAMPIONATO GALEGO CROSS XOGADE
Poio, 11 de xaneiro de 2025
Rematado o Nadal tocaba volta a rutina, foi un desplazamneto corto, ata Poio, onde agardaba o CAMPIONATO GALEGO DE CROSS XOGADE. Con esta proba daba remate o programa XOGADE de Campo a través, alí chegaron Alex Carballo, que se clasificou na categoria SUB 12 e rematou no posto 30º na carreira que medía aos mellores escolares de Galicia.
Na categoria SUB 14 correu Daniel Cordeiro, rematando no posto 18º e corroborando así o seu excelente estado de forma. A sección feminina SUB 14 acadou o pase e presentou un equipo composto por Lena Currás, 5ª, Emma Collazo, 18ª, Vera Boubeta, 43ª, Nora Parcero, 44ª, Noa Pedrido, 58ª i Elodie Graña, 60ª. Coa suma destas actuacións o equipo acadou un magnifico 4º posto. Para remate das participacions amarelas facemos mención do 45º posto acadado por Miguel Fernández na carreira SUB 16. Seguimos sumando ata o vindeiro Cross.
CAMPIONATO GALEGO SUB 20 AO AIRE LIBRE
Santiago, 13 de xullo de 2024
As pistas de atletismo da USC acolleron o CAMPIONATO GALEGO SUB 20 AO AIRE LIBRE. Dous amarelos loitaron por ser os máis rápidos nos 100 m.l., Ibrahim Aga non progresou da semifinal, rematando 6º con 12,62 s e Mauro Vázquez gañou as duas carreiras que disputou proclamandose CAMPION GALEGO.
Nos 200 m.l. volveu competir Ibrahim Aga acadando o posto 8º na final. Carlos Corredoira acadou o 4º posto nos 400 m.l. e a carreira viu acompañada dunha MMP. Diego Martínez proclamouse CAMPION GALEGO en lanzamento de disco e SUBCAMPION no concurso de altura. Carlos López rematou 7º na proba de 800 m.l.
Uxia Sánchez disputou a carreira de 400 m.l. rematando 6ª no computo xeral. A estas notables actuacions faltaballe a guinda que chegou da man do equipo masculino de remudas 4X100 composto por Mauro Vázquez, Carlos Corredoira, Diego Martínez e Carlos López, quenes foron os máis rápidos en cruzar a liña de meta.
CAMPIONATO GALEGO SUB 16 AO AIRE LIBRE
Pontevedra, 06 de xullo de 2024
As pistas do CGTD de Pontevedra volven a ter unha actividade salientable, este pasado sábado acolleron o CAMPIONATO GALEGO SUB 16 AO AIRE LIBRE. Alí acudiron vari@s amarel@s que estiveron liderados pola medalla de BRONCE que acadou Hugo Collazo na proba de 3000 m.l., nesta carreira acompañouno Marcos Rial que rematou no posto 12º.
Brais Paz non progresou a final de 100 m.l. co 6º lugar que acadou na semifinal. Antia Soto foi quen de colarse na final dos 100 m.l. e acadar un magnifico 6º posto, tamén rematou 9ª nos 300 m.l. Na mesma proba de 300 m.l. participou Antia Baqueiro rematando 15ª.
Miguel Fernández concursou na lonxitude, finalizando 5º e no lanzamento de xavelina, onde rematou 6º. As remudas do 4X100 masculino poñian o punto e final do Campionato, alí estiveron Hugo Collazo, Marcos Rial, Brais Paz e Miguel Fernández marcando un tempo de 53.06 ocuparon o 6º posto.
CAMPIONATO GALEGO ABSOLUTO AO AIRE LIBRE
Vigo, 15 de xuño de 2024
Outra importante competición requería da nosa presenza nas Pistas de Balaidos. A proba máis importante a nivel autonomico en aire libre moveu un numeroso continxente de amarel@s. Imos comezar pola sección masculina que estivo encabezada pola medalla de BRONCE acadada por Mauro Vázquez nos 100 m.l., cun tempo na final de 10.71 s.
Pola mesma senda foi Diego Martinez que superou os 1,83 m. no concurso de salto de altura e rematou 3º. Na probas das remudas 4 X 100 m. participaron Mauro Vázquez, Diego Martínez, Carlos Corredoira e Martin Souto rematando nun tempo de 44,12 s na 3ª posición.
Nos 400 m.l. disputaronse varias finais das que foron participes Carlos López, 17º e Carlos Corredoira , 14º. Daní Calvar foi 5º na proba de 400 m.v. Tamén se presentou equipo nas remudas 4X400 m. composto por Dani Calvar, Carlos Corredoira, Carlos López e Diego Martínez que ao remate da proba foron descalificados.
A sección feminina contou coa presenza de Marta Camaño nas probas de velocidade quedando na quenda das semifinais dos 100 m.l. sen progreso a final. Onde si progresou foi nos 200 m.l. acadando o 7 º posto na final. Gema Dacosta concursou no lanzamento de peso, rematando 4ª e tamén no lanzamento de disco, rematando 7ª.
Presentouse equipo para as remudas 4 X100 m. rematando no 5º posto con Agata Rodríguez, Leire Fonseca, Antia Soto e Marta Camaño. Na proba de 4X 400 m. correron Leire Fonseca, Iris Malvido, Nerea Malvido e Valentina Faye. Parabens para atletas e adestradores por este magnifico Campionato.
CAMPIONATO GALEGO SUB 18 AO AIRE LIBRE
Vigo, 9 de xuño de 2024
Debe estar conectado para enviar un comentario.