CAMPIONATO DE ESPAÑA DE INVERNO DE PROMOCION

Publicado el 11 diciembre 2016 por Oscar

Cehegín-Murcia, 11 de decembro de 2016

Este domingo, a actualidade da marcha atletica estaba centrada na localidade murciana de Cehegín. A nosa andaina polo VI Campeonato de España de Marcha de Invierno de Promoción, comezou coa proba dos 3kms da categoría cadete feminina. Na saída estaban Ana Piñeiro e Valeria Fernández. Todo un logro a nivel nacional, que despois da proba se viu refrendado pola medalla de BRONCE acadada por Ana Piñeiro. A súa compañeira Valeria Fernández rematou no posto 25º.

Para as categorías menores desenvolveuse o TROFEO 35º ANIVERSARIO CEHEGIN DE MARCHA ATLETICA. De maneira notable remataron os dous amarel@s. Ambos acadaron a medalla de prata. Lara Iglesias con 11:39 nos 2kms da categoria alevín e Denis Fernández con 15:49 nos 3kms da categoría infantil. NORABOA para os marchadores e adestradores.

COMPETICIONS DA FIN DE SEMANA

Publicado el 8 diciembre 2016 por Oscar

O domingo 11 de decembro, o parque de Castrelos en Vigo, vai ser esceario para o XVI MEMORIAL ANDRES ABANQUEIRO. Un clásico na recen estreada tempada de cross. Por parte d@s amarel@s están inscritos na proba:

Pitufo:

Alejandro Fernández- Carlos Pérez

Prebenxamin:

Miguel Fernández- Saul Parcero

Benxamín:

Leire Brun- Sabela Domínguez – Marina Nuñez -Noa Quinteiro – Hugo Domínguez – Candela Castro – Aitor Costas – Ruben Costas

Alevin:

Sara Nerga – Gema Dacosta – Nerea Malvido – Eloy Domínguez – Yago Juncal – Diego Martínez – Carlos Lopez – Carlos Corredoira

Infantil:

Nerea Piñeiro- Ana Cerqueira – Sara Mallo – Miguel Nuñez – Ivan Iglesias – Daniel Quinteiro – Aaron Otero – Jairo Parcero – Carlos Portela – Carmen Castro – Abril Entenza

Cadetes:

Manuel Otero- Daniel Iglesias – Aaron Domínguez – Lope Quinteiro – Sabela López

Un pouco máis lonxe, na localidade murciana de Cehegín vai ter lugar o VI CAMPIONATO DE ESPAÑA DE INVERNO DE PROMOCION para as categorías cadete, xuvenil e junior. O mesmo disputarase na mañá do día 11 de decembro e contaremos coa presenza das cadetes Ana Piñeiro e Valería Fernández, que percorreran o circuito de 3000 mts. Paralelamente tamén se fara o TROFEO 35º ANIVERSARIO CEHEGIN ATLETICO DE MARCHA, onde competiran a alevín Lara Iglesias máis o infantil Denis Fernández.

XLIII TROFEO PEDESTRISMO CONCELLO DE CANGAS-MEMORIAL PEPE CORDEIRO 2016

Publicado el 6 diciembre 2016 por Oscar

Cangas, 04 de decembro de 2016

Na primeira fin de semana de decembro tocanos de cheo o noso querido XLIII TROFEO PEDESTRISMO CONCELLO DE CANGAS-MEMORIAL PEPE CORDEIRO. O abrente non facía presaxiar un mal día, ainda que despois chegamos a temperaturas de 21º. Espectaular mañá, en termos climáticos e por suposto atléticos. Desde as 10 ata ben pasadas as 13 horas non deixamos de ver atletas polas rúas de Cangas.

As dez estaba prevista a primeira proba e as dez comezou. Nos tamén andivemos as carreiras. Eran as BENXAMINS femininas, que sobre un percorrido de 500 mts, inauguraron o Trofeo do ano 2016. O podio foi para Emma Rial 1ª, Emma Regueira 2ª e Eva María Otero 3ª. Das integrantes do Club, Sabela Domínguez foi 6ª, Candela Castro 7ª, Alba Del Valle 8ª, Leire Brun 9ª, Paula Fernández 21ª e Noa Quinteiro 24ª. En canto a categoria másculina, os primeiros en cruzar a meta foron David Entenza, Oscar Otero e Brais Pintos. A representación amarela estivo encabezada por Hugo Domínguez 7º e Rodrigo Sacau, que rematou 12º.

O podio da categoría ALEVIN feminina foi ocupado por Adriana Rial, Carmen Carreira e Nerea Barros. Nesta categoría a «invasión» amarela rematou con Lara Iglesias 5ª, Agata Rodríguez 6ª, Cristina Taboada 7ª, Andrea Pérez 8ª, Sara Nerga 10ª, Carmen Fraga 11ª, Noa Nerga 13ª, Uxia Sánchez 14ª, Gema Dacosta 16ª, Iris Malvido 17ª, Nerea Malvido 24ª e Uxia Pazo 32ª. Na sección másculina chegaron os primeiros podios, Carlos López e Raúl Rial, acadaron o 1º e 2º posto, acompañados por Hugo Couñago. Os seus compañeiros remataron con Yago Juncal 8º, Manuel Lemos 10º, Diego Martínez 13º, Rubén Lemos 14º, Carlos Corredoira 19º, Eloy Domínguez 22º, Eloy Domínguez Del Rio 23ºe Luca Piñeiro 25º.

O percorrido sumaba segundo as categorías, na INFANTIL chegaba aos 1500 mts. A vencedora en mulleres foi Laura Alfonso, seguida por Aldara Fonseca e Carmen Carrera. No tocante as nosas atletas, a primeira en cruzar a linea de meta foi Sara Mallo, en 4º posto. Anais Santamarina foi 8ª, Angela Fraga 9ª, Carmen Castro 11ª, Ana Cerqueira 12ª e Rocio Novas 15ª.

En homes destacou Ivan Iglesias, acadando o 3º posto, soamente superado por Dawit Comesaña 1º e Jose Estevez 2º. Despois de Ivan entraron Joel Curro de 5º, Denis Fernández 7º, Aaron Otero 8º, Adan Dacosta 12º, Daniel Quinteiro 16º, Anton Núñez 17º e Jairo Parcero 21º.

O tempo apremiaba e os CADETES fixeron a saída conxunta. Os homes percorrían 3000 mts e as mulleres 2000 mts. No caso dos primeiros, coparon o podio de amarelos. Lope Quinteiro, Anton Iglesias e Alex Iglesias, de cuarto entrou Aaron Domínguez, seguido por Daniel Iglesias 9ºe Gabriel Dacosta 11º. Na carreira feminina foron primeiras Sara Lima, Paula De la Torre e Carla Guisande. Polo Vila entraron Sabela López 6ª, Valeria Rodríguez 7ª, Ariadna Gil 8ª, Naiara Villar 9ª, Ines Pardavila 10ª, Maria Rial 13ª, Ainoa Santos 14ª, Colomba Carballal 15ª, Veronica Brun 16ª, Alba Pardavila 17ª, Irene Menéndez 18ª e Ines Villamor 19ª.

A proba JUNIOR, sobre 6000 mts, deu coma vencedor a Jose Villar, mentras que na categoria XUVENIL impusose David Burgos. Non quedaba tempo para máis, tendo en conta que a proba absoluta, con saída en Aldán, comezaba as 12:00 horas. A esa hora as temperaturas estaban preto dos 20 grados e somouse esta circunstancia o sinuoso circuito que percorría desde Aldán a costa canguesa. Finalmente na carreira absoluta resultou vencedor Lolo Penas, seguido de preto por Alejandro Fernández. o terceiro posto foi acadado por Victor Riobo. Na categoría feminina Maria jesús Gestido, alzouse co triunfo. Beatriz Fernández foi segunda e Marina Caballero terceira.

CLASIFICACION CARREIRA MAIORES

RESULTADOS MENORES

CONCENTRACION SECTOR SALTOS-ZONA SUR

Publicado el 5 diciembre 2016 por Oscar

Ourense, 03 de decembro de 2016

Este pasado sábado 03 decembro tivo lugar en Ourense a CONCENTRACION SECTOR SALTOS-ZONA SUR. O módulo cuberto do Pavillón dos Remedios acolleu as actividades desenvolvidas pola FGA. As mesmas incluían adestramentos e charlas. O responsable do Sector Mario González estivo acompañado polos adestradores Santiago Ferrer (pai e fillo) e José Alfonso Palomanes.

Por parte do Club acudiron en LONXITUDE, a cadete Irene Menéndez. No TRIPLE SALTO, foron convocados os cadetes Maria Rial, Ariadna Gil e Gabriel Dacosta, ademáis da xuvenil Saray Amoedo. Por último tamén acudiu para a PERTEGA o xuvenil David Lorenzo.

CLASIFICACION CATEGORIAS MENORES-CIRCUITO URBANO

Publicado el 4 diciembre 2016 por Oscar

Achegamos as clasificacións das carreiras que se disputaron no CIRCUITO URBANO, esta mañá do domingo 04/12/2016, dentro do XLIII TROFEO DE PEDESTRISMO CONCELLO DE CANGAS-MEMORIAL PEPE CORDEIRO.

RESULTADOS

dscn2616

CAMPIONATO GALEGO DE MARCHA DE INVERNO

Publicado el 27 noviembre 2016 por Oscar

A Pobra, 26 de novembro de 2016

O Concello de A Pobra do Caramiñal acolleu o XV CAMPIONATO GALEGO DE MARCHA DE INVERNO. Era o primeiro Campionato autonómico na Marcha Atlética e supoñia un importante test para atletas e adestradores de cara a contrastar o estado de forma neste inicio de campaña. A primeira proba da mañá na que contamos con representación foi os 1000 m benxamín feminino, ali debutou Candela Castro rematando en 8º posto. Carlos Corredoira foi tamén o único representante nos 2000 m da categoría alevín, acadando o posto 14º. Na mesma distancia as mulleres estiveron encabezadas por Lara Iglesias, 3ª, seguida por Iris Malvido, 5ª, Gema Dacosta, 7ª e Nerea Malvido, 8ª.

Esta primeira medalla de BRONCE logo foi acompañada pola PRATA que obtivo Denis Fernandez na proba dos 3000 m. da categoría infantil. En mulleres participou Rocio Novas, quen rematou no posto 18º.

Ana Piñeiro proclamouse CAMPIOA Galega na proba cadete, rematando os 3000 m en 15:19.78. Valeria Fernández acadou o posto 5º. Na carreira absoluta, sobre un percorrido de 5000m, Esmeralda Corredoira foi 9ª e 4ª da categoría promesa.

Aproveitouse a proba para efectuar as premiacions do Circuito Josefina Romero desta pasada tempada.

grupo

RESULTADOS

PREVIA DO CAMPIONATO GALEGO DE MARCHA DE INVERNO

Publicado el 24 noviembre 2016 por Oscar

Este sábado 26 de novembro terá lugar nas pistas de atletismo de A Pobra o CAMPIONATO GALEGO DE MARCHA DE INVERNO. Os atletas do Vila de Cangas inscritos na proba son:

HOMES

CARLOS CORREDOIRA (alevin- 2km)
DENIS FERNANDEZ (infantil-3km)

MULLERES

ANGELA FRAGA (infantil-3km)
ROCIO NOVAS (infantil-3km)
ANA PIÑEIRO (cadete-3km)
VALERIA FERNANDEZ (cadete-3km)
LARA IGLESIAS (alevin- 2km)
IRIS MALVIDO (alevin- 2km)
NEREA MALVIDO (alevin- 2km)
GEMA DACOSTA (alevin- 2km)
CANDELA CASTRO (benxamin- 1km)
ESMERALDA CORREDOIRA (promesa- 5km)

REGULAMENTO LISTA DE SAIDA

V LIGA FEDERADA ESCOLAR ABANCA-FASE PREVIA

Publicado el 23 noviembre 2016 por Oscar

Vigo, 19 de novembro de 2016

Comezabamos a tempada nas Pistas de Balaidos en Vigo. A competición por equipos nos tivo en vilo toda a mañá. Moitas caras novas e por suposto equipos que afrontaban as suas primeiras competicions. Contamos coa sorte dun tempo ameazante pero que o final respetou a proba, a choiva apareceu sobre as 15:00 horas. Os resultados obtidos polos equipos non foron froito da sorte, se non do adestramento e as gañas que empregaron estas categorias.

Presentábamos equipo en todas as categorías, si ben o benxamín masculino deixou sen cubrir máis probas das que permitía o REGULAMENTO, no cal se especificaba que o primeiro equipo de cada fase e as cinco mellores puntuacións serían as que se clasificaban para a FASE FINAL.

Os resultados nas tres categorías foron:

RESULTADOS BENXAMIN

RESULTADOS ALEVIN

RESULTADOS INFANTIL

En base a suma das diferente probas, os equipos CLASIFICADOS son:

final-v-liga-abanca-page-001

PRESENTACION TEMPADA 2016/17

Publicado el 20 noviembre 2016 por Oscar

O sábado 19 de novembro foi a data elexida para a Presentación Oficial dos equipos do Vila de Cangas. O salón de Plenos do Concello de Cangas acolleunos para ir coñecendo os distintos equipos por categorías. Familia e socios foron enchendo as butacas, cando no exterior non paraba de chover. Como invitados tivemos a dous ilustres atletas do noso pobo, Solange Pereira e Alvaro Prieto, quenes amosaron a sua paisón polo atletismo e foron un digno espello para a nosa canteira.

Da parte institucional contamos coa presenza do Alcalde de Cangas, o Concelleiro de Deportes e concelleiros de diversas forzas en Cangas. Tamén se sumaron a Deputada de Deportes da Deputación de Pontevedra e o Coordinador do Deporte Escolar da Xunta de Galicia. Por parte da FGA acudiu o responsable da Delegación de Vigo.

Despois das fotos dos diferentes equipos, tivemos que improvisar o esceario da foto de familia. Non parou de chover e as escaleiras do interior do Concello asumiron o protagonismo da foto. Escalonadamente fomonos repartindo por elas, ata completar o tetris amarelo. Veremos o que sae.

Tomaron a palabra as diferentes personalidades para dunha maneira ou outra alabar e incentivar as virtudes do deporte. Máis non tardou en sair un tema de actualidade candente, o estado das Pistas de Cangas. Solange Pereira, frecuente usuaria das mesmas, pediu as Autoridades presentes, que unhas boas instalacións non se deixen deteriorar ata o punto que se fagan inutilizables. Dixo tamén que a solución de parchear o tartán non lle parecía boa, que as pistas necesitarían un saneamento integral do tartán.

Ata ahí a maioria pensamos coma Solange, pero claro non tardou en sair o verdadeiro obstáculo que impide unha solución digna o problema…OS CARTOS. Esperamos que se lle preste prioridade a este PROBLEMON xa que nesta tempada as pistas poden perder a súa homologación, amén de lesións e limitación a hora de adestrar.

Dende o Club queremos amosar a nosa determinación para que iso non suceda, e que estas instalacións non caían no olvido.

Mentrás fora @s nen@s permanecían xogando e alleos a unha problemática que agardamos, co tempo, non sufran. De feito, esta hiperactividade dos máis pequenos puso fin o debate. Había que entretelos dalgunha forma, xa estaba pensado, isto si que tiña fácil solución. Nos subimos tod@s para o piso superior e SORPRESA, comida, bebida e ata unha tarta de chuches.

Engadir que durante a mañá os benxamins, alevins e infantis estiveron disputando en Vigo a V Liga Federada Escolar. Moit@s só vestiron o chandal durante o sábado, se tiveramos que pagarlles nos arruinabamos.

14991273_1609296542708928_1371638858670212566_o

PREVIA LIGA FEDERADA ESCOLAR ABANCA

Publicado el 17 noviembre 2016 por Oscar

Este sábado 19 de novembro, en xornada de maña, as pistas de atletismo de Baladios en Vigo acolleran a V LIGA FEDERADA ESCOLAR ABANCA (fase sur). Esta competición, por equipos, implica as categorías benxamín, alevin e infantil. Supón unha xornada clasificatoria para a final, que será no Pazo dos Deportes de A Coruña, polo mes de xaneiro.

Para o desprazamento dos atletas ata Vigo vaise habilitar un autobús, que sairá da estación de Cangas as 09:00 da mañan do sábado. Polo ben dos equipos, pregase puntualidade e que se comunique o Club, o antes posible, calquera incidencia que puidera afectar a formación dos equipos.

@s nen@s deberán levar unha muda de roupa para cambiarse, sempre e aconsellable máis cando a previsión é de choiva. Dependendo das probas a realizar tamén se aconsella levar comida.

Por categorias, achegamos os enlaces dos atletas inscritos en cada proba:

BENXAMIN

ALEVIN

INFANTIL

Estabamos pendentes da modificación do HORARIO, prevista para o mércores 16. En caso de producirse procuraremos informar, por agora adiantamos o primeiro horario publicado na circular do Campionato.