Ourense, 12 de febreiro de 2022

     Entramos de cheo en tempada de Pista Cuberta, no caso de Galicia falar de Indoor e falar de Expourense. O grupo de Ramilo tería que amosar a súa valía no CAMPIONATO GALEGO ABSOLUTO E SUB 23 DE PISTA CUBERTA. A competición foi inaugurada por Diego Martínez no concurso de salto de altura, onde rematou 9º cun mellor salto de 1,76 m. O seguinte concurso con presenza amarela sería o triplo feminino, alí Ariadna Gil acadou o BRONCE da categoria absoluta e Campioa Galega na súa categoria Sub 23. Xa estamos preto do Campionato de España Sub 23 e foi o derradeiro test. Marta Camaño e Lucia Gil puseron a nota de xuventude nos 60 m.l. a primeira progresou a final B con 8,31 e a sua compañeira rematou na semifinal cun tempo 8,61. Marta non mellorou a marca na final B, pero loitou coas más rápidas. 

      Uxia Sánchez corría os 400 m.l. sen acadar o pase a final, de seguro que a lectura da seguinte carreira será máis positiva. Agata Rodríguez, nos 60 m.v., accedeu a final cun tempo notable e que melloraría na final, rematando a mesma en 9,90.

     Juan Piñeiro reencontrouse coa competición, nun concurso de lonxitude onde foi de menos a máis. Finalmente foi BRONCE da categoría Sub 23, a piques tamén na absoluta onde rematou 4º.

Ourense, 14 de marzo de 2021

    O domingo chegaba o Campionato máis importante, a nivel autonomico, na Pista Cuberta de Expourense.  Ariadna Gil concursaba no triple salto, acadando o SUBCAMPIONATO GALEGO. Foi un concurso bastante irregular, que podería supoñer unha mellora na marca de non ser por un nulo inexistente. Tamén participou nos 60 mv, onde chegou algo tocada fisicamente. Pasou a final da proba pero non puido disputala por mor das molestias.

    No seguinte concurso, o salto de pértega participou Martina Paramos, quen rematou en 7ª posición. Tamén estaba clasificada para este concurso a atleta SUB 14 Helena Bello, quen finalmente non competiu por problemas no nocello e a proximidade do Campionato Galego Sub 14.  Pola medodia rematou o Hexathlon SUB 16, onde Diego Martínez acadou a medalla de BRONCE, cunha puntuación de 2683, que lle supon mellorar a sua marca persoal.

     Lope Quinteiro disputou a final A dos 800 m.l. rematando no 4º posto, cun tempo de 1:59.78. Desta forma deixamos Expourense ata a vindeira fin de semana na que esta previsto o CAMPIONATO GALEGO SUB10-SUB 12 e SUB 14 de pista cuberta.

Ourense, 28 de febreiro de 2021

    A última fin de semana de febreiro, ademáis de bo tempo, trouxo unha actividade atletica inusual. Hai que ir collendo o ritmo da competición,e a iso nos adicamos. O sábado 27 de febreiro achegamos preto de trinta atletas ao II CONTROL DE INVERNO DA FGA, que se celebrou no CGTD de Pontevedra, sendo paralela a disputa dos Campionatos Galegos de 400-800 e 1500 m. das categorias SUB 20 e SUB 23. Alí proclamouse Campión Galego de 800 m. da categoria SUB 20 Lope Quinteiro. As pistas do CGTD tamen acolleron o Campionato Galego de Lanzamentos SUB 16 e SUB 18, onde Gema Dacosta acadou a victoria no concurso de lanzamento de disco.

    Outra tanda de lanzadoras de xavelina desprazouse a Lugo para participar na COPA DEPUTACION DE LUGO. Para o domingo, tocaba viaxar ata Expourense, agardabanos a Pista Cuberta con participación nas categorías SUB 20 e SUB 23.  No concurso de triple salto participaron Ariadna Gil e Saray Amoedo. As condicións eran propicias, de feito, Ariadna acadou a sua mellor marca con 11.55 e proclamouse Campioa Galega SUB 20. Saray comezou superando os 11 metros, pero despois do segundo salto acusou molestias nun pe. Este lastre fixo mella no seu rendemento no concurso, rematou Subcampioa Galega SUB 23, con 11,03.  Ariadna non puido completar os saltos para participar na final de 60 m.v., onde rematou Subcampioa Galega SUB 20, con 9,72 s, tamén mellor marca. Saray tiña pendente a final da Lonxitude, despois do primeiro salto as molestias agudizaronse e tivo que retirarse, ainda así coa marca acadada (4,45) foi Subcampioa Galega SUB 23.

    Martina Paramos reencontrabase coa competición, na final do salto de pértega SUB 23. Non lle foi mal, rematou Campioa Galega, compartindo premiación coa atleta que empatou na altura de 2,37. Daniel Calvar tamén foi Campión Galego de pértega SUB 23, despois participou nunha final «fallida» dos 200 m.l., a fotofinish non funciou e había que repetir a final. Non tivo folgos para correla. En resumo, grato recordo nos deixan nesta volta as competicions. O mes de marzo ven cargado de Campionatos, dos que agardamos ser participes. Cuidadevos moito.

Ourense, 19 de decembro de 2020

     Voltou a Pista Cuberta ao calendario oficial das competicions. A instalación de Expourense acolleu as probas das categorías Sub 10 e Sub 12 en xornada de mañá e pola tarde participou a Sub 14. Este sábado disputaronse as probas propias deste Campionato agas as de fondo, que teran que agardar ao vindeiro sábado 26 en Pontevedra, alí se celebraran ao aire libre. En canto ao papel d@s amarel@s comezamos pola categoria Sub 10, na que tivemos representación no concurso de lonxitude, rematando Samuel Corrales 4º e Gabriel Fazanes 8º na final. Amaro Bastón acadou o 4º posto na final do peso, realizou un concurso de menos a máis e quedou a centimetros do podio. Nas mulleres, Leire Fuentes foi 5ª no peso e Emma Collazo 8ª no global dos 50 m.l.  A categoria Sub 12 completaba a xornada coa lanzadora Noa Quinteiro acadando o Subcampionato Galego en peso, cun lanzamento de 9,03. Estela Raña rematou 6ª na final de lonxitude. Unai Ferral e Hugo Collazo foron a representación masculina nos 60 m.l. finalizando nos postos 12º e 15º, respectivamente.

     A xornada de tarde reservouse para @s Sub 14. Dentro da sección feminina participaron sete atletas e deixaron a sua impronta nos concursos, tal foi así que no peso Gema Dacosta proclamouse Campioa e Claudia Carcer Subcampioa.

     Na final de pértega Helena Bello foi 1ª e Iris Malvido 5ª. O concurso de triple salto tamén contou co Subcampionato Galego acadado por Lucia Gil e o 6º posto de Claudia Carcer. Na proba de 60 m.v. Gema Dacosta rematou 4ª e Marta Rua 18ª.

     Goretti Carballal acadou o 8º posto na final de altura, o mesmo lugar que fixo Helena Bello na final de lonxitude. Hugo Domínguez puso o acento masculino da tarde, competiu nos 60 m.l. e finalizou no posto 30º.

     O vindeiro sábado 26 de decembro daremos un digno remate a este Campionato, coas probas de fondo, ata enton desexarvos BOAS FESTAS e moito sentidiño.

     Este vindeiro sábado 19 de decembro a pista cuberta de Expourense acollera o  CAMPIONATO GALEGO DE CATEGORIAS MENORES. Alí daranse cita as mellores marcas das categorias SUB 10, SUB 12 e SUB 14. As probas de fondo (500 m.l., 1000 m.l. e 2000 m.l.) non se disputaran nesa data, seran o día 26 de decembro nas pistas do CGTD de Pontevedra. Achegamos información do evento, estade atentos aos horarios e a entrada en cámara de chamadas. Pola nosa parte actualizaremos a información da FGA neste enlace.

INFORMACION DO CAMPIONATO

SUB 10 HOMES

• GABRIEL FAZANES, 500 m.l. e lonxitude
• SAMUEL CORRALES, 500 m.l. e lonxitude
• AMARO BASTON, peso

SUB 10 MULLERES

• EMMA COLLAZO, 50 m.l. e 500 m.l.
• AITANA BROULLON, 500 m.l. 
• NAHIA PINTOS, 1000 m.l.
• LEIRE FUENTES, peso e 500 m.l.

SUB 12 HOMES

• UNAI FERRAL, 60 m.l. e 500 m.l.
• HUGO COLLAZO, 60 m.l. e 1000 m.l.
• MIGUEL FERNANDEZ, 1000 m.l.

SUB 12 MULLERES

• ERICA NOVAS, 60 m.l.
• NOAH PINTO,  500 m.l.
• ESTELA RAÑA,  1000 m.l. e lonxitude
• SABELA CASTELO, 1000 m.l.
• ANA CORDEIRO, 500 m.l.
• NOA QUINTEIRO, peso

SUB 14 HOMES

• HUGO DOMINGUEZ, 60 m.l. e 2000 m.l.
• BRAIS PINTOS, 1000 m.l. 
• DIEGO GARCIA, 500 m.l.

SUB 14 MULLERES

• CLAUDIA CARCER, triple salto e peso
• LUCIA GIL, 500 m.l. e triple salto
• IRIS MALVIDO. 1000 m.l. e pertega
• NEREA MALVIDO, 2000 m.l.
• SARA NERGA, 1000 m.l.
• GEMA DACOSTA, 60 m.v. e peso
• MARTA RUA, 60 m.v. 
• HELENA BELLO, pertega e lonxitude
• GORETTI CARBALLAL,  500 m.l. e altura
  

  ---

  

  ---