Archivo de la etiqueta: CAMPIONATO GALEGO

CAMPIONATO DE GALICIA DE LANZAMENTOS LONGOS

Publicado el por

Cangas 01 de marzo de 2015

 

Todo un privilexio para a localidade de Cangas poder contar cun CAMPIONATO DE GALICIA DE LANZAMENTOS LONGOS. Non acompañou o tempo, co cal non puidemos disfrutar de grandes marcas, pero si da épica do atletismo. Na sección masculina non tiñamos representación, sendo Patricia Torres 4ª en lanzamento de disco, cunha mellor marca de 26.62 mts. Laura Meira acadou o subcampionato galego en xavelina con 35.54 mts.

RESULTADOS

11041746_324228331099002_2546093176403315284_n

Foi unha xornada, dividida entre a maña e a tarde, na que deu tempo de rendir unha homenaxe a Solange Pereira, reciente Campiona de España de 1500 m.l. Parte da nosa canteira foi participe deste sentido acto. Sorte que teñen de ter a Solange como espello e referente.

 10995696_324227194432449_4275104010647681847_n

CAMPIONATO DE GALICIA DE PISTA CUBERTA DE VETERANS

Publicado el por

A Coruña 1 de marzo de 2015

 

Primeiro de marzo, día chuvioso dos que aburren. Os veterans, son iso,  veterans e tocoulles a pista cuberta, neste caso por caprichos do calendario. O resto das citas Xogade Infantil e Lanzamentos Longos foron unha loita constante contra os elementos.

Deixando de lado a chuvia,  no Campionato contábamos coa presenza de Belén Lemat, que entre duatlons e triatlons fixo un oco na axenda. Participou na final de 50 m.l. e acadou o 6º posto da súa categoría. Nos 400 m.l. sumou unha medalla de bronce, rematando a xornada proclamándose Campiona Galega en 800 m.l.  Envidiamos a vitalidade desta ilustre veterana, noraboa Belén.

1505645_975368675825064_4966601909763403568_n

CAMPIONATO DE GALICIA CADETE EN PISTA CUBERTA

Publicado el por

A Coruña, 28 de febreiro de 2015

 

No Pazo de Deportes de Riazor disputouse o CAMPIONATO DE GALICIA CADETE EN PISTA CUBERTA, dividido en xornadas de maña e tarde. Na primeira parte contamos coa presencia de David Lorenzo nos 300 m.l, quen acadou o quinto mellor tempo das series, non pasou a final por centesimas xa que eran os catro mellores tempos. Adrián Outeiral realizou un concurso de salto de lonxitude moi regular, con todos os saltos por riba dos 5 metros, iso valeulle para obter a medalla de bronce, cun mellor salto de 5.27.  Dani Calvar e Raúl Prieto participaron no lanzamento de peso, acadando o 9º e 11º posto repectivamente. David Lorenzo reapareceu nos 50 metros valados, acadando o Subcampionato Galego nun final superaxustado co Campión. Voltaría o podio de pértega como Campión Galego acompañado de Dani Calvar, en 2º posto, Daniel Armada foi 5º neste concurso. Notase a hiperactividade nos atletas das combinadas, Dani Calvar facia un 4º posto en triplo.

1613914_10203908800267831_1216138303323268086_n

As mulleres estaban representadas por Saray Amoedo, no salto de lonxitude foise ata os 4.79 mts. conseguindo a medalla de bronce. En Triplo quedou Campiona Galega cun mellor salto de 10.65. Alba Guimerans foi 6ª en peso cun lanzamento de 7.84 mts. María Rodríguez non pasou da semifinal dos 50 m.v. quedando 5ª na súa serie. No computo global do Campionato foron 6 medallas, duas de cada color para os nos@s amarel@s. Moitos parabens para eles.

11046308_10203908800827845_358563459493601553_n

PRESENTACIÓN CAMPIONATO GALEGO DE LANZAMENTOS LARGOS.

Publicado el por

Este mércores, día 25 de febreiro, tivo lugar na Fundación Cangas Deporte (Casa da Xuventude de Cangas) a presentación do CAMPIONATO GALEGO DE LANZAMENTOS LARGOS 

 O acto acudiron Francisco Soliño (Concelleiro de Deportes), Isidoro Hornillos (Presidente da Federación Galega de Atletismo), Óscar Fernández (Director Técnico da Delegación de Atletismo de Vigo) e Mª Carmen Parada (Presidenta do Club Atletismo Vila de cangas).

O evento, que terá lugar este domingo 1 de marzo no Estadio Municipal de Atletismo, trascorrerá en horario de 10.30/19.00 h, e nel participarán preto de 50 lanzadores.

 Na competición participarán deportistas en categoría ABSOLUTA achegados dende diferentes puntos da xeografía galega.

 O evento está organizado pola FEDERACIÓN GALEGA DE ATLETISMO e o CLUB ATLETISMO VILA DE CANGAS, e conta coa colaboración da FUNDACIÓN CANGAS DEPORTE e o CONCELLO DE CANGAS.

 11025849_797133570367180_5096047522476341046_o

CAMPIONATO GALEGO DE CAMPO A TRAVES ESCOLAR.

Publicado el por

Pereiro de Aguiar-Ourense, 21 de febreiro de 2015

 

O circuito de Monterrei acollía o derradeiro Campionato do programa Xogade de Campo a Través. Por equipos clasificáronse os alevin e cadetes masculinos. Sara Mallo foi a representante na categoría alevin, acadando o posto 22º. Lope Quinteiro participou na carreira de infantís e finalizou no posto 31º. A representación individual quedou completada con Alba Vidal que obtivo un 7º posto na proba das cadetes mulleres.

A xornada comenzaba co terceiro lugar que conseguían os cadetes homes. O equipo composto  por Dani Calvar, 7º, Manel Iglesias, 12º, Juan Piñeiro, 29º, David Lorenzo, 33º e Dani Armada,  45º, sumou un total de 50 puntos.

O outro equipo , alevín masculino, quedou en quinto lugar sumando 108 puntos moi cerca dos requeridos para medalla.  Participaron Denis Fernández, 18º,  Teo Iglesias, 20º, Joel Curro, 32º, Eduardo Parcero, 38º e Daniel Quinteiro, 39º.

A semana que ven dan comenzo as probas de pista ao aire libre dentro do mesmo programa Xogade. As categorias benxamín e alevín teñen cita o vindeiro día 28 na localidade de Vigo.

 10407417_321561484699020_4240676722596531984_n

CAMPIONATO DE GALICIA DE MARCHA EN RUTA

Publicado el por

Marín, 15 de febreiro de 2015

Para completar a fin de seman de Entroido quedabanos o Campionato de Marcha en Ruta. Despois de dúas edicions celebradas no porto de Aldán este ano tocaba outra ubicación, a localidade de Marín. En xornada de maña, con resaca da competición do sábado en Pista Cuberta, celebrouse o autonómico con ampla participación dos marchadores amarel@s.

Os alevins homes, cun percorrido de 3kms,  coparon o podio. Denis Fernández foi primeiro, Teo Iglesias terceiro e Miguel Gallego cuarto.

Na mesma distancia os infantís homes nos deron a seguinte medalla, Jesús Guimerans foi bronce.

Na liña de saída da proba de alevín mulleres tiñamos tres representantes, Nerea Nogueira, 5ª. Nayara Pereira,  8ª e Katia Gonzalez, 10ª.

Ana Piñeiro e Valeria Fernández acadaron o primeiro e segundo posto da categoria infantil. Sendo esta unha das carreiras máis numerosas. Irene Menéndez e Lucia Riobo abandoaron por molestias.

Os benxamins reducían o circuito ata os 2 kms, Carlos Corredoira foi 5º e Lara Iglesias obtivo a medalla de bronce.

Mar Chillon disputou os 10kms e proclamouse Campiona Galega da categoria junior e Subcampiona absoluta. A outra atleta junior Esmeralda Corredoira foi descalificada.

 

CAMPIONATO DE GALICIA XUVENIL E JUNIOR EN PISTA CUBERTA

Publicado el por

A Coruña, 15 de febreiro de 2015

 

Outro Campionato máis de nivel autonómico no Pazo dos Deportes de Riazor. Si o día de onte era a cita co futuro do atletismo galego, hoxe sen dubida era o presente. A maioria destes atletas xa compiten a nivel absoluto sin ningún tipo de complexos. Este era o Campionato de Pista Cuberta para xuvenil e junior. Domingo de entroido,  vacacións académicas e un formidable ambiente facían prever unha xornada inesquecible.

Na sección másculina Oscar Broullón era o representante en peso na categoría xuvenil, acadando o Subcampionato cun lanzamento de 13,00 metros. O junior Pablo Castro quedou Campión Galego na mesma disciplina. Vaia estadísticas dous de dous.

As mulleres debutaron na velocidade , 50 m.l, as xuvenis Noelia Graña subcampiona galega e Noa Rouco que non obtivo pase a final cun tempo de 7,22.  Nos 200 m.l. Noa Rouco obtivo o bronce e Noelia Graña non pasou da semifinal. Paula Martínez quedou cuarta na final dos 50 metros valados. No concurso junior de altura Alexia Vidal proclamouse subcampiona galega ao igual que no salto de lonxitude. Na pértega xuvenil Martina Paramos completou o mellor concurso e acadou o primeiro posto. Patricia Torres fixo bronce no lanzamento de peso xuvenil. No peso junior acadou o Campionato Galego Raquel Villa.  En resumo o presente do Club goza de boa saúde, noraboa a tod@s.

CAMPIONATO GALICIA PISTA CUBERTA BENXAMIN-ALEVIN E INFANTIL. CADETES 1000 E 3000 M.L.

Publicado el por

A Coruña 14 de febreiro 2015

 

Pois ali fomos o sábado de entroido, esperabanos unha longa xornada de maña e tarde no Pazo dos Deportes de Riazor. O mal tempo fora era típico das datas en que nos atopamos. Atípico foi que se cumpriran os horarios, e así aconteceu durante toda a competición. No computo global foron un total de doce medallas as que se conseguiron, merecido premio para o esforzo d@s amarel@s. Na categoría benxamín Noa Nerga acadou o bronce en peso e Guillermo Alonso foi subcampión na mesma disciplina. A alevin Sara Mallo proclamouse Campiona de salto de lonxitude, mentras Aaron Otero era Campión en peso, Eduardo Parcero acadou o bronce en 500 m.l. A categoria infantil foi a máis participativa, conseguindo Valeria Rodríguez e Ariadna Gil sendos Campionatos en peso e lonxitude. Laura Campos e Lara Fernández acadaron o subcampionato en 50 metros valados e pértega. Irene Menéndez fixose co bonce en lonxitude. En homes Anton Iglesias quedou Campión en altura e Lope Quinteiro subcampión en peso. A xornada rematouse co 1000 e 3000 m.l. para os cadetes. O día seguinte temos o Campionato Xuvenil e Junior no mesmo emplazamento…deicalogo.

BENXAMIN MULLERES:

 

  • Carmen Fraga             6ª50 m.l.
  • Agata Rodríguez        10ª500 m.l.
  • Lara Iglesias               11ª1000 m.l.
  • Noa Nerga                   3ª peso e 11ª altura
  • Gema Dacosta            4ª peso

 

BENXAMIN HOMES: Seguir leyendo →

CAMPIONATO DE GALICIA DE PROBAS COMBINADAS.

Publicado el por

Lugo 7-8 de febreiro de 2015

Sin movernos de Lugo, outro Campionato Galego de Probas Combinadas, neste caso. Para iso son moi versatiles as instalacións da cidade da muralla.

Os cadetes de mañan corrían a primeira hora en Cesantes-Redondela o Provincial de Cross escolar, quedando Campions por equipos, e logo Dani Calvar e David Lorenzo emprenderon viaxe a Lugo para participar no Hexathlon. Debeu ser que viñan quentes que  fixeron doblete no podio con sendas medallas de prata e bronce. Dani sumou 2448 puntos e David 2280.

Angel Menduiña foi subcampion promesa e  bronce no heptathlon absoluto masculino cunha puntuación total de 4332. As marcas foron de 7,52 nos 60 m.l.; 6,01 na lonxitude; 10,58 no peso; 1,74 en altura; 9,40 en 60 m.v. e 2:58.26 en 1000 m.l.

Polo que se mira non foron facer turismo a Lugo.