Archivo de la etiqueta: CAMPIONATO GALEGO

CAMPIONATO GALEGO CADETE POR EQUIPOS.

Publicado el por

A Coruña 17 de maio de 2015

Celebrabase conxuntamente coa categoría Junior nas pistas da Universidade de A Coruña. Nos cadetes acudiron equipo masculino e feminino. Os homes remataron en cuarto posto sumando 126 ptos., a un só punto do escalón da medalla de bronce. E as mulleres foron quintas, cun total de 175 ptos.

Así sumaron as amarelas:

  • Mª Jesús Corredoira,  15ª 100 m.l.
  • Iria Rodríguez,  11ª 300 m.l. e 7ª lonxitude
  • María Rodríguez,  3ª 600 m.l. e 7ª 100 m.v.
  • Isaura Framil,  10ª 1000 m.l. e 12ª disco
  • Alba Vidal,   3ª 3000 m.l.
  • Ana Fandiño,  4ª pértega e 2ª marcha
  • Saray Amoedo,  2ª lonxitude e 1ª triplo
  • Alba Guimerans,  2ª peso e 3ª martelo
  • Paula Santos,   4ª xavelina

    10402752_348469228674912_7781011733932901364_n

    E así sumaron os amarelos:

  • Adrián Outeiral,   4º lonxitude e 8º 100 m.l.
  • Luis M. Pastoriza,  8º 600 m.l.
  • Martín Pardavila,   9º 1000 m.l.
  • Juan Piñeiro,   10º 1500 m.obs.
  • Manel Iglesias,  2º xavelina e 6º 3000 m.l.
  • Daniel Armada,  1º pértega e 7º 100 m.v.
  • David Lorenzo,  8º 300 m.v. e 9º altura
  • Daniel Calvar,  1º triplo e 3º disco
  • Mauro Maquieira,  4º peso
  • Raúl Barreiro,  1º martelo

    11267491_348469675341534_8949570472429869117_n

CAMPIONATO GALEGO JUNIOR POR EQUIPOS

Publicado el por

A Coruña 17 de maio de 2015

As pistas de Elviña na Universidade de A Coruña acolleron o pasado domingo o CAMPIONATO GALEGO JUNIOR POR EQUIPOS, nesta categoría dispoñiamos de representación na sección feminina. A puntuación final do equipo con 124 ptos. serviulle para proclamarse Campionas Galegas, cun bo marxe ata as segundas, que acadaron 99 ptos. Funcionaron moi ben os relevos, cun primeiro posto en 4×100 m.l. e un terceiro en 4×400 m.l. 

A aportación persoal das atletas para o Campionato foi a seguinte:

  • Noelia Graña,  4ª 100 m.l.
  • Estela Crespo,  6ª 200 m.l. 
  • Ana Antepazo,  6ª 400 m.l.
  • Noa Rouco,  2ª 800 m.l.
  • Ines Piñel,  8ª 1500 m.l.
  • Esmeralda Corredoira,  5ª 3000 m.l.
  • Paula Martínez,  2ª 100 m.v.
  • Sara Villar,  6ª 400 m.v.
  • Alexia Vidal,  3ª  altura
  • Martina paramos,  2ª pértega e 3ª triplo
  • Alba Pazos,  3ª lonxitude
  • Raquel Villa,  1ª peso
  • Patricia Torres,  1ª disco
  • Johana Villar, 2ª martelo
  • Talia Prieto, 6ª xavelina
  • Mar Chillón,  2ª marcha


    junior

HORARIO CAMPIONATO GALEGO DE CLUBES (JUNIOR E CADETE)

Publicado el por

O CAMPIONATO DE GALICIA DE CLUBES para as categorías JUNIOR e CADETE  vaise a celebrar o vindeiro domingo 17 de maio nas Pistas da Universidade de A Coruña. Estes van ser os CLUBES participantes:

– Junior masculino: Coruña Comarca, Marineda, C.A. Santiago, Sociedad Gimnástica de Pontevedra, Lucus Caixa Rural, Riazor, Maristas de Lugo, R.C. Celta, A Silva e Comesaña S.C.
– Junior femenino: C.A. Santiago, Sociedad Gimnástica de Pontevedra, Ourense Atletismo, Lucus Caixa Rural, Riazor, Vila de Cangas, Lugo Running, Atletismo Femenino Celta e Comesaña S.C.
– Cadete masculino: Coruña Comarca, Comesaña S.C, Marineda, Millaraio, Franciscanos de Lugo, C.A. Cuntis, Maristas de Lugo, Sociedad Gimnástica de Pontevedra, Vila de Cangas, Ría Ferrol, AVA e C.A.Narón.
– Cadete femenino: Coruña Comarca, Marineda, Millaraio, C..A. Cuntis, Comesaña S.C., Franciscanos de Lugo, C.A. Narón, Ria Ferrol, Sociedad Gimnástica de Pontevedra, Ourense Atletismo, Lucus Caixa Rural, Universidad de Santiago, Riazor, AVA, A Silva e Vila de Cangas.

A competición dará comezo as 10’15 horas co seguinte HORARIO:

hc170515-page-001

 

CAMPIONATO DE GALICIA DE CLUBS

Publicado el por

Ferrol a 25 de abril de 2015

A xornada do sábado estaba reservada para a disputa do CAMPIONATO DE GALICIA DE CLUBS na cidade departamental. A cantidade de probas facia preciso que se dividira en dúas xornadas, unha de maña e outra de tarde. Moi complicado chegar a cubrir todas as probas, no caso da sección másculina non tivemos participación no 1500 m.l., 3000 obstáculos, xavelina, relevo 4×400 m. e os 5 kms de marcha.

Pedro Ben foi 6º nos 100 m.l. e 6º no relevo de 4×100 m. Cesar Antonio González fixo 4º nos 200 m.l. e Iago Soto 7º nos 400 m.l. ademáis de 6º nos 4×100 m. Pedro Acuña rematou 8º no 800 m.l.. Sergio Iglesias acadou o 5º posto nos 3000 m.l. Nas probas de valados Angel Menduiña rematou 5º en 110 m e Alvaro Lorenzo 8º no 400 m. Mención para os cadetes David Lorenzo, 8º en altura, Adrián Outeiral,  7º en lonxitude, Daniel Armada 6º en pértega e Dani Calvar 4º en triplo.  O veterán Carlos Bernárdez rematou 7º no concurso de martelo. Pablo Castro reapareceu cun 3º posto en peso e Francisco Rodal sacou tempo para participar no lanzamento de disco e acadar o 8º posto. Nabor Vazquez e Alejandro Alvárez completaron o relevo 4×100, no que remataron en 6º posto.

O equipo masculino rematou en 8º posto, sumando un total de 43 puntos.

11157399_10203846886632898_2080289309961590233_o

No tocante o equipo feminino foron cubertas todas as probas no Campionato, co cal se viu reflexado no resultado final do conxunto. A velocista Noelia Graña foi 4ª nos 100 m.l. e 5ª no relevo 4×100 m. Estela Crespo quedou 6ª en 200 m.l. e 5ª no relevo 4×400 m. Aida Amoedo tamén foi 5ª no relevo de 400m e repetiu posto na carreira individual desta distancia. Noa Rouco rematou 3ª nos 800 m.l. Marina Caballero participou no 5º posto do 4×400 e foi 4ª na proba de 1500 m.l. A cadete Alba Vidal acadou o 4º posto no 3000 m.l. Desta categoría tamén estiveron Paula Santos, 8ª en lonxitude e Saray Amoedo, 3ª en triplo. Ainara Rodríguez rematou 5ª nos 3000 m. obstáculos. Nas probas de valados Paula Martínez foi 3ª en 100 m. e Mª Jesús Novo 7ª nos 400 m. Por concursos Martina Paramos foi 5ª en pértega, Raquel Villa 2ª en peso, Patricia Torres 3ª en disco, Laura Meira 2ª en xavelina e Ainoa Fernández 6ª en martelo. Completaron os relevos, con sendos quintos postos, Sara Villar 4×100 e Ana Antepazo 4×400. Mellorou marca Mar Chillón nos 5 kms marcha, rematando 2ª. A suma do equipo deu un total de 96 puntos que propiciaron o 5º posto, empatadas coas cuartas.

11164613_10203846887672924_2454693198094122089_o

A suma dos dous equipos foi de 139 puntos, acadando o 4º posto na clasificación global. Un bo traballo… de equipo.

 

LISTA DE SAIDA PARA O CAMPIONATO GALEGO DE CLUBS.

Publicado el por

Este vindeiro sábado 25 de abril as pistas da Malata en Ferrol acollerán o CAMPIONATO DE GALICIA DE CLUBS. Os clubs participantes en HOMES son: Real Club Celta Atletismo, CA Naron, SG Pontevedra,ADAS Proinor, C.A Santiago,Lucus Caixa Rural, Riazor Coruña e Vila de Cangas.  En MULLERES, Ria Ferrol, At. Feminino Celta,Vila de Cangas, Lucus, SG. Pontevedra, ADAS Proinor,CA Naron e Riazor Coruña. 

  REGULAMENTO                     HORARIO

Poderase facer un seguimento da proba neste enlace http://www.fgatletismo.es/resultados/ferrol/250415/.  Moita Sorte Campións.clubes pista

CAMPIONATO DE GALICIA DE LANZAMENTOS LONGOS

Publicado el por

Cangas 01 de marzo de 2015

 

Todo un privilexio para a localidade de Cangas poder contar cun CAMPIONATO DE GALICIA DE LANZAMENTOS LONGOS. Non acompañou o tempo, co cal non puidemos disfrutar de grandes marcas, pero si da épica do atletismo. Na sección masculina non tiñamos representación, sendo Patricia Torres 4ª en lanzamento de disco, cunha mellor marca de 26.62 mts. Laura Meira acadou o subcampionato galego en xavelina con 35.54 mts.

RESULTADOS

11041746_324228331099002_2546093176403315284_n

Foi unha xornada, dividida entre a maña e a tarde, na que deu tempo de rendir unha homenaxe a Solange Pereira, reciente Campiona de España de 1500 m.l. Parte da nosa canteira foi participe deste sentido acto. Sorte que teñen de ter a Solange como espello e referente.

 10995696_324227194432449_4275104010647681847_n

CAMPIONATO DE GALICIA DE PISTA CUBERTA DE VETERANS

Publicado el por

A Coruña 1 de marzo de 2015

 

Primeiro de marzo, día chuvioso dos que aburren. Os veterans, son iso,  veterans e tocoulles a pista cuberta, neste caso por caprichos do calendario. O resto das citas Xogade Infantil e Lanzamentos Longos foron unha loita constante contra os elementos.

Deixando de lado a chuvia,  no Campionato contábamos coa presenza de Belén Lemat, que entre duatlons e triatlons fixo un oco na axenda. Participou na final de 50 m.l. e acadou o 6º posto da súa categoría. Nos 400 m.l. sumou unha medalla de bronce, rematando a xornada proclamándose Campiona Galega en 800 m.l.  Envidiamos a vitalidade desta ilustre veterana, noraboa Belén.

1505645_975368675825064_4966601909763403568_n

CAMPIONATO DE GALICIA CADETE EN PISTA CUBERTA

Publicado el por

A Coruña, 28 de febreiro de 2015

 

No Pazo de Deportes de Riazor disputouse o CAMPIONATO DE GALICIA CADETE EN PISTA CUBERTA, dividido en xornadas de maña e tarde. Na primeira parte contamos coa presencia de David Lorenzo nos 300 m.l, quen acadou o quinto mellor tempo das series, non pasou a final por centesimas xa que eran os catro mellores tempos. Adrián Outeiral realizou un concurso de salto de lonxitude moi regular, con todos os saltos por riba dos 5 metros, iso valeulle para obter a medalla de bronce, cun mellor salto de 5.27.  Dani Calvar e Raúl Prieto participaron no lanzamento de peso, acadando o 9º e 11º posto repectivamente. David Lorenzo reapareceu nos 50 metros valados, acadando o Subcampionato Galego nun final superaxustado co Campión. Voltaría o podio de pértega como Campión Galego acompañado de Dani Calvar, en 2º posto, Daniel Armada foi 5º neste concurso. Notase a hiperactividade nos atletas das combinadas, Dani Calvar facia un 4º posto en triplo.

1613914_10203908800267831_1216138303323268086_n

As mulleres estaban representadas por Saray Amoedo, no salto de lonxitude foise ata os 4.79 mts. conseguindo a medalla de bronce. En Triplo quedou Campiona Galega cun mellor salto de 10.65. Alba Guimerans foi 6ª en peso cun lanzamento de 7.84 mts. María Rodríguez non pasou da semifinal dos 50 m.v. quedando 5ª na súa serie. No computo global do Campionato foron 6 medallas, duas de cada color para os nos@s amarel@s. Moitos parabens para eles.

11046308_10203908800827845_358563459493601553_n

PRESENTACIÓN CAMPIONATO GALEGO DE LANZAMENTOS LARGOS.

Publicado el por

Este mércores, día 25 de febreiro, tivo lugar na Fundación Cangas Deporte (Casa da Xuventude de Cangas) a presentación do CAMPIONATO GALEGO DE LANZAMENTOS LARGOS 

 O acto acudiron Francisco Soliño (Concelleiro de Deportes), Isidoro Hornillos (Presidente da Federación Galega de Atletismo), Óscar Fernández (Director Técnico da Delegación de Atletismo de Vigo) e Mª Carmen Parada (Presidenta do Club Atletismo Vila de cangas).

O evento, que terá lugar este domingo 1 de marzo no Estadio Municipal de Atletismo, trascorrerá en horario de 10.30/19.00 h, e nel participarán preto de 50 lanzadores.

 Na competición participarán deportistas en categoría ABSOLUTA achegados dende diferentes puntos da xeografía galega.

 O evento está organizado pola FEDERACIÓN GALEGA DE ATLETISMO e o CLUB ATLETISMO VILA DE CANGAS, e conta coa colaboración da FUNDACIÓN CANGAS DEPORTE e o CONCELLO DE CANGAS.

 11025849_797133570367180_5096047522476341046_o