Archivo de la etiqueta: CAMPIONATO GALEGO

CAMPIONATO GALEGO SUB-23 DE PISTA CUBERTA

Publicado el por

A Coruña, 21 de xaneiro de 2018

 

     Voltabamos o Pazo dos Deportes de Riazor para a disputa do CAMPIONATO GALEGO SUB-23 DE PISTA CUBERTA, unha categoría Promesa na que contamos con tres representantes, máis un SUB-20 invitado no concurso de pértega. Nas semifinais de 50 m.l. participaron Noelia Cousiño e Paula Martínez,  progresando a segunda a final onde rematou en 6º posto. Repetiu Noelia Cousiño, participando no concurso de pértega e proclamandose CAMPIOA GALEGA. Tamén alcanzou o primeiro escalón Paula Martínez na final dos 50 m.v.

     Tampouco fallou Raquel Villa que acadou o primeiro posto no lanzamento de peso, cunha marca de 11,60. David Lorenzo liderou o concurso de pértega (fora de concurso) rematando cun mellor salto de 3,93.

 RESULTADOS

PLAN DE VIAXE A RUA

Publicado el por

     Este vindeiro domingo 28 de xaneiro, a localidade de A Rua (Ourense) vai acoller o XXII MEMORIAL ALEJANDRO LORENZO.-CAMPIONATO DE GALICIA DE CATEGORIAS MENORES CAMPO A TRAVES.  Para esta importante cita imos facilitar o desprazamento en autobús, sendo a saída desde a estación de Cangas as 06:00 horas. Ademáis das categorías menores esta previsto compita o equipo feminino SUB-16, conforme ao seguinte HORARIO:

SORTEO CAIXONS SAIDA

      Ao remate da categoría CADETE está pensada a volta, tomarase un bocata polo camiño para non prolongar moito a viaxe. Para @s nen@s que veñan sen adultos será preciso teñan preparada roupa para mudarse máis algo para picar. O Club vai proporcionar AVITUALLAMENTO para os participantes. 

     Pregamos se comunique, canto antes, calquera incidencia respecto ao viaxe, tal coma baixas, viaxes por conta propia, que poidan afectar a hora de conformar os equipos.

INFORMACION CAMPIONATO

PREVIA CAMPIONATO SUB-23 E SERIES VIGO.

Publicado el por

     Este vindeiro domingo 21 de xaneiro de 2018,  vai ter lugar no Pazo dos Deportes de Riazor o CAMPIONATO DE GALICIA SUB-23 DE PISTA CUBERTA.  A cidade herculina volta un Campionato de Pista Cuberta no que estaremos representados por Raquel Villa, no lanzamento de Peso. Paula Martínez nos 50 m.l. e 50 m.v., Noelia Cousiño en 50 m.l. e pértega. David Lorenzo participará no concurso de pértega.

RESULTADOS EN DIRECTO

     Na mesma data en Vigo esta programada a II XORNADA do III CIRCUITO CONCELLO DE VIGO DE ATLETISMO EN PISTA – SERIES MUNICIPAIS. Será en xornada de maña e co seguinte HORARIO de probas:

 INSCRITOS

RESULTADOS EN DIRECTO

CAMPIONATO GALEGO MASTER DE PISTA CUBERTA

Publicado el por

Ourense, 14 de xaneiro de 2018

 

     O domingo 14 de xaneiro foi a data elexida para a disputa do CAMPIONATO DE GALICIA MASTER DE PISTA CUBERTA. Mª Belen Lemat acudiu a esta cita e voltou con tres premiacions tras o autonomico. Rematou CAMPIOA en 400 m.l. e 800 m.l. e SUBCAMPIOA en 1500 m.l.

     Ese mismo domingo disputouse en Lugo o II CROS PONTE ROMANA. Na categoría SUB-10 participou Sabela Castelo, sobre un percorrido de 800 mts,  rematou primeira cun tempo de  02:40. O sábado 13 tivo lugar o TROFEO DE MARCHA ATLETICA VILLA DE LOS MOLINOS en Campo de Criptana, participando Denis Fernández na categoría SUB-14 na proba de 3000 mts, quen rematou en 2º posto.

CAMPIONATO GALEGO ABSOLUTO DE PISTA CUBERTA

Publicado el por

Ourense, 13 de xaneiro de 2018

 

     A pista cuberta de Expourense acolleu durante a xornada do sábado 13 o XXXIII CAMPIONATO DE GALICIA ABSOLUTO DE PISTA CUBERTA.  Unha xornada de maña e tarde que nos deparou varias novas interesantes de cara a ese presente atletico que emerxe da canteira amarela. Daniel Armada accedeu a semifinal dos 60 m.l. gracias os 7,24 que obtivo na serie preliminar. Non puido pasar da semifinal, pero si mellorou o tempo parando o crono en 7,22. Con esta marca obtivo o pasaporte para o CAMPIONATO DE ESPAÑA JUNIOR DE PISTA CUBERTA, tamén a celebrar en Ourense. Este atleta tamén participou na semifinal dos 200 m.l., que rematou en 23,53, non progresando a final.

     Quen si pasou a final dos 200 m.l. foi Daniel Calvar, acandando o 2º posto con 23,30 na semifinal e rematando 7º na final cun crono de 24,16. O último JUNIOR en competir foi David Lorenzo que participou nos 400 m.l. Rematou esta proba 3º na sua semifinal en 53,26, tempo que non foi suficiente para pasar a final. Na final do concurso de pértega acadou o 4º posto, cun mellor salto de 3,70.

     Coas mulleres continuaron as boas novas. As XUVENIS  María Rodriguez e Ariadna Gil, participaron nos 400 m.l. e 60 m.v. respectivamente. Quedaron as dúas nas semifinais.  Saray Amoedo acadou con 11,13 no triple salto o CAMPIONATO GALEGO, aportando a primeira medallla da xornada. A outra presea foi no lanzamento de peso, Raquel Villa proclamouse SUBCAMPIOA GALEGA.

     Coma broche ao Campionato Paula Martínez acadou marca mínima para o CAMPIONATO DE ESPAÑA PROMESA DE PISTA CUBERTA, cos 9,50 da final dos 60 m.v., que lle suspuseron o 6º posto.Tamén temos que salientar o reencontro de Maria Novo cos valados, cos campionatos, en fín co atletismo. Benvida outra vez.

RESULTADOS 

CAMPIONATO GALEGO DE MARCHA DE INVERNO

Publicado el por

Lugo, 25 de novembro de 2017

 

     Progresivamente imos topando coa Tempada, este sábado 25 de novembro disputouse o XXIX CAMPIONATO DE GALICIA DE MARCHA DE INVERNO. Era o primeiro autonómico, neste caso de marcha atlética. En Lugo parece que primaron as temperaturas baixas, pero iso xa se intuia coa denominación do Campionato. Os primeiros en quitar o frio foron a categoría BENXAMIN, recen nomeada SUB 10. Pola nosa parte SABELA CASTELO mudou o frio por una medalla de CAMPIOA GALEGA, moi disputado ese primeiro posto cunha chegada de foto-finish. Co tempo rexistrado ( 5:16.21) tamén suporía un NOVO RECORD GALEGO de 1000 mts marcha en pista. Parece que Sabela nos vai facer escribir bastante, e nós encantados.

     A categoría SUB 12 feminina foi a seguinte en competir sobre un percorrido de 2000 mts. Alí contabamos con tres amarelas, LARA IGLESIAS, que se proclamou CAMPIOA GALEGA, cun rexistro de (11:48.08), IRIS MALVIDO, rematou 4ª e a súa irmá NEREA MALVIDO, que finalizou 8ª. 

      Tanto homes coma mulleres da categoría SUB 14 marchaban nunha carreira de 3000 mts. DENIS FERNANDEZ, acadou medalla de BRONCE e CARLOS CORREDOIRA rematou no posto 16º. Na clasificación feminina ROCIO NOVAS rematou de  18ª. 

       A nosa participación pechouse con ANA PIÑEIRO, na proba de 3000 mts da categoría SUB 16.  Despois da carreira sumase un SUBCAMPIONATO GALEGO ao seu curriculum.

 RESULTADOS

PREVIA DO CAMPIONATO GALEGO DE MARCHA DE INVERNO

Publicado el por

     

     As pistas lucenses do ESTADIO GREGORIO PEREZ RIVERA, acolleran o sábado 25 de novembro, o primeiro dos Campionatos Autonómicos coa disputa do XXIX CAMPIONATO DE GALICIA DE MARCHA DE INVERNO.

HORARIO

10.45 HORAS- 1.000- Benxamín H-M
10.55 HORAS- 2.000 –Alevín Mulleres
11:10 HORAS -2.000 –Alevín Homes
11:25 HORAS- 3.000- Infantil Mulleres
11:40 HORAS -3.000- Infantil Homes
12.00 HORAS- 3.000 –Cadete Mulleres
12.25 HORAS- 5 000 –Cad/Xv/Jn /Pr /Sen /Vet Homes
13.05 HORAS- 5 000- Xv/Jn /Pr /Sen /Vet Mulleres

      Este é o listado de atletas incritos:

  • Sub 10– CANDELA CASTRO – SABELA CASTELO
  • Sub 12 – LARA IGLESIAS – IRIS MALVIDO – NEREA MALVIDO
  • Sub 14 – DENIS FERNANDEZ – CARLOS CORREDOIRA
  • Sub 16 – ANA PIÑEIRO

 

INSCRITOS               REGULAMENTO         

 

CAMPIONATO GALEGO ABSOLUTO AO AIRE LIBRE

Publicado el por

Pontevedra, 15 de xullo de 2017

 

     Agora si, xa demos remate a tempada. Un sábado moi caluroso, na localidade de Pontevedra, acolleu o CAMPIONATO GALEGO ABSOLUTO AO AIRE LIBRE . O primeiro en saltar a pista foi o xuvenil David Lorenzo, quen acadou a medalla de bronce nos 400 m.v.  máis outro bronce no concurso de pértega. O seu compañeiro de categoria Daniel Calvar progresou a final dos 100 m.l. e na mesma acadou o 8º posto.

     Raquel Villa comezou a súa andaina no Campionato cun 5º posto no lanzamento de disco, logo no concurso de peso proclamouse Subcampiona Galega. Saray Amoedo rematou 3ª no concurso de triple salto.

     Paula Martínez pechou a participación d@s amarel@s no Campionato, participou na final B dos 100 m.l. e acadou o posto 10º. Agora teñen unhas merecidas vacacions, que iso tamén forma parte do adestramento.

CAMPIONATO GALEGO JUNIOR E PROMESA AO AIRE LIBRE

Publicado el por

Pontevedra, 24 de xuño de 2017

 

    O calendario oficial da FGA non entende de festas, o día de San Xoan disputouse en Pontevedra o CAMPIONATO GALEGO JUNIOR E PROMESA AO AIRE LIBRE. Foi moi propicia a xornada para Raquel Villa, quen ademáis de resultar Campioa Galega no lanzamento de peso e disco, acadou a marca mínima para o Campionato de España gracias os 12,73 mts que mandou a bola. A cita será en Torrent (Valencia) a primeira fin de semana de xullo.

     Tamén alcanzou o podio por partida dobre Paula Martínez, acadando o 2º posto nas probas de 100 m.l. e 100 m.v., serán as dúas probas que vai disputar no Campionato de España Junior, previsto para a segunda fin de semana de xullo en Granollers.

    O noso experto en deportes de inverno Martin Souto,  foi quen de progresar a final dos 100 m.l., rematando 7º na mesma con 12.46. Na final dos 200 m.l. rematou en 8º posto.  Nos 5000 metros da marcha Esmeralda Corredoira foi descalificada.