A Coruña, 06 de marzo de 2016

     A diferenza das categorías menores os cadetes teñen no Campionato Galego obxetivos maiores. Non culminaba a Pista Cuberta en A Coruña. Moitas miras d@s atletas estaban postas en Oviedo, onde se celebrará o Campionato de España. Tampouco era sinxelo, parece que a presión se multiplicaba a unha semana do citado evento.  Ainda así hai que ter en conta que non é nada doado máis sendo en moitos casos cadetes de primeiro ano.

     Na sección masculina participou en peso  Raúl Barreiro, rematando en 5º posto cun mellor lanzamento de 10,67 m. As demáís amarelas formaban parte do equipo feminino. Abriu a participación Irene Menéndez na semifinal dos 50 m.l. acadando o 3º posto da súa serie cun tempo de 7,40. Non pasou a final coa citada marca. Nos 300 m.l. María Martínez foi 2ª na semifinal, acadando o pase para a final cun tempo de 46,8. Na final rematou en 6º posto.

     Ariadna Gil obtivo o pase para a final dos 50 m.v. cun prometedor 8,41. Alba Campos e Maria Rodriguez non pasaron da semifinal con sendos tempos de 8,80 e 9,60. Na final Ariadna Gil rematou 5ª, sendo as catro primeiras marcas da final marca mínima para o Campionato de España, ademáis da gañadora batir o record galego. Veronica Núñez no concurso de altura foi 6ª superando o listón en 1,37.

     No concurso de lonxitude  Irene Menéndez andivo preto do podio, empatando coa terceira con 4,71. Ariadna Gil rematou en 5º posto con 4,69. En lanzamento de peso  contamos coa presenza de Valeria Rodríguez que rematou subcampiona galega con 10,13, ademáis das irmans Alba e Laura Campos, que foron 10ª e 13ª respectivamente.

RESULTADOS

A Coruña 5 de marzo de 2016

    Intensa xornada de atletismo que vivimos no Pazo dos Deportes de Riazor. Tres categorías culminaban a tempada de Pista Cuberta cun Campionato Galego onde se daban cita as mellores marcas nas diferentes disciplinas atléticas. 

     Preto de 30 amarel@s acadaron praza para participar no CAMPIONATO GALEGO BENXAMIN, ALEVIN E INFANTIL  DE PISTA CUBERTA. Despois dunha longa xornada, iso si a cuberto, voltamos para Cangas con 12 medallas. Cinco de ouro, duas de prata e cinco de bronce, máis un record Galego no peso infantil.

     Na categoría benxamín homes estiveron Raul Rial que foi 5º tanto en 1000 m.l. coma no salto de lonxitude e Sergio Valladares que acadou o bronce na lonxitude. Nas mulleres participaron Gema Dacosta, que fixo doblete, Campiona en lanzamento de peso e bronce en lonxitude. Noa Nerga foi subcampiona en peso e 5ª en altura. Sara Nerga rematou 9ª en 1000 m.l. e 10ª en altura. Lara Iglesias, 5ª en 1000 m.l. e 10ª en lonxitude.

     Na categoría alevin homes Daniel Quinteiro foi 13º no 500 m.l. e 3º na semifinal de 50 m.l. sen pasar a final, o mesmo lle pasou a Manuel Roca na súa quenda dos 50 m.l., no peso si que disputou a final acadando o 6º posto. Denis Fernández foi bronce en 1000 m.l. e 10º en lonxitude. Carlos Menduiña rematou 12º nos 1000 m.l. Eloy Domínguez foi 7º no lanzamento de peso. Nas mulleres destacar o Campionato Galego acadado por Erea Bastón en lanzamento de peso. Paula Amigo que rematou 7ª na lonxitude e Nuria Argibay 11ª en peso. 

     O equipo infantil masculino aportou sete membros o Campionato. Jacobo Diaz rematou Campión Galego en salto de altura e pértega. Lope Quinteiro foi Campión en peso e Subcampión en 1000 m.l. Engadir o magnifico lanzamento de 12,53 mts. que supuso mellorar o RECORD GALEGO  no lanzamento de peso. Daniel Iglesias foi 5º en triple salto e 13º en 1000 m.l. Adrián Pastoriza acadou o bronce en altura e 6º en 50 m.v. Gabriel Dacosta,  4º en triple salto e 6º en lonxitude. Pedro Verdeal rematou 13º en lonxitude.

     Nas mulleres da categoría infantil contamos con Ainoa Santos que foi bronce en peso e 3ª na semifinal dos 50 m.l. sen praza para a final. Maria Rial,  4ª en triple salto en 5ª en 50 m.l. Colomba Carballal,  12ª no salto de altura e 3ª na semifinal dos 50 m.v. sen pase a final. Sabela López,  6ª na pértega e Sara Mallo 9ª en 1000 m.l.

     Case sen tempo para dixerir o Campionato, o día seguinte en Balaidos disputabase a II Xornada de Pista Xogade para a categoría infantil. Sorte que son xovenes e vitaís.

RESULTADOS

     O domingo 06 de marzo proseguira a nosa andaina polo Pazo dos Deportes de Riazor. A xornada estará adicada a categoría cadete. Vaise dispor dun autobus, con saída de Cangas as 07:30 horas. Para este Campionato foron seleccionados/as @s atletas do seguinte enlace:

LISTADO ADMITIDOS

     Como ben sabedes este sábado 05 de marzo vaise celebrar no Pazo dos Deportes de Riazor o CAMPIONATO DE GALICIA BENXAMIN, ALEVIN E INFANTIL DE PISTA CUBERTA. Habera que ter en conta que vai estar PROHIBIDO estacionar na explanada do Pazo dos Deportes. Para esta viaxe sairá un autobus desde Cangas as 07:30 horas do sábado.Achegamos información do HORARIO, ademáis do enlace onde se detallan os admitidos para o Campionato.  Este listado pode sufrir modificacións, hai atletas que poidan estar admitidos en máis de dúas probas. O venres 04 de marzo tendrá que estar confeccionado o listado definitivo.

 LISTADO ADMITIDOS

 RESULTADOS EN DIRECTO

A Coruña, 28 de febreiro de 2016

    De novo en Riazor unha longa xornada de atletismo. Os veterans dispuseron de todo o domingo para competir e amosar un modo de vida que non ten idade. No caso de Belen Lemat acadou dous Campionatos Galegos, nas probas de 800 e 1500 m.l. máis un Subcampionato en 400 m.l..

A Coruña 27 de febreiro de 2016

    O pavillon de deportes de Riazor acolleu durante todala xornada do sábado 27 o CAMPIONATO GALEGO XUVENIL E JUNIOR PISTA CUBERTA. Compre destacar que o concurso que abría a competición, a pertega xuvenil, foi un podio a medida do Vila de Cangas. Os tres caixons foron ocupados por amarelos, David Lorenzo con 3.35 1º, Daniel Calvar con 3.25 2º e Daniel Armada bronce con 3.05. A xornada de maña tamén deparou outra medalla de ouro, Alba Pazos gañou o salto de altura xuvenil con 1.44.

FotoA.Juncal-RC Celta

     Puideron acceder a final de 50 m.l. da categoría junior feminina Noelia Graña e Paula Martínez, con 7,07 e 7,27 respectivamente nas súas quendas. Na final Noelia Graña foi 5ª e Paula Martínez 6ª.

FotoA.Juncal-RC Celta

     A semifinal dos 50 m.l. xuvenil feminino contou con Iria Rodríguez rematando 4ª na serie con 7.53, Ana Fandiño tamén 4ª na súa con 7.69 e Paula Sotelo que foi 3ª con 7.50. Ningunha das tres pasou a final. Estivo máis preto Adrián Outeiral nos 200 m.l. xuvenil masculino, quen rematou 2º da serie con 24.98, sendo o primeiro tempo en quedar fora da final. Tamén disputou a semifinal dos 50 m.l. xuvenil masculino Daniel Armada rematando con 6.74, pero sin obter posto na final.

   A primeira medalla da tarde chegou da mán de Saray Amoedo, quen con 10’85 gañou o concurso de triple salto xuvenil feminino. A piques estivo Noelia Graña que rematou 4ª na final dos 200 m.l. junior feminino. O mesmo posto acadou Dani Calvar no triple salto. Iria Rodríguez completou a sua participación cun 5º posto nos 400 m.l.  Ana Fandiño foi 8ª na pértega xuvenil.

FotoA.Juncal-RC Celta

    Para rematar a crónica deixamos tres subcampionatos acadados por Patricia Torres no lanzamento de peso junior. Nos 50 m.v.  David Lorenzo na categoría xuvenil e Paula Martinez na mesma proba da categoría junior.

RESULTADOS