Archivo de la etiqueta: Pista Cuberta

INTENSA FIN DE SEMANA ATLETICA.

Publicado el por

     Para despedir o mes de febreiro dispoñemos dunha proposta atletica moi diversa. Este sábado 27 na localidade de Pontevedra estrease a xornada de atletismo provomida polo programa XOGADE para a categoría infantil, será nas pistas do CGTD. Cada atleta poderá participar como máximo en tres probas das que compoñen o programa, respectando sempre a seguinte norma: 3 concursos, 1 concurso e 2 carreiras, ou 2 concursos e 1 carreira. No caso de participar en 2 carreiras, somentes unha poderá superar os 250m.

Xogade

     O mesmo sábado a  localidade de A Coruña acolle o CAMPIONATO GALEGO XUVENIL E JUNIOR DE PISTA CUBERTA, repartindose as probas en xornada de maña e tarde. Vaise dispor dun autobus para o desprazamento, terá saída de Cangas as 07:30 horas. OLLO o novo Horario:

hc270216-page-001

     Como compoñente da Selección Galega de Marcha a cadete Valeria Fernández vai participar no CAMPIONATO DE ESPAÑA JUNIOR E CADETE DE MARCHA POR FEDERACIONS. Será o domingo 28 na localidade granadina de Motril.

marcha_motrilG(1)

     Na pista cuberta de Riazor o domingo 28 vaise disputar o CAMPIONATO GALEGO DE VETERANS EN PISTA CUBERTA.  Alí vai participar Mª Belen Lemat.  Moitisima sorte a tod@s eles/as.

 hc280216-page-001

CAMPIONATO ESPAÑA PROMESA P.C. e OUTROS TROFEOS.

Publicado el por

San Sebastián, 21 de febreiro de 2016

     Durante a xornada do domingo 21 de febreiro Raquel Villa disputou a final do concurso de lanzamento de peso no CAMPIONATO DE ESPAÑA PROMESA DE PISTA CUBERTA. Rematou 7ª o lanzar a bola de 4kgs. ata os 11.65 mts. 

     Non e doado obter a mínima para participar nos Campionatos de España. Se non que llo digan as cadetes que  o tentaron nas Pistas «Josefina Salgado» de Pereiro de Aguiar. Ariadna Gil acadou 9.72 nos 60 m.v. a súa mellor marca e tamén da competición, quedando a 7 centesimas da mínima (9.65) . Valeria Rodríguez no lanzamento de peso alcanzou os 9.89, a 70 cms do obxetivo. Irene Menéndez tamén andivo preto dos 8.15 esixidos, rematando os 60 m.l. en 8.80. Na IV Xornada XXXIII Copa Deputación en pista  tamén participou Maria Rodríguez que foi descalificada nos 60 metros valados. 

     A marea amarela que se desprazou a Vilagarcia o Complexo Deportivo de Fontecarmoa tamén tiña un obxetivo. Está próximo o Campionato Galego de Pista Cuberta para as categorías benxamín, alevín e infantil e tamén esixen marca para disputalo. Acompañou o tempo a esta intensa maña atletica que deixou os seguintes RESULTADOS

 GRUPO

COMPETICIONS DA FIN DE SEMAN.

Publicado el por

    Esta vindeira fin de seman que hoxe comezamos será de estreo nos Campionatos de España. A lanzadora Raquel Villa vai participar no CAMPIONATO DE ESPAÑA PROMESA DE PISTA CUBERTA, será en San Sebastian os días 20 e 21 de febreiro. Podedes consultar os resultados do día 21 no concurso de lanzamento de peso feminino neste enlace:

–Resultados Promesa P.C.

pc_promesaG

     O sábado 20 en Pereiro de Aguiar vaise disputar a 4ª XORNADA XXXIII COPA DEPUTACION DE ATLETISMO EN PISTA. Con máis de 500 inscritos tentando acadar obxetivos moi dispares. No caso das nosas amarelas buscarán  marca para os vindeiros Campionatos de España. Participarán catro cadetes María Rodríguez e Ariadna Gil en 60 m.v., Irene Menéndez en 60 m.l. e Valeria Rodriguez en lanzamento de peso.

 

CAMPIONATO GALEGO COMBINADAS E VELOCIDADE.

Publicado el por

Lugo 6 e 7 de febreiro de 2016.

 

     Durante a fin de seman do Entroido Lugo acolleu o CAMPIONATO DE GALICIA DE PROBAS COMBINADAS CADETE, XUVENIL, JUNIOR, PROMESA E ABSOLUTO e o CAMPIONATO DE GALICIA DE 60 E 60 VALADOS.  No Campionato de velocidade, que conta este ano a súa segunda edición, participou Paula Martínez na proba dos 60 metros valados. Tras unha primeira semifinal que superou con 9.96, na final obtivo o terceiro posto con 9.84. Moi disputada foi a subida ao caixón do bronce, unha centesima foi a que separou a Paula da cuarta clasificada. RESULTADOS

 Paula

     A xornada comezaba co pentathlon feminino da categoría cadete. Nos 60 m.v. Ariadna Gil estreou a competición cun tempo de 9.79. Este bo comezo e a regularidade no resto das probas levouna a sumar 2.554 puntos. Melloraba a súa anterior marca e acadaba o Subcampionato Galego de Probas Combinadas. RESULTADOS

 ARI

Resultados - Campeonato Gallego Combinadas-page-022

     A actividade no Modulo Cuberto e no  Estadio Gregorio Pérez non cesaba, unha vez rematada a xornada do sábado ainda faltaba o domingo. Moitas categorías e moitas probas. No caso dos xuvenís foi o heptathlon masculino.  Ata o de agora @s @marel@s fixeran pleno, e Daniel Calvar máis David Lorenzo completaron unha participación de podio. E ademáis moi axustado,  David Lorenzo proclamouse Campión Galego por catro puntos. Daniel Calvar foi bronce.

wp-1454884420563.jpg

Resultados - Campeonato Gallego Combinadas-page-003

IMG-20160207-WA0005

CAMPIONATO DE GALICIA ABSOLUTO DE PISTA CUBERTA

Publicado el por

 

A Coruña, 24 de xaneiro de 2016

     Disputouse no Pazo dos Deportes de Riazor o CAMPIONATO DE GALICIA ABSOLUTO E PROMESA DE PISTA CUBERTA e 1500-3000 m. XUVENIL-JUNIOR. A xornada dividiuse en maña e tarde para dar cabida as probas do Campionato.

12540611_1012868178751452_550422690592595158_n

     Noelia Graña correu a 4ª serie dos 50 m.l. rematando en 5º posto cun tempo de 7.18. Foi unha serie rápida pero non entrou na semifinal. Saray Amoedo rematou o concurso de triple salto en 4º posto cun mellor salto de 10.69. No concurso de salto de altura Alba Pazos rematou en 6º lugar cun salto de 1.44.  En salto de pértega Martina Paramos acadou o posto 8º saltando ata 2.62.

Raquel

     Da man de Raquel Villa chegou a medalla de prata no lanzamento de peso. A bola foi ata os 12,13 mts., superando a mínima esixida para o Campionato de España Promesa a celebrar o 20 e 21 de febreiro en San Sebastián. Na semifinal dos 50 m.v. Paula Martínez acadou praza para a final cun tempo de 8.32 , co cal pode participar no Campionato de España Junior a celebrar o 19 e 20 de marzo en Sabadell.  Na final rematou 5ª cun tempo de 8.35.

CAMPIONATO DE GALICIA ABSOLUTO E PROMESA DE PISTA CUBERTA.

Publicado el por

     Este vindeiro domingo 24 de xaneiro voltamos o Pazo dos Deportes de Riazor, coidado que xoga o Depor e non se podera estacionar no emprazamento habilitado. Os atletas deberán confirmar a súa participación ata 45 minutos antes do comezo da proba, segundo o horario indicado. Participarán Alba Pazos en salto de altura, Paula Martínez en 50 m.v.,  Noelia Graña en 50 m.l.,  Raquel Villa en lanzamento de peso, Martina Paramos en salto de pértega e Saray Amoedo no triple salto.

Mañana

Tarde (2)

LISTA DE SAIDA 

COPA DE GALICIA DE CLUBES EN PISTA CUBERTA.

Publicado el por

A Coruña 17 de xaneiro de 2016

     Coa resaca das categorias escolares continou a nosa andaina pola pista cuberta coa COPA DE GALICIA DE CLUBES EN PISTA CUBERTA.  Temos moi bos recordos desta competición nas súas anteriores edicions. Este ano a labor do equipo foi máis discreta. Engadir que o mesmo esta renovandose de cara o futuro e non se descarta estar novamente nas posicions de podio.  Na clasificación final a suma dos puntos deunos a 7ª posición. 

Contamos coa presenza das cadetes, algunha das cales se estreaba en Campionatos a nivel absoluto. Foi o caso de Irene Menéndez que rematou 7ª nos 50 m.l. cun tempo de 7.37 e Ariadna Gil que realizou o salto de lonxitude, rematando 6ª cun mellor salto de 4.54. A outra cadete, de segundo ano, Maria Rodriguez  tocoulle cubrir a proba de 3000 m.l. acadando o 7º lugar cun tempo de 12:30.18.  A lesión de Mª Jesús Corredoira deixounos sen puntuar nos 1500 m.l.  Noelia Graña rematou 7ª nos 200 m.l. con 28.32. Nos 400 m.l.  Aida Amoedo repetiu posición con 1:06.24. Na proba dos 800 m.l.  Noa Rouco sumou un punto o finalizar 8ª e parar o crono en 2:49.46. Paula Martinez sumou 6 puntos na proba de 50 m.v. cun tempo de 08.41.

Foron as participantes nos concursos as que subiron a media, e tamen a moral, do equipo. En salto de altura Alba Pazos rematou 3ª cun mellor salto de 1.50. Martina Paramos foi 6ª con 2.20 na pértega. Saray Amoedo encabezou a proba de triple salto con 10.81. Tamén gañou Raquel Villa  o lanzamento de peso con 11.58.  

O remate da Copa foi a proba dos relevos 4X1 volta, as catro integrantes foron Aida Amoedo, Noa Rouco, Iria Rodriguez e Paula Sotelo. Acadouse o 7º posto cun tempo de 4:50.18.  O taboleiro final da proba sumaba 45 puntos para o equipo. Dixemolle ata pronto o Pazo dos Deportes de Riazor  e de seguro voltaremos con máis pulo a Coruña.

 IMG_20160117_121119

FINAL IV LIGA FEDERADA ESCOLAR.

Publicado el por

A Coruña 16 de xaneiro de 2016

     Ainda non estamos acostumados a escribir 2016, levamos apenas medio mes de ano e chegaba a FINAL da  IV LIGA FEDERADA ESCOLAR.  Foi todo un reto meter a cinco equipos na final que tivo lugar no Pazo dos Deportes de Riazor. Case tanto como a loxística que tivemos que empregar para salvar a xornada de maña e tarde.

A xornada de maña prometía ser longa, as dúas categorías en competición nos saturaron de atletismo. O equipo benxamín feminino pechou a Liga proclamandose Campión Galego. Remataron sumando 168 puntos. RESULTADOS BENXAMIN MULLERES 

bENXAMÍN)

Non estabamos repostos aún da primeira victoria cando os alevin másculinos, cheos de envexa, non quiseron ser menos.  Con suma autoridade remataron no primeiro posto, acadando 168.5 puntos. O equipo feminino rematou en 7º posto con 82.5 puntos. RESULTADOS ALEVINS

ALEVIN

 

A xornada de maña tamen nos deixaba un novo RECORD GALEGO  da man de Gema Dacosta, a atleta benxamín mellorou o rexistro de lanzamento de peso en pista cuberta (6,10 m). Pois ainda quedaba a xornada de tarde, adicada a categoría infantil. Os homes pecharon o circulo resultando gañadores da Liga, sumando 248.5 puntos. No caso das mulleres acadaron o 6º posto con 170 puntos. RESULTADOS INFANTIS

Moi boa participación e tamén  alto nivel para unha Liga que xa esta máis que consolidada na súa cuarta edición, pola nosa parte foi todo un pracer.

GRUPO

SARAY AMOEDO VIAXA A SABADELL.

Publicado el por

A vixente Campiona Galega de triple salto en Pista Cuberta, Saray Amoedo,  participará esta fin de semana no CAMPIONATO DE ESPAÑA CADETE DE PISTA CUBERTA.  A final do triplo feminino esta prevista para o domingo 22 as 12:30 horas.  Confiamos na solvencia de Saray Amoedo, quen xa participou o ano pasado no Campionato Nacional. Sorte na viaxe e disfruta da competición.

IMG_20150317_174701