"Enerxia de Futuro"
Valladolid, 11-12 de xullo de 2015.
Disputouse o CAMPIONATO DE ESPAÑA EN PISTA AO AIRE LIBRE nas pistas do Rio Esgueva de Valladolid, esas que tanto estivemos visitando durante este veran. A nosa cadete Saray Amoedo concursou no triplo salto dunha maneira notable, acandando un 5º posto na final cun mellor salto de 11,04. Lembrar que este posto, tan preto do podio, non é froito da casualidade, xa quedara cuarta no Campionato Nacional de Pista Cuberta esta mesma tempada.
O vindeiro sábado dia 1 de Agosto tera lugar no Salon de Plenos do Concello de Cangas a partir das 17:00 horas o acto de peche de tempada do Club de Atletismo Vila de Cangas. Para tal evento están invitados todolos socios e simpatizantes. No mesmo premiarase os atletas destacados cun agasallo. Despois de esta homenaxe ós atletas convócase a tódolos socios/as a Asamblea xeral ordinaria que terá lugar no mesmo lugar do Concello de Cangas o as 18:00 horas en primeira convocatoria e as 18:30 horas en segunda convocatoria, coa seguinte ORDE DO DIA:
– Lectura e aprobación (si procede) da acta da Asamblea anterior.
– Resumo dos resultados da tempada 2014/15.
– Lectura e aprobación do estado de contas.
– Ampliación da xunta directiva.
– Rogos e preguntas.realizarase una Xunta Xeral na que están convocados tódolos socios.
Gran parte da tarde estará ocupada co acto anterior, pero para a noite deixamos a Cea de fin de tempada. A mesma esta previsto se faga no Restaurante O Pereiro de Hio, a partir das 22:00 horas. O menú da cea estará composto por uns entrantes de empanada, croquetas, calamares e tortilla. un plato de arroz de marisco e outro de carne, tenreira ou xamón asado con patacas. Postre, Bebida e Café. O precio por persoa serán 20 euros. Para confirmar asistencia a través do correo at.viladecangas@gmail.com ou no teléfono 600821023 (Isaura).
Valladolid, 04 e 05 de xullo de 2015
As pistas do Rio Esgueva acollen este veran a gran maioria de Campionatos nacionais. Neste caso era o da categoría Junior. Destacar a participación de Mar Chillon nos 10 kms marcha, acadando unha medalla de bronce e baixando o rexistro galego na distancia. Rematou cun tempo de 49 ‘ 59.49, renovando o RECORD GALEGO que databa do ano 2004. Pablo Castro anduvo preto do podio co 5º posto do peso, lanzando a bola ata os 15,48 mts. No Lanzamento de disco rematou 11º. Raquel Villa quedou 9ª no peso cun mellor lanzamento de 10,72 mts.
Os días 27 e 28 de xuño coincidían o CAMPIONATO DE ESPAÑA XUVENIL, disputado en Ciudad Real, máis o CAMPIONATO DE ESPAÑA PROMESA, celebrado en Tarragona nas mesmas datas.
En Ciudad Real contamos coa presenza de Noa Rouco nos 400 m.l., pero non puido pasar da semifinal cun tempo de 1’01.73. Laura Meira rematou Campiona de España no lanzamento de xavelina cun rexistro de 43’42 mts.
En Tarragona tiñamos a Angel Menduiña para disputar coa élite nacional o Decathlon da categoría promesa. Rematou en 5º posto cunha suma final de 5849 ptos.
Alcobendas 20-21 de xuño de 2015.
Como compoñentes da Selección Galega se desplazaron a localidade madrileña para disputar o CAMPIONATO DE ESPAÑA CADETE DE SELECCIONS AUTONOMICAS, tres atletas do Club, Saray Amoedo, David Lorenzo e Daniel Calvar. No caso dos homes as probas a disputar foron o salto de pértega por David Lorenzo, que saltou 3,00 mts e sumou unha 8ª posición para o combinado galego. Daniel Calvar formou parte do relevo 4X100 que foron quintos na final B da proba. O remate do Campionato, Galicia foi 7ª cun total de 189.5 puntos.
No tocante a sección feminina Saray Amoedo participou no triplo salto, cun mellor salto de 10,98 foi 7ª na clasificación. A suma das probas das mulleres foi de 193.5 ptos, acadando o 7º posto final, o mesmo cos homes.
Valladolid 20 e 21 de xuño de 2015.
Recen rematado o curso escolar, pero ainda sen notas no peto, emprendemos viaxe ata Valladolid para disputar o II CAMPIONATO DE ESPAÑA INFANTIL POR EQUIPOS. Ben merecida estivo este ano a clasificación. Moitas das atletas xa estiveran presentes o ano anterior no I Campionato que se disputou en Alcobendas. Na teoria, e tras a publicación das marcas tiñamos un equipo infantil moi compensado e disposto a dar guerra. E anda que non deron guerra, fixeron un ENORME traballo de equipo, que tivo os seus froitos coa consecución do Campionato de España por equipos.
O Campionato comenzou o sabado día 20 nas pistas do Rio Esgueva, as primeiras probas eran os 80 metros valados. Nesta proba competían Lara Fernández e Alba Campos, a primeira reamatou 3ª na súa serie en 14,80 e Alba pasou a disputar a final cun tempo de 14,13. Xa estabamos soportando os rigores do sol castelán, máis nas probas de fondo, coma nos 1000 m.l. foron Veronica Núñez e Valeria Rodríguez as valentes que completaron as dúas voltas e media con tempos de 3,29 e 3,46 respectivamente. Máis puntos para o peto.
Na velocidade, os 80 m.l., metemos as dúas atletas na final, Ariadna Gil e Laura Campos, con 11,05 e 11,09, na final non melloraron o tempo, pero si sumaron uns valiosos 97 puntos para o equipo. A «cousa» marchaba tal que a guinda da xornada foi a marcha, Ana Piñeiro rematou 1ª e baixou o RECORD GALEGO ata os 10,41.50 nos 2000 mts., Valeria Fernández acadou 54 puntos cun tempo de 11,23.84, sumando un total de 104 puntos coa marcha. Rematou a xornada do sábado coa 3ª posición para o equipo infantil feminino.
Como vos podedes imaxinar todo eran nervios e especulacións, o día seguinte era o reservado para concursos e relevos. Todo indicaba cara o optimismo, pero cos pes pegados a terra.
Domingo pola mañan rematouse a faena, no salto de altura Lara Fernández e Veronica Núñez sumaroon 85,5 puntos para o equipo nas súas quendas. Ariadna Gil e Irene Menéndez remataron a lonxitude con 96 puntos. No lanzamento de peso Valeria Rodríguez e Alba Campos acadaron 97 puntos, ademáis da medalla de bronce individual para Valeria. A calculadora botaba fume pero seguiamos a sumar puntos, Laura Campos e Valeria Fernández, remataban a xavelina con 94 puntos.
Xa polo mediodía empezou a escoitarse a palabra PRIMEIRAS, cunha única proba por diante, a recompensa estaba máis preto. Pois foron os relevos 5X80 os que daban remate o Campionato e a clasificación final. Laura e Alba campos, Ana Piñeiro, Irene Menéndez e Ariadna Gil tiveron a responsabilidade de facer o relevo. Remataron en 5ª posición, sumando os derradeiros 55 puntos que lles otorgaron o Campionato de España, cun total de 791,5 puntos. Ademáis supuso mellorar a marca do relevo 5X80, co que sería un novo RECORD GALEGO na distancia.
Con motivo do DIA MUNDIAL DA ELA a Asociación Agaela organiza este domingo 21 de xuño de 2015 o seguinte PROGRAMA DE ACTOS:
No citado evento colaboran Fundación Cangas Deporte; Concello de Cangas; Club Atletismo Morrazo; Club Atletismo Vila de Cangas; R.C. Naútico Rodeira e Asociación Cultural “O Muichiño San Pedro”.
Ainda que a inscricion e gratuita si que se van aceptar donativos voluntarios.
O vindeiro 20 e 21 de xuño vaise disputar en Valladolid o II CAMPIONATO DE ESPAÑA INFANTIL POR EQUIPOS. Para o citado Campionato están convocadas dez atletas que conformaran o equipo. (Valeria Rodriguez Jalda– Veronica Nuñez Gil-Ariadna Gil Fernández-Ines Villamor Nores-Ana Piñeiro Piñeiro-Valeria Fernández Blanco-Irene Menéndez Mariño-Lara Fernandez Camaño-Laura Campos Pérez-Alba Campos Pérez).
O Hotel que se contratou para a estancia chamase Hotel San Cristobal , situado na veciña localidade de Cistérniga. Dende ahí, os desprazamentos se farán en vehículos particulares ata as pistas de atletismo Rio Esgueva .
O Sabado 20 de xuño esta concertada a comida no Hotel San Cristobal, as 13:30 horas. Rogase puntualidade, xa que a competición comenzará esa mesma tarde. A cea do sábado e o almorzo do domingo tamén serán no Hotel.
Esta prevista a saida o sabado 20 de xuño as 08 da maña dende a estación de autobus de Cangas.
Soria 14 de xuño de 2015
Terceiro ano consecutivo que se disputa a FINAL DA LIGA DE 2ª DIVISION, por parte do equipo feminino. Este domingo 14 de xuño, en xornada de maña, o Estadio de Los Pajaritos acolleu os oito mellores equipos da segunda división nacional. Os dous primeiros clasificados acadaban o ascenso a primeira división. Non era doado pero alí se plantou batalla ata o final. Non puido ser, a terceira non foi a vencida.
Somos un Club de canteira, enerxia de futuro, pero o presente, día a día, amosanos que todo o que nos propoñamos se conseguirá. Non foi desta pero tamén dicir que xa queda menos. Eso si agradecer o grupo de mulleres o camiño que están labrando para vindeiras xeracións.
A mañan comenzaba co concurso de martelo, Johana Villar alcanzou os 30.05 mts. e sumou dous puntos para o equipo coa 7ª posición. Nos 5 kms. marcha non se puido sumar puntos pola descalificación de Esmeralda Corredoira. A cadete Alba Vidal foi quen de sumar un punto cun 8º posto nos 3000 m.l.
Outra cadete Maria Rodríguez rematou 7ª no salto de lonxitude, cun mellor salto de 4,40 metros. Mª Jesús Novo repetiu o mesmo posto, 7ª, nos 400 m.v.
Noa Rouco acadou 6 puntos o rematar 3ª nos 400 m.l., parecía que se animaba a xornada con outros 6 puntos por parte de Patricia Torres, tamén 3ª no lanzamento de disco. A máis veterán do grupo Marina Caballero continuou coa tendencia nos 800 m.l. rematando 3ª.
Aida Amoedo foi a representante nos 200 m.l., que foron moi reñidos entrando as 5 primeiras no mesmo segundo. Aida rematou 5ª con 26,98. Alexia Vidal saltou 1,55 en altura, acadando a segunda praza. A cadete Ana Fandiño alcanzou en pertega os 2,00 metros, sumando dous puntos máis e rematando 7ª.
As probas de velocidade foron cubertas por Paula Martínez, 5ª nos 100 m.v. e Noelia Graña que foi descalificada nos 100 m.l.
Saray Amoedo no triplo salto alcanzou os 11,17 e rematou 3ª. Iria Piedras correu os 1500 m.l. e acadou o 8º posto. Raquel Villa cun lanzamento de 12,00 mts, foi 2ª no peso. Ainara Rodríguez rematou os 300o metros obstáculos en 6ª posición. O derradeiro concurso individual da xornada nos daba o único primeiro posto, foi Laura Meira no lanzamento de xavelina, con 37, 75 mts.
Quedaban os relevos, o 4×100 composto por Paula Martínez, Alexia Vidal, Noelia Graña e Sara Villar, foi 6º cun tempo de 53,65. O 4×400 formado por Marina Caballero, Aida Amoedo, Mª Jesús Novo e Ana Antepazo, repetiron 6º posto con 4:23.41.
A suma final foi de 72 puntos, rematando en 7º posto. Parabens para o Lucus Caixa Rural Galega e Hinaco Monzon polo ascenso acadado. Nos seguiremos traballando para voltar o ano que ven.
Debe estar conectado para enviar un comentario.