O Club Atletismo Vila de Cangas estará no campionato galego absoluto de clubs, tanto na categoría feminina como na masculina.
O campionato será o 17 de abril en Lugo, nas pistas de atletismo Gregorio Pérez Rivera.
Tanto na categoría feminina como na masculina, os atletas do noso club deberán enfrentarse aos seguintes clubs: Gimnástica de Pontevedra, ADAS Proinor, San Fernando Lucus, Academia Postal, Ría Ferrol, Celta e Narón.

Este sábado 10 de abril, nas pistas de atletismo de Balaidos, en Vigo, terá lugar a segunda xornada de atletismo en pista ao aire libre escolar infantil – cadete.
Tal e como pasaba coa anterior xornada que se celebrou en Pontevedra, esta é clasificatoria para o campionato provincial da categoría infantil. Como xa sabedes serán as 16 mellores marcas collidas de ambolas dúas xornadas.
Para os cadetes, en cambio, a súa clasificación para o provincial non será do mesmo xeito. Terán que acadar unhas mínimas das que xa falaremos no seu momento.
Polo de agora, quedádevos conque o sábado os infantiles e máis os cadetes competiredes en Vigo. Sairá un autobús de Cangas ás 9 da mañán e viaxarán con nós os do Morrazo.
Aquí tendes o horario das probas:20100410horario

O Club Atetismo Vila de Cangas organiza para o vindeiro 9 de abril a XVI Xornada de Atletismo Base.
As probas celebraranse a partir das 17:30 horas no Estadio de atletismo de Cangas. Está destinada ás categorías minibenxamín, benxamín e alevín e será de tipo de probas combinadas.
Aquí podedes descargar o folleto co regulamento da proba:

xornada_babril_2010

Vigo, 28 de marzo de 2010.
A Asociación Viguesa de Atletismo organizou este domingo o XI Trofeo de Reconquista de Vigo. Aínda que houbo probas para todas as categorías moitos dos nosos atletas preferiron ir a bendicir o ramo, ou a durmir, pois esta noite tivemos unha hora menos de sono.
A xornada transcorreu sen incidencias e como anécdota, únicamente, dicir que cando ían dar a saida aos 2000 m. obstáculos, déronse conta de que non encheran a ría e tivo que aprazarse a saída.

resultados-reconquista-201003281

Este sábado 27 foi a fase zonal en pista para a categoría Infantil e houbo algunhas probas para os cadetes como marcha, xavelina, martelo, disco e triplo/e salto.
Este zonal fíxose en Pontevedra. A pesar de que cando chegamos estaba todo mollado, o sol foise animando e deixounos unha mañá moi agradable e soleada.

Esta xornada caracterizouse pola cantidade moi numerosa de atletas que foron as probas de lanzamentos en contra dos 1000 metros obstáculos, o que só foi un neno. Tal vez a razón fora que nelas participaban os cadetes pero inda así chamou a atención que ninguén máis se animase a participar ou en marcha na que so ían dous homes
Escomezou a xornada con marcha e martelo e algúns atletas non tiñan case tempo de ir dun lanzamento a outro.

Houbo una atleta que se quedou en branco e cando lle tocou de saltar o triplo non se acordaba de cómo se facía e iso que quentara e non era a súa primeira vez ¡¡¡Cousas que pasan!!!
Pero si a alguén hai que felicitar polos resultados desta xornada, esa é Alexia, que conseguiu mellorar a súa marca persoal en altura ata 1’45 m.
Resultados:resultados_i__xornada_deporte_escolar_infantil_e_cadete

Resultados dos nosos:
Infantil mulleres;
Esmeralda Corredoira Herbello: 4ª en marcha, 12ª en altura
Lucía Piedras Gómez: 5ª en marcha, 5ª en triplo, 10ª en 150 m.l.
Johana Villar Parada: 1ª en martelo, 6ª en disco, 4ª en peso Seguir leyendo →

Este sábado, en Pontevedra, terá lugar a primeira fase para os infantiles, clasificatoria para o campionato provincial. Entre esta fase e a que terá lugar en Vigo o 10 de abril, sarirán as 16 mellores marcas que irán ao campionato provincial. Tamén nesta xornada se farán algunhas probas para os cadetes. Para esta última categoría, os resultados non clasifican para o provincial.
Aquí tendes o horario coas probas que hai en cada categoría:horario-i_xornada_infantil_cadete_270310
Por outra banda, o domingo delebrarase en Vigo o Trofeo da Reconquinta, organizado pola Agrupación Viguesa de Atletismo. Consultade horario e probas aquí:horario-reconquista

Mar Chillón Camaño, Iria Piedras Gómez, Ángel Menduiña Gutiérrez e Rebeca Obenza Otero. Estes son os atletas do Vila de Cangas que están invitados á concentración de Semana Santa do sector de marcha. Dita concentración trancorrerá entre o sábado 27 de marzo e o martes 30. Será no albergue Fundación Ramón González Ferreiro, en Allariz.

Na circular que sigue pódese ver todo o que necesitan presentar os atletas no momento da súa incorporación, así como baixar a autorización da participación. circular_29-20101

Dous atletas do Vila de Cangas formarán parte da selección galega cadete de campo a través. Trátase de Jesús Parcero Ríos e Tomás Ocaña Pazos. Ambos viaxarán este fin de semana a Albacete.
Xunto con estes dous atletas tamén viaxarán os outros compoñentes da selección, que son: Miguel Otero ( Cuntis), Ayoub Nagihi ( ADAS), Adrián Bouza (Ría Ferrol), Ero Doce ( Ría Ferrol), Javier Castro (Universidade de Santiago) e Xavier Legaspi (Elite Noia).

Cangas, 20 de marzo de 2010

Despois dos últimos días en que parecía que por fin diexaramos atrás o inverno, precisamente no primeiro día da primavera, vai e volta a chover e ventar. Así foi como empezou o día de hoxe. As probas de marcha, lonxitude e altura masculina e peso feminina celebráronse en condicións verdadeiramente invernais. Logo o tempo deunos unha tregua e non volveu a chover ata case o final da mañá.

Como xa sabedes, cada atleta podía participar nun máximo de dúas probas. Sen dúbida a proba que contou con máis participantes foi a de lonxitude. Este ano houbo unha nova modalidade: o lanzamento de pelota, que consistía en lanzar a pelota a modo de xavilina.
Os resultados desta xornada non saberemos a importancia que teñen exactamente ata que non se faga a xornada seguinte o 17 de abril, que probablemente será en Vilagarcía, aínda que tamén pode ser en Pontevedra. Das marcas conseguidas nas dúas xornadas, clasificaranse as 16 mellores.
De momento, a próxima do deporte escolar será en Pontevedra, onde se celebrará a primeira xornada para a categoría infantil o vindeiro 27 de marzo.
Aquí podedes consultar os resultados:resultados-pista-cangas

Os nosos atletas quedaron como segue:
Alevín mulleres:
Noa García Prieto: 1ª en peso e 3ª en marcha
Alba Vidal Soliño: 1ª en 1.000 m.l. e 3ª en altura
Mª Jesús Corredoira Herbello: 2ª en 500 m.l. e 16ª en lonxitude Seguir leyendo →

Empeza a competición escolar en pista ó aire libre para as categorías benxamín, alevín e infantil.
Celebraranse como mínimo dúas xornadas previas á fase provincial, sendo a primeira delas este sábado 20 de marzo nas pistas de atletismo de Cangas. O horario será o seguinte: horario-cangas
De todos xeitos tedes que ter en conta que os rapaces deben chegar con antelación suficiente para quentar e acudir a cámara de chamadas.
Os benxamíns e alevíns poderán participar nun máximo de dúas probas. No caso de ser carreiras, somentes unha poderá superar os 250 m.
Os infantís poderán participar como máximo en tres probas: tres concursos, un concurso e dúas carreiras ou dous concursos e unha carreira, sempre tendo en conta que só poden facer unha carreira superior a 250 m.
Clasificaranse para o campionato provincial as 16 mellores marcas das fases comarcais en cada proba.
Ó campionato galego irán só as categorías alevín e infantil. Clasificaranse os tres primeiros atletas de cada proba do campionato provincial, así como os catro mellores atletas do ranking galego de cada proba, unha vez quitados os tres primeiros atletas clasificados directamente en cada provincia.
En cato a competición por equipos, esta está reservada ás categoría alevín e infantil. Os atletas participarán nas xornadas de competición individual acadando unha clasificación por estadillo para a competición por equipos.
Ó campionato galego irán 8 equipos clasificados por estadillo. Cada equipo terá un so representante en cada proba individual. Na categoría alevín un mesmo atleta só poderá tomar parte nunha proba e un relevo. Na categoría infantil cada atleta poderá participar en dúas probas e nun relevo, sempre tendo en conta as distancias antes indicadas.
Os equipos para puntuar están obrigados a cubrir todas as probas, agás na categoría infantil na que se eliminará a peor actuación realizada na competición.
Aquí podedes consultar as próximas citas:
atletismo-en-pista-al-aire-libre-calend