CAMPIONATO ESPAÑA SUB-16 PISTA CUBERTA

Sabadell, 17 e 18 de marzo de 2018

 

     Tiñamos confianza na participación de Lope Quinteiro no CAMPIONATO ESPAÑA SUB-16 PISTA CUBERTA. Partía coa segunda marca do ranking nacional nos 1000 m.l. e na final do concurso de peso loitaría cos mellores cadetes de España. O sábado disputou a semifinal dos 1000 m.l. e clasificouse coma primeiro da sua serie, ollo ao paso polos catrocentos en 59 s., unha aposta arriscada que lle deu o paso a final en 2:40. Tras este primeiro e importante trámite quedaban as finais para o domingo.  Na final dos 1000 m.l. Lope Quinteiro rematou en 2:39.09, a súa mellor marca, medalla de prata e SUBCAMPION DE ESPAÑA. Iso si que é unha virtude, facer a mellor marca na final do Campionato de España.

      Evidentemente este logro eclipsou a particiapción na final de peso, onde rematou no posto 11º, cun lanzamento de 12.89. Agardamos disfrute destes intres de ledicia e intuimos que nos deixará máis tardes de gloria. NORABOA, coma dirían os teus contemporaneos «eres el p**o amo».



LOPE VIAXA A SABADELL

 

     A pista cuberta Josep Molins de Sabadell acollerá esta fin de semana o CAMPIONATO DE ESPAÑA SUB-16 DE PISTA CUBERTA. Supón o peche das competicións baixo cuberta a nivel nacional. En excelente estado de forma física e mental vai acudir Lope Quinteiro. Coa filosofía de nada que perder e moito que gañar, disputará as probas de 1000 m.l. e lanzamento de peso. Un atleta polivalente que corre os 1000 en 2:40 e lanza a bola ata os 13,50 mts. Estaremos seguindo de preto a sua evolución no Campionato, máis desexarlle boa viaxe e un chisco de sorte.



CAMPIONATO DE ESPAÑA SUB 20 DE PISTA CUBERTA

Ourense 3 e 4 de marzo de 2018

 

     A pista cuberta de Expourense esta amosando unha actividade frenetica. A primeira fin de semana do mes de marzo acolleu o XLV CAMPIONATO DE ESPAÑA SUB 20 DE PISTA CUBERTA. Os clubes do noroeste da peninsula agradecemos esta cercania e tamén é de xustiza polos moitos viaxes que temos no lombo. Na procura de loitar cos mellores foron tres amarelos. O sábado competiu Daniel Armada nos 60 m.l., na primeira rolda acadou o 5º posto con 7.22. Pasaban os tres primeiros, máis non foi mal tempo só unha serie bastante rápida. Daniel Calvar participou nos 200 m.l., cun tempo de 23.44,  quedou a un segundo do corte para progresar a seguinte rolda.

     O domingo na final do concurso de triple salto estivo Saray Amoedo,  quen rematou 9ª cun salto de 11,02. Quedou a un suspiro de entrar na mellora pero outra vez será. Moi digno colofón a tempada de pista cuberta,  que nos deixa unha expectativa moi alta para o aire libre.



RESULTADOS


PREVIA DO CAMPIONATO DE ESPAÑA SUB 20 DE PISTA CUBERTA

 

     Esta vindeira fin de semana, 3 e 4 de marzo, vai ter lugar na pista cuberta de Expourense o CAMPIONATO DE ESPAÑA SUB 20 DE PISTA CUBERTA.  A pista ourensana acollerá a preto de 500 atletas, entre eles/as a TRES amarel@s. Daniel Armada competirá nos 60 m.l., Daniel Calvar nos 200 m.l. e Saray Amoedo no Triple Salto. Gracias as novas tecnoloxias poderemos seguilos desde o sofa:


EMISION EN DIRECTO


     Tamén achegamos as modificacións realizadas no HORARIO e as LISTAS DE SAIDA  para o seguimento dos resultados, só nos queda desexarlle suerte e que disfruten da experiencia.


NOVO HORARIO

RESULTADOS EN DIRECTO



CAMPIONATO ESPAÑA LANZAMENTOS LONGOS E MARCHA POR FEDERACIONS

 

     Disputouse en Castellón, esta pasada fin de semana, o CAMPIONATO DE ESPAÑA DE LANZAMENTOS LONGOS. Na categoría SUB 20 participaba Manel Iglesias. Non tiña claro que puidera entrar ata a última semana pero non lle quitaron as gañas. Amosou no Campionato que estar entre os mellores de España non foi casualidade. Excelente concurso de lanzamento de xavelina, onde de maneira moi regular superou os 50 mts. A marca final foi de 53.10, acadando un meritorio 4º posto. Agora mesmo esta situado no cuarto posto do ranking nacional con esta marca, que ademáis supon mínima para o Campionato de España SUB 20 ao Aire libre. Desexamolle unha longa e fructifera estadía na élite, NORABOA.

     A localidade de Burjassot  acolleu o CAMPIONATO DE ESPAÑA DE MARCHA EN RUTA. Coma compoñente da SELECCION GALEGA na categoría SUB 16 participou Ana Piñeiro. Disputou a proba de 5kms. e rematou 9ª na xeral. Para o equipo ese posto computou coma 7º e aportou uns valiosos puntos que alzaron a Galicia ata a medalla de BRONCE por equipos. Repite posto o combinado galego, o cal sumado a medalla de ouro da categoría SUB-20, afianza o valor da marcha galega a nivel nacional.



CAMPIONATO DE ESPAÑA SUB 23 DE PISTA CUBERTA

Salamanca, 10 de febreiro de 2018

     Chegaba Paula Martinez ao CAMPIONATO DE ESPAÑA SUB 23 DE PISTA CUBERTA nun óptimo estado de forma. Só faltaba refrendalo nas probas que disputaba nesta importante cita. Nos 60 metros valados acadou un tempo de 9,34, que lle supon a súa mellor marca persoal e permitiulle rematar no posto 18º. Na carreira de 60 metros lisos rematou en 8,23, neste caso mellor marca da tempada e posto 22º. Todo un referente para as suas compañeiras, que de seguro estará moi contenta do seu rendemento.


FIN DE SEMANA DE ENTROIDO ATLETICO.

     As mellores atletas SUB 23 teñen unha cita en Salamanca no CAMPIONATO DE ESPAÑA SUB 23 DE PISTA CUBERTA. A pista Carlos Gil Pérez albergará o primeiro Campionato Nacional do inverno, entre @s máis de 500 atletas inscrit@s atopase Paula Martínez. Participará nas probas de 60 m.l. e 60 m.v. 



     No peirado de Aldán disputarase, este domingo 11, o XXIX CAMPIONATO GALEGO DE MARCHA EN RUTA.  A partir das 11 da maña, competirán as diferentes categorías desde SUB 10 ata MASTER, con percorridos entre 1 e 10 km. No seguinte dossier non falta detalle do Campionato. 


GUIA DO CAMPIONATO



PAULA VIAXA A GRANOLLERS

     A localidade de Granollers vai acoller, os días 8 e 9 de xullo, o CAMPIONATO DE ESPAÑA JUNIOR AO AIRE LIBRE. A atleta junior Paula Martínez  acadou marca para participar nas probas de 100 m.l. e 100 m.v. Con esta participación completa unha tempada notable,  na que tamén conseguira mínima para o Nacional de Pista Cuberta. Agora só nos queda desexarlle unha BOA VIAXE.


INSCRITOS



CAMPIONATO DE ESPAÑA PROMESA AO AIRE LIBRE

Torrent,  01 de xullo de 2017

 

   A nosa promesa máis prometedora viaxou a Torrent co gallo do CAMPIONATO DE ESPAÑA PROMESA AO AIRE LIBRE.  Non quiso faltar e acadaou a mínima «in extremis». O sabado 1 de xullo, Raquel Villa  disputou a final do lanzamento de peso, na mesma acadou o pase a mellora e rematou en 7º posto cun mellor lanzamento de 12.18 m.