Archivo de la categoría: General

CAMPIONATO GALEGO SUB 10 E SUB 12 PISTA CUBERTA

Publicado el por

Ourense, 08 de marzo de 2025

     A nosa particular peregrinaxe a pista de Expourense tiña esta fin de semana un punto de inflexión. Comezabamos o sábado co CAMPIONATO GALEGO SUB 10 E SUB 12. A xornada de maña estivo reservada para a categoría benxamín. Nas probas masculinas competiron Samuel Lorenzo, 8º en 1000 m.l., con MMP e 36ºnos 50 m.l., Laurent Graña acadou o BRONCE no concurso de lonxitude acompñado dunha MMP e foi 5º nos 1000 m.l. tamén con MMP,, que máis lle podemos pedir, menudos atletas.

    Na sección feminina destacar o BRONCE acadado por Anxela Caballero nos 1000 m.l. con MMP ademáis de ser 11ª na lonxitude (MMP), Elba Cordeiro pechou a participación amarela, rematando 13ª nos 50 m.l. e 20ª na lonxitude.

    Despois dun parón para comer continuaba a xornada coa categoría alevín, na sección masculina participaron Alex Carballo, 9º en lonxitude (MMP) e 20º nos 60 m.l., Xose González 37º nos 60 m.l., Adrián Calvar foi CAMPION GALEGO nos 500 m.l. (MMP) e 6º no concurso de lonxitude (MMP). As mulleres estiveron representadas por Mar Fazanes 11º no peso e 22ª nos 1000 m.l., Sara Barros 17ª nos 60 m.l., Claudia Romero 13ª na lonxitude (MMP) e 37ª nos 500 m.l. (MMP)

     Demos remate a xornada do sábado co pensamento posto no domingo coa disputa do CAMPIONATO GALEGO SUB 14…toca dormir en Ourense.

CAMPIONATO GALEGO DE LANZAMENTOS LONGOS

Publicado el por

Ordes 08/02/2025- O Barco 09/02/2025

 

    Tivemos representación no CAMPIONATO GALEGO DE LANZAMENTOS LONGOS nas categorias SUB 16 e SUB 20. Non tiveron a mesma sede nin a mesma data. Diego Martínez desprazouse ata Ordes para lanzar o disco acadando unha marca de 35.91 m. e rematando SUBCAMPION GALEGO da categoria SUB 20.

   A sede que acolleu a categoria SUB 16 foi O Barco de Valdeorras, onde  concursou no lanzamento de xavelina Miguel Fernández, acadando o BRONCE e unha mellor marca de 33,91 m.

CAMPIONATO DE ESPAÑA SUB 20 AO AIRE LIBRE

Publicado el por

Castellón, 27 de xullo de 2024

 

     O Estadio Gaeta Huguet acolleu o CAMPIONATO DE ESPAÑA SUB 20 ao AIRE LIBRE.  Derradeira competición a nivel nacional na que contabamos coa presenza de Mauro Vázquez. As expectativas coa tempada do vixente Campión Galego dos 100 m.l. eran altas pero foron superadas na pista castellonense. Na primeira quenda eliminatoria  Mauro rematou nun tempo de 10,69 s, que despois mellorou na rolda de semifinais cunha MMP de 10,65. Isto supoñia ademáis o pase a final, obxectivo máis que superado para este velocista. Na final dos 100 m.l. Mauro Vázquez foi 6º cun tempo de 10,74 s. 

 

CAMPIONATO DE ESPAÑA SUB 18 AO AIRE LIBRE

Publicado el por

Málaga, 06 de xullo de 2024

   Ata terras malagueñas viaxou Gema Dacosta para medirse coas mellores lanzadoras do territorio nacional. O estado de forma da amarela levouna ata unha final de lanzamento de peso onde mantivo as pobilidades de medalla ata o remate, cun mellor lanzamento de 13.98 m acadou finalmente a medalla de chocolate. Moitos parabens polos froitos que deron o esforzo e a constancia, tanto para Gema coma para @s adestradores.

CAMPIONATO GALEGO SUB 16 AO AIRE LIBRE

Publicado el por

Pontevedra, 06 de xullo de 2024

    As pistas do CGTD de Pontevedra volven a ter unha actividade salientable, este pasado sábado acolleron o CAMPIONATO GALEGO SUB 16 AO AIRE LIBRE. Alí acudiron vari@s amarel@s que estiveron liderados pola medalla de BRONCE que acadou Hugo Collazo na proba de 3000 m.l., nesta carreira acompañouno Marcos Rial que rematou no posto 12º.

    Brais Paz non progresou a final de 100 m.l. co 6º lugar que acadou na semifinal. Antia Soto foi quen de colarse na final dos 100 m.l. e acadar un magnifico 6º posto, tamén rematou 9ª nos 300 m.l. Na mesma proba de 300 m.l. participou Antia Baqueiro rematando 15ª.

    Miguel Fernández concursou na lonxitude, finalizando 5º e no lanzamento de xavelina, onde rematou 6º. As remudas do 4X100 masculino poñian o punto e final do Campionato, alí estiveron Hugo Collazo, Marcos Rial, Brais Paz e Miguel Fernández  marcando un tempo de 53.06 ocuparon o 6º posto.

CAMPIONATO GALEGO SUB 14 AO AIRE LIBRE

Publicado el por

Lugo, 23 de xuño de 2024

  Os derradeiros coletazos das competicions ao aire libre nos levaron ata Lugo onde se disputaba o CAMPIONATO GALEGO SUB 14 AO AIRE LIBRE. Longa xornada na que destacou a participación feminina cun BRONCE en 150 m.l. para Ana Oliveira e outro para Lena Currás en lanzamento de xavelina. No lanzamento de peso Alejandro Fernández tamén acadou o terceiro posto.

FEMININO

  • SABELA MIRANDA, 6ª disco e 4ª peso
  • CARLA SALGADO, 9ª disco e 13ª 150 m.l.
  • VERA BOUBETA, 14ª 2000 m.l.
  • MARIA MARCOS, 14ª 220 m.v. e 22ª 80 m.l.
  • IRIA FERNANDEZ, 23ª 220 m.v. e 11ª xavelina
  • ANA OLIVEIRA, 4ª triple, 3ª 150 m.l. e 6ª remudas 4X80 m.
  • NOA LORENZO, 17ª 80 m.l. e 6ª remudas 4X80 m.
  • EMMA COLLAZO, 15ª 150 m.l., 11ª 500 m.l. e  6ª remudas 4X80 m.
  • LENA CURRAS, 3ª xavelina e 6ª remudas 4X80 m.

MASCULINO

  • ALEJANDRO FERNANDEZ, 3º peso e 7º martelo
  • DANIEL CORDEIRO, 9º lonxitude e 5º 1000 m.l.
  • ANGEL REFOJOS,  4º 500 m.l.

 

CAMPIONATO ESPAÑA POR FEDERACIONS AUTONOMICAS SUB 18 A.L.

Publicado el por

Pontevedra, 22 de xuño de 2024

       Posta de largo nas Pistas do CGTD de Pontevedra para acoller o CAMPIONATO ESPAÑA POR FEDERACIONS AUTONOMICAS SUB 18 AO AIRE LIBRE. Neste caso foi Gema Dacosta participe da gran actuación da selección galega que estivo loitando polo podio durante unha emocionate xoranda. Finalmente foron CUARTOS  e a atleta amarela aportou un 7º posto no lanzamento de disco. Este combinado mixto pelexou ata o final e non temos máis que darlle os PARABENS a atletas e adestadores.

CAMPIONATO GALEGO ABSOLUTO AO AIRE LIBRE

Publicado el por

Vigo, 15 de xuño de 2024

     Outra importante competición requería da nosa presenza nas Pistas de Balaidos. A proba máis importante a nivel autonomico en aire libre moveu un numeroso continxente de amarel@s. Imos comezar pola sección masculina que estivo encabezada pola medalla de BRONCE acadada por Mauro Vázquez nos 100 m.l., cun tempo na final de 10.71 s.

Pola mesma senda foi Diego Martinez que superou os 1,83 m. no concurso de salto de altura e rematou 3º. Na probas das remudas 4 X 100 m. participaron Mauro Vázquez, Diego Martínez, Carlos Corredoira e Martin Souto rematando nun tempo de 44,12 s na 3ª posición.

Nos 400 m.l. disputaronse varias finais das que foron participes Carlos López, 17º e Carlos Corredoira , 14º. Daní Calvar foi 5º na proba de 400 m.v. Tamén se presentou equipo nas remudas 4X400 m. composto por Dani Calvar, Carlos Corredoira, Carlos López e Diego Martínez que ao remate da proba foron descalificados.

    A sección feminina contou coa presenza de Marta Camaño nas probas de velocidade quedando na quenda das semifinais dos 100 m.l. sen progreso a final. Onde si progresou foi nos 200 m.l. acadando o 7 º posto na final. Gema Dacosta concursou no lanzamento de peso, rematando 4ª e tamén no lanzamento de disco, rematando 7ª.

    Presentouse equipo para as remudas 4 X100 m.  rematando no 5º posto con Agata Rodríguez, Leire Fonseca, Antia Soto e Marta Camaño. Na proba de 4X 400 m. correron Leire Fonseca, Iris Malvido, Nerea Malvido e Valentina Faye.  Parabens para atletas e adestradores por este magnifico Campionato.

 

 

 

CAMPIONATO GALEGO SUB 18 AO AIRE LIBRE

Publicado el por

Vigo, 9 de xuño de 2024

    As pistas de Balaidos foron a sede do CAMPIONATO GALEGO SUB 18 A.L. Participaba na proba de 3000 m.l o atleta Raul Rial, quen cruzou a meta en segundo lugar e proclamouse SUCAMPION GALEGO na distancia.

    A sección feminina tivo máis participación encabezada polo doblete acadado por Gema Dacosta, 1ª en lanzamento de peso e 2ª no disco. Nas remudas de 4×100 m. acadouse un magnifico 5º posto con Marta Camaño, Lucia Gil, Leire Fonseca e Sara Marcos. Nas demáis disciplinas tamén competiron Lucia Gil, que non progresou a final de 100 m.l., quedandose na semifinal e acadando o 7º posto na final do salto de lonxitude. Marta Camaño foi 5ª na final de 100 m.l. e 4ª na final dos 200 m.l. Nerea Malvido e Blanca Giraldez remataron 20ª e 22ª respectivamente nos 400 m.l

CAMPIONATO DE ESPAÑA SUB 20 PISTA CUBERTA

Publicado el por

Salamanca, 9-10 de marzo de 2024

     A pista cuberta de Salamanca acolleu o CAMPIONATO DE ESPAÑA SUB 20 DE PISTA CUBERTA. Dous amarelos eran participes desta importante cita, entrando en competición na tarde do sábado, primeiro foi Mauro Vázquez quen tras facer MMP, con 7,00 s pasou de rolda nos 60 m.l.. Impresionante o número de mellores marcas que se deron na velocidade neste Campionato. A sua compañeira Agata Rodríguez, con 9,66 s nos 60 m.v. finiquitou a sua participación.

     O día seguinte Mauro acadou unha marca de 7.07 que non lle permitiu estar na final dos 60 m.l., estar na mesma requería baixar de 7 s e non é tan doado. De feito o gañador da proba tamén se levou un novo record  de España.