"Enerxia de Futuro"
Este domingo 22 de maio as pistas de A Elviña albergaran o Campionato por equipos das categorías menores. Tratase da proba, ao aire libre, máis importante da tempada para estes equipos. A participación vai ser masiva nas tres categorías.
Lembramos que estas dúas categorías competiran en xornada de maña co seguinte HORARIO:
A xornada de tarde estará reservada para a categoría infantil.
Temos o pracer de difundir os resultados do XII TROFEO VILA DE CANGAS DE ATLETISMO EN PISTA. No computo final das puntuacións IAAF resultaron gañadores en categoría másculina Sergio Rodriguez Teixeira, con 22,08 en 200 m.l. e Marta Gomez Rodriguez co mellor rexistro dos 100 m.l. femininos, 13,18. Agradecer a masiva participación, e por suposto a todo ese público que encheu as gradas.
Este vindeiro domingo 22 de maio vai ter lugar en A Coruña o CAMPIONATO GALEGO BENXAMIN, ALEVIN e INFANTIL por equipos. As categorías benxamín e alevín disputarán as probas en xornada de maña. Por tal motivo vaise dispor dun autobus con saída dende Cangas as 07:45 horas. O mesmo voltará ao rematar a competición, polo se aconsella LEVAR COMIDA. (os pais/nais que queiran apuntarse no bus, deberan facelo polos canles de comunicación do Club– whatsapp- enderezo electronico ou redes sociais). Aconsellase facelo canto antes, especificando o número de adultos por nen@. No caso non existan prazas para tod@s, discriminariase por estricto orde de entrada, ademáis dun adulto por nen@.
A categoría infantil competirá en xornada de tarde. O autobus partirá de Cangas as 13:45 horas. A forma de apuntarse no bus para pais/nais serán da mesma maneira co anterior. Teremos en conta os posibles cambios que poida ter o HORARIO para facer variacións na viaxe. Iremos ampliando a información importante do evento.
Vigo, 14 de maio de 2016
As pistas de Balaidos foron sede do CAMPIONATO PROVINCIAL ESCOLAR ALEVIN . A cita viña acompañada das Probas de Relevos por equipos ademáis do Tetrathlon Infantil. O único factor que desluciu o evento foi a choiva. Na categoría masculina os alevíns acadaron 6 metais, 2 ouros, 2 pratas e 2 bronces. A sección feminina obtivo tres podios, 2 ouros e 1 bronce.
No tocante as probas combinadas para a categoría infantil, o tetrathlon incluía os 80 m.l e valados, peso e lonxitude. Nos homes Jacobo Díaz foi 7º, Gabriel Dacosta 8º, Anxo Camaño 9º e Pedro Verdeal 13º.
As mulleres participantes foron, Ainoa Santos 5ª, Maria Rial 6ª, Colomba Carballal 9ª, Sabela López 11ª e Alba Pardavila 17ª.
ALEVIN MULLERES:
Ante o gran número de inscritos, cousa que nos alegra, pedimos a colaboración de VOLUNTARIOS para o TROFEO VILA DE CANGAS. Imos precisar da vosa inestimable axuda para darlle celeridade a proba o vindeiro martes 17 de maio. A partir das 09:00 horas sería unha boa hora para quedar nas Pistas de Cangas. Esta claro que isto é moi flexible, quen poida vir a outra hora tamén será benvido.
Gustarianos ter unha previsión da xente coa que podemos contar. Polo cal vos pedimos que confirmedes (via whatsapp, nos grupos do Club), ou a través do correo at.viladecangas@gmail.com. Non temos máis que agradecer a participación na proba e por suposto a xente que o fai posible. Contamos con vos, ata o martes!!!
Voltan este domingo 15 de maio as series municipais. As pistas de Balaidos acolleran un programa de probas no que priman as adicadas ás categorías cadete, xuvenil, junior, promesa e senior. De cara a vindeiros Campionatos Galegos será un bo test. Ollando o calendario temos preto o Campionato Galego Cadete, en Ferrol o 4 de xuño. Con mínimas bastante esixentes, por certo.
O concurso de pértega si que vai estar reservado as categorías infantil, cadete e xuvenil. Xa postos tamén temos encargado un pouco de sol para o dómingo.
Este xoves, día 12 de maio, tivo lugar na Fundación Cangas Deporte (Casa da Xuventude de Cangas) a presentación do XII TROFEO VILA DE CANGAS DE ATLETISMO. O acto acudiron Xoan C. Chillón (Presidente-Delegado da Fundación Cangas Deporte) e Mª Carmen Parada (Presidenta do Club Atletismo Vila Cangas)
O evento, que terá lugar este martes 17 de maio no Estadio Municipal de Cangas, trascorrerá en horario de 09.45/13.30 h, e nel participarán preto de 180 atletas.
Na proba competirán deportistas en categoría BENXAMIN – ALEVIN – INFANTIL – CADETE – XUVENIL – JUNIOR – PROMESA – SENIOR – VETERÁN (masculina e feminina), achegados dende diferentes puntos da xeografía galega.
A competición está organizada polo CLUB ATLETISMO VILA DE CANGAS, supervisada pola FEDERACIÓN GALEGA DE ATLETISMO (Vigo) e conta co patrocinio da FUNDACIÓN CANGAS DEPORTE e o CONCELLO DE CANGAS.
Ferrol, 07 de maio de 2016
As pistas de atletismo de A Malata, acolleron o sabado 7 de maio unha longa xornada de probas para puntuar coma equipo. As categorías implicadas eran cadete e junior. Pola nosa parte estiveron os equipos femininos de ambas categorías. Moita participación de equipos galegos que deixou o programa de probas demasiado ateigado.
Vendo o desenrolo do Campionato foi unha pena non poder completar todas as probas. Cambiaría sensiblemente o resultado final coa suma deses puntos. Pero tamén houbo tempo para alegrias. Valería Fernández acadou marca mínima nos 3000 metros marcha para o Campionato de España. No mes de xullo, en Granollers, poderá medirse coas mellores marchadoras do país.
Tamén contamos coa presenza de un par de amarelos que exerceron de filiaís co Celta. Foi o caso de Daniel Calvar e Manel Iglesias. O primeiro completou o relevo máis os valados e o seu compañeiro participou no concurso de xavelina. O remate da xornada propiciou un 7º posto para o equipo cadete e a 4ª posición para o junior. Non se acadou o podio pero, polo visto en Ferrol, non vai tardar en chegar. Fixemos equipo e esperemos que non pare de medrar.
CADETE: 7º posto.- 127 ptos.
JUNIOR: 4ºposto 140.5 ptos.
A categoría benxamín disputará o sábado 21 en Pontevedra o Campionato Provincial Escolar que tamén inclue o Campionato de Probas Combinadas Alevín. No primeiro deles poderán participar os atletas coas 16 mellores marcas dos inscritos, sendo soamente válidas as marcas realizadas nas fases previas. Cada atleta poderá participar nun máximo de 2 probas. No caso de ser carreiras, somentes unha poderá superar os 250m. O relevo COMPUTA como participación. Na categoría alevín a participación é aberta. O número máximo de participantes por entidade e categoría será de 6.
A Delegación de Vigo da FGA acheganos o RANKING ALEVIN das diferentes fases prevías do XOGADE. As 16 mellores marcas por proba poderan disputar o Campionato Provincial que se vai celebrar en Vigo o sábado 14 de maio. Xa esta publicado o LISTADO ADMITIDOS (actualizado).
Debe estar conectado para enviar un comentario.