Cuntis, 06 de decembro de 2015

     O domingo 06 de decembro Cuntis converteuse na Capital Nacional da marcha atletica. As pistas de atletismo de As Canteiras acollían o V CAMPIONATO DE ESPAÑA DE MARCHA PROMOCION  e paralelo a este gran evento tamén se celebrou o G.P. VILA DE CUNTIS MEMORIAL JOSEFINA ROMERO DE MARCHA.  No Campionato de España estivemos representados pola cadete Valeria Fernandez, quen recorreu os 3000 metros nun tempo de 16:38.7- acadando o posto 20 desta categoría.

No G.P. VILA DE CUNTIS MEMORIAL JOSEFINA ROMERO DE MARCHA contamos coa presenza do alevín Denis Fernández, quen rematou en 1ª posición o percorrido dos 1000 metros para a súa categoría. A todo isto hai que engadirlle un tempo de 5:14.7-, polo que obra na web da FGA suporía un novo RECORD GALEGO. 

Bastiagueiro, 22 de novembro de 2015

     As pistas do INEF de Bastiagueiro acolleron o CAMPIONATO DE GALICIA DE MARCHA DE INVERNO. Este pásado domingo foi a primeira toma de contacto dos marchadores co tartán na recente tempada. Tamén se toparon con chuvia e  frio,  máis tiveron que mostrar as pernas. Xa sabedes que na marcha os xeonllos teñen que estar a vista. 

Na proba benxamín feminina Lara Iglesias proclamouse Campiona.  Gema Dacosta foi Subcampiona e as irmans Iris e Nerea Malvido remataron 4ª e 5ª.  Foi a proba con máis amarel@s.  

Na categoría alevín tivemos en mulleres a Nerea Nogueira, que rematou 5ª na carreira de 2000 mts.  Na sección másculina Denis Fernández  acadou con solvencia o Campionato Galego aventaxando en minuto e medio o seguinte clasificado. Iria Nieto conseguiu a medalla de bronce e foi a única representante na categoría infantil feminina.

Para remate Valería Fernández estreouse na categoría cadete acadando o subcampionato galego. Nos resultados situana como cuarta pero as dúas marchadoras anteriores foran dobladas.  As veces non chega con loitar dentro da pista. A todo isto queda inaugurada a páxina atletas destacados 2015/16.

A Coruña, 06 de xuño de 2015

Ten a súa fama ganada a pulso o G.P. Cantones de A Coruña. O mellorciño da marcha dase cita neste evento. De feito esta edición foi testigo dun record do mundo.  Seguro que os marchadores do Vila de Cangas algún día poderan contar que eles tamén estiveron alí. E precisamente non foron de paseo, en iso si que nos teñen mal acostumados. A benxamín,  Lara Iglesias foi segunda na proba de 1 km. Denis Fernández, na categoria alevín rematou 1º cun tempo de 10’35 para completar o percorrido de 2 kms. Jesús Guimerans, nos 3 kms.,  acadou o 5º posto con 20’31. Na categoría infantil feminina participaron Ana Piñeiro que rematou 2ª, con 16’37 e Valería Fernández 4ª con 16’51. Salientar que con estas marcas superaban o seu ranking persoal en ruta.

As marchadoras da categoría Junior repartironse entre os 5kms, onde Esmeralda Corredoira foi 7ª con 28’45. e Mar Chillón que rematou 3ª nos 10 kms cun tempo de 50’51. Mención especial para Liu Hong que foi quen de acadar o RECORD DO MUNDO dos 20 kms. cun rexistro de 1.24.38 millorando o anterior record en posesión da rusa Yelena Yasmánova dende os Xogos Olímpicos de Londres de 2012.

Riomaior (Portugal).-18-04-2015

Importante proba de ámbito internacional que se disputou na localidade portuguesa de Riomaior. Na disputa dos 10 kms. da categoría Junior contamos coa presenza de Mar Chillon que rematou primeira cunha mellor marca persoal de 49:36, acompañada de Esmeralda Corredoira, quen acadou o 11º posto con 58:25.  Parabens para as dúas marchadoras.