Archivo de la etiqueta: PISTA AIRE LIBRE

CAMPIONATO GALEGO DE LANZAMENTOS DE INVERNO (SUB-16 /18)

Publicado el por

Lugo, 17 febreiro 2018

 

     A capital lucense acolleu o I CAMPIONATO GALEGO DE LANZAMENTOS DE INVERNO para as categorias SUB-16 e SUB-18. Ainoa Santos participou no lanzamento de disco (800grs.) e cun lanzamento de 27.41 mts acadou a medalla de BRONCE. No concurso de martelo (4kgs),  Aaron Otero foi 3º con 30.47 e Manuel Otero rematou 8º con 18.31.

RESULTADOS

CAMPIONATO DE GALICIA ABSOLUTO E SUB 20 DE LANZAMENTOS LONGOS DE INVERNO

Publicado el por

     O Centro Galego de Tecnificación Deportiva de Pontevedra, foi o esceario elexido para disputar o CAMPIONATO DE GALICIA ABSOLUTO E SUB 20 DE LANZAMENTOS LONGOS DE INVERNO. Esta competición abrangue os concursos de martelo, disco e xavelina. Na categoría ABSOLUTA feminina participou Raquel Villa, quen rematou 5ª cun mellor lanzamento de 31.28 mts.

     No tocante a sección masculina estivo representada por Manel Iglesias. Lanzou a xavelina ata os 48.77 mts. e acadou o SUBCAMPIONATO GALEGO da  categoría SUB 20, na ABSOLUTA rematou 6º. Salientar que se coloca no Ranking Nacional no posto 7º.

LANZAMENTOS LONGOS E CONTROL DE INVERNO

Publicado el por

     Este sábado 10 de febreiro no Centro Galego de Tecnificación Deportiva de Pontevedra, terá lugar o I CTO. GALICIA JUNIOR – VII ABSOLUTO DE LANZAMENTOS LONGOS. No lanzamento de xavelina participara Manel Iglesias e no concurso de disco Raquel Villa. 

RESULTADOS EN DIRECTO

     No mesmo emplazamento, aproveitando a loxística, vaise celebrar o I CONTROL DE INVERNO S.G. PONTEVEDRA.  Conta co seguinte detalle de probas:

RESULTADOS EN DIRECTO

 

PREVIA CAMPIONATO SUB-23 E SERIES VIGO.

Publicado el por

     Este vindeiro domingo 21 de xaneiro de 2018,  vai ter lugar no Pazo dos Deportes de Riazor o CAMPIONATO DE GALICIA SUB-23 DE PISTA CUBERTA.  A cidade herculina volta un Campionato de Pista Cuberta no que estaremos representados por Raquel Villa, no lanzamento de Peso. Paula Martínez nos 50 m.l. e 50 m.v., Noelia Cousiño en 50 m.l. e pértega. David Lorenzo participará no concurso de pértega.

RESULTADOS EN DIRECTO

     Na mesma data en Vigo esta programada a II XORNADA do III CIRCUITO CONCELLO DE VIGO DE ATLETISMO EN PISTA – SERIES MUNICIPAIS. Será en xornada de maña e co seguinte HORARIO de probas:

 INSCRITOS

RESULTADOS EN DIRECTO

CAMPIONATO GALEGO ABSOLUTO AO AIRE LIBRE

Publicado el por

Pontevedra, 15 de xullo de 2017

 

     Agora si, xa demos remate a tempada. Un sábado moi caluroso, na localidade de Pontevedra, acolleu o CAMPIONATO GALEGO ABSOLUTO AO AIRE LIBRE . O primeiro en saltar a pista foi o xuvenil David Lorenzo, quen acadou a medalla de bronce nos 400 m.v.  máis outro bronce no concurso de pértega. O seu compañeiro de categoria Daniel Calvar progresou a final dos 100 m.l. e na mesma acadou o 8º posto.

     Raquel Villa comezou a súa andaina no Campionato cun 5º posto no lanzamento de disco, logo no concurso de peso proclamouse Subcampiona Galega. Saray Amoedo rematou 3ª no concurso de triple salto.

     Paula Martínez pechou a participación d@s amarel@s no Campionato, participou na final B dos 100 m.l. e acadou o posto 10º. Agora teñen unhas merecidas vacacions, que iso tamén forma parte do adestramento.

PAULA VIAXA A GRANOLLERS

Publicado el por

     A localidade de Granollers vai acoller, os días 8 e 9 de xullo, o CAMPIONATO DE ESPAÑA JUNIOR AO AIRE LIBRE. A atleta junior Paula Martínez  acadou marca para participar nas probas de 100 m.l. e 100 m.v. Con esta participación completa unha tempada notable,  na que tamén conseguira mínima para o Nacional de Pista Cuberta. Agora só nos queda desexarlle unha BOA VIAXE.

INSCRITOS

CAMPIONATO DE ESPAÑA PROMESA AO AIRE LIBRE

Publicado el por

Torrent,  01 de xullo de 2017

 

   A nosa promesa máis prometedora viaxou a Torrent co gallo do CAMPIONATO DE ESPAÑA PROMESA AO AIRE LIBRE.  Non quiso faltar e acadaou a mínima «in extremis». O sabado 1 de xullo, Raquel Villa  disputou a final do lanzamento de peso, na mesma acadou o pase a mellora e rematou en 7º posto cun mellor lanzamento de 12.18 m.

CAMPIONATO DE ESPAÑA CADETE AO AIRE LIBRE

Publicado el por

Murcia, 01 e 02-xullo-2017

     Parece que lle colleron gusto as terras murcianas Ana e Valería. Fai apenás 15 días formaban parte da selección galega que competía en Lorca, e agora a cita era na cidade de Murcia, que acolleu o CAMPIONATO DE ESPAÑA CADETE AO AIRE LIBRE.  O sábado día 1 de xullo estreouse Valeria Rodríguez no Campionato, disputaba o Lanzamento de Martelo. Nesta final lanzou o artefacto ata os 39.37 m., non puido entrar na mellora e rematou no posto 17º.

     Na xornada de maña do domingo foi cando disputou Ana Piñeiro os 3 kms marcha, e anda se os disputou, ata case a derradeira volta andivo no grupo de cabeza. Ao remate foi quinta cun tempo de 15:06.79. Para outro día máis fresco deixará baixar dos 15 minutos. Poñia o punto e final Valeria Rodríguez coa final de lanzamento de peso,  nun concurso bastante discreto que rematou con 10.17 no posto 19º. Nos tiña acostumados a superar os 11 metros, pero cando non sae non hai que facerlle