"Enerxia de Futuro"
2014/15
Soria 14 de xuño de 2015
Terceiro ano consecutivo que se disputa a FINAL DA LIGA DE 2ª DIVISION, por parte do equipo feminino. Este domingo 14 de xuño, en xornada de maña, o Estadio de Los Pajaritos acolleu os oito mellores equipos da segunda división nacional. Os dous primeiros clasificados acadaban o ascenso a primeira división. Non era doado pero alí se plantou batalla ata o final. Non puido ser, a terceira non foi a vencida.
Somos un Club de canteira, enerxia de futuro, pero o presente, día a día, amosanos que todo o que nos propoñamos se conseguirá. Non foi desta pero tamén dicir que xa queda menos. Eso si agradecer o grupo de mulleres o camiño que están labrando para vindeiras xeracións.
A mañan comenzaba co concurso de martelo, Johana Villar alcanzou os 30.05 mts. e sumou dous puntos para o equipo coa 7ª posición. Nos 5 kms. marcha non se puido sumar puntos pola descalificación de Esmeralda Corredoira. A cadete Alba Vidal foi quen de sumar un punto cun 8º posto nos 3000 m.l.
Outra cadete Maria Rodríguez rematou 7ª no salto de lonxitude, cun mellor salto de 4,40 metros. Mª Jesús Novo repetiu o mesmo posto, 7ª, nos 400 m.v.
Noa Rouco acadou 6 puntos o rematar 3ª nos 400 m.l., parecía que se animaba a xornada con outros 6 puntos por parte de Patricia Torres, tamén 3ª no lanzamento de disco. A máis veterán do grupo Marina Caballero continuou coa tendencia nos 800 m.l. rematando 3ª.
Aida Amoedo foi a representante nos 200 m.l., que foron moi reñidos entrando as 5 primeiras no mesmo segundo. Aida rematou 5ª con 26,98. Alexia Vidal saltou 1,55 en altura, acadando a segunda praza. A cadete Ana Fandiño alcanzou en pertega os 2,00 metros, sumando dous puntos máis e rematando 7ª.
As probas de velocidade foron cubertas por Paula Martínez, 5ª nos 100 m.v. e Noelia Graña que foi descalificada nos 100 m.l.
Saray Amoedo no triplo salto alcanzou os 11,17 e rematou 3ª. Iria Piedras correu os 1500 m.l. e acadou o 8º posto. Raquel Villa cun lanzamento de 12,00 mts, foi 2ª no peso. Ainara Rodríguez rematou os 300o metros obstáculos en 6ª posición. O derradeiro concurso individual da xornada nos daba o único primeiro posto, foi Laura Meira no lanzamento de xavelina, con 37, 75 mts.
Quedaban os relevos, o 4×100 composto por Paula Martínez, Alexia Vidal, Noelia Graña e Sara Villar, foi 6º cun tempo de 53,65. O 4×400 formado por Marina Caballero, Aida Amoedo, Mª Jesús Novo e Ana Antepazo, repetiron 6º posto con 4:23.41.
A suma final foi de 72 puntos, rematando en 7º posto. Parabens para o Lucus Caixa Rural Galega e Hinaco Monzon polo ascenso acadado. Nos seguiremos traballando para voltar o ano que ven.
Ferrol, 13 de xuño de 2015
Marchamos de Cangas temprano e chovendo. Pensamos co que iamos atopar en Ferrol sería igual ou peor, pero non foi así. O tempo respetou, as rias altas foron benévolas co Campionato Galego para as categorías menores. Polo demáis xa era bastante logro estar ahí. Eran as 16 mellores marcas por proba. Medio cento de amarel@s acadaron o privilexio de competir nas Pistas da Malata.
Por outro lado foi un importante «test» para o equipo infantil feminino, con 14 representantes, de cara o vindeiro Campionato de España Infantil por Equipos. Dentro dunha semana estarán en Valladolid, por segundo ano consecutivo, encabezando a representación galega.
Polas infantis imos comenzar coas medallas acadadas no Campionato. Ariadna Gil e Valeria Rodriguez conseguiron o doblete nas súas probas. A primeira proclamouse Campiona Galega en 220 m.v. e salto de lonxitude e a súa compañeira en lanzamento de peso e martelo. Ana Piñeiro restou medio minuto a sua marca nos 3 kms marcha, rematando 1ª e baixando dos 16 minutos. Lara Fernández foi Campiona en pértega e bronce en salto de altura compartido con Veronica Nuñez polo empate en 1,37. Ainoa Santos sumou un bronce en disco. As irmans Campos completaron os podiums nesta categoría, Alba Campos foi 1ª en 80 m.v. e Laura Campos subcampiona galega de xavelina.
Na categoría infantil homes acadou o 1º posto en peso Lope Quinteiro.
A categoría alevín estivo presente no podio co primeiro posto de Aaron Otero en peso, o bronce de Pedro Verdeal en salto de lonxitude máis o Campionato Galego en lonxitude para Sara Mallo.
Por ultimo os benxamins sumaron medallas con Ouro e Prata para Eloy Domínguez en lanzamento de pelota e peso. Diego Martínez acadou o bronce no mesmo concurso de pelota.
As mulleres colleitaron dúas pratas, Gema Dacosta en pelota e Lara Iglesias na marcha. Noa Nerga foi bronce en peso.
Clasificacións d@s amarel@s:
Publicouse o LISTADO DEFINITIVO dos atletas admitidos no CAMPIONATO GALEGO BENXAMIN-ALEVIN E INFANTIL. Na CIRCULAR podedes consultar os detalles da competición.
A Coruña 07 de xuño de 2015
Longa xornada de competición nas Pistas da Universidade de A Coruña. O Campus de Elviña acolleu o CAMPIONATO GALEGO XUVENIL-JUNIOR E PROMESA PISTA A.L. Coas derradeiras luces dun longo e caluroso domingo de xuño rematou o Campionato cun saldo moi positivo, tanto en medallas como en marcas. Acadaronse 19 metais, 5 de ouro, 8 de prata e 6 de bronce. No tocante os rexistros, Laura Meira en xavelina alcanzou os 44,02 mts. e Pablo Castro lanzou o peso ata os 15,86 mts. Ambos pasan o 2º e 3º posto do ranking nacional. A seguinte parada para as mulleres sera Soria, o vindeiro 14 de xuño na final da Liga de 2ª división.
HOMES
Xuvenil
Junior
Promesa
MULLERES
Xuvenil
Junior
Promesa
A Coruña, 06 de xuño de 2015
Ten a súa fama ganada a pulso o G.P. Cantones de A Coruña. O mellorciño da marcha dase cita neste evento. De feito esta edición foi testigo dun record do mundo. Seguro que os marchadores do Vila de Cangas algún día poderan contar que eles tamén estiveron alí. E precisamente non foron de paseo, en iso si que nos teñen mal acostumados. A benxamín, Lara Iglesias foi segunda na proba de 1 km. Denis Fernández, na categoria alevín rematou 1º cun tempo de 10’35 para completar o percorrido de 2 kms. Jesús Guimerans, nos 3 kms., acadou o 5º posto con 20’31. Na categoría infantil feminina participaron Ana Piñeiro que rematou 2ª, con 16’37 e Valería Fernández 4ª con 16’51. Salientar que con estas marcas superaban o seu ranking persoal en ruta.
As marchadoras da categoría Junior repartironse entre os 5kms, onde Esmeralda Corredoira foi 7ª con 28’45. e Mar Chillón que rematou 3ª nos 10 kms cun tempo de 50’51. Mención especial para Liu Hong que foi quen de acadar o RECORD DO MUNDO dos 20 kms. cun rexistro de 1.24.38 millorando o anterior record en posesión da rusa Yelena Yasmánova dende os Xogos Olímpicos de Londres de 2012.
Este sábado 6 de xuño na cidade herculina terá lugar o XXIX GRAN PREMIO CANTONES DE A CORUÑA. CIRCUITO JOSEFINA ROMERO co seguinte HORARIO. Ali tamén estarán os marchadores do Vila de Cangas. Moita sorte a tod@s. Podedes consultar os resultados en directo neste enlace: http://www.atletismogalego.com/FICHEROJOSEFINA/index.html
O domingo celebrarase o autonómico da categorías xuvenil, júnior e promesa, nas instalacións da Universidade da Coruña, onde se prevé unha gran competición e os atletas trataran de conseguir marca minima para os campionatos nacionais. Podedes consultar os resultados en directo neste enlace: http://www.atletismogalego.com/FICHEROS%20CORUNA/index.html
Este domingo, día 7 de xuño, terá lugar unha nova edición do CROSS POPULAR CEIP. SAN ROQUE, evento organizado pola ANPA. San Roque e que conta coa colaboración do Club Atletismo Vila de Cangas, a Fundación Cangas Deporte e o Concello de Cangas.
O evento, que terá lugar nos arredores do Colexio San Roque (Darbo), trascorrerá en horario de 10.30/13.00 h, e nel prevese a participación de máis de 350 atletas, achegados dende diferentes localidades e centros escolares da Comarca do Morrazo.
As categorías (masculina e feminina) serán: PITUFOS / PREBENXAMÍN / BENXAMÍN / ALEVÍN / INFANTIL / CADETE / POPULAR
Para unha información máis detallada: 650 689 741 (Mari Parcero – presidenta)
Dous atletas do Club conseguiron entrar na SELECCIÓN GALEGA PARA O CAMPIONATO DE ESPAÑA CSD EN PISTA. Saray Amoedo foi seleccionada para o triple salto e David Lorenzo para a pértega. Veñen de quedar Campions Galegos nas correspondentes disciplinas e o vindeiro 20 e 21 de xuño desplazaranse a Alcobendas para representar a Galicia. Moita sorte e PARABENS polos logros acadados.
Debe estar conectado para enviar un comentario.