Archivo de la categoría: General

CAMPIONATO GALEGO DE MARATON

Publicado el por

A Coruña, 15 de abril de 2018

     Este pasado domingo, 15 de abril, tivo lugar en A Coruña a VII MARATON ATLANTICA sendo o CAMPIONATO GALEGO desta mítica distancia. Na gran festa do fondo galego non faltou Mª Belen Lemat, que rematou en 4:08.40 o percorrido e proclamouse CAMPIOA GALEGA na categoria MASTER 50. Outra merecida premiación que suma ao seu envexable curriculum.

REUNION ATLETAS MARTES 17

Publicado el por

     O vindeiro martes 17 de abril as 19:00 horas estan convocados @s atletas das categorias SUB-16, SUB 18 e SUB 20, sección masculina e feminina. A xuntanza será no Estadio de atletismo e tratáranse diversos temas, entre eles a posibilidade de formar equipos para os Campionatos Galegos das categorías implicadas.

ACTIVIDADE ATLETICA DA FIN DE SEMANA

Publicado el por

     Esta vindeira fin de semana o programa XOGADE volta a Pontevedra. Concretamente o CGTD acollerá ao longo  do sábado 14 de abril duas xornadas . Pola maña será a xornada SUB 10 e SUB 12, deixando para a tarde a categoria SUB 14. Lembrar que nas xornadas de Pontevedra non temos dereito a autobús. 

RESULTADOS EN DIRECTO

RESULTADOS EN DIRECTO

     Nas pistas de Balaidos vaise disputar a III XORNADA DO CIRCUITO DO CONCELLO DE VIGO, achegamos o HORARIO e INSCRITOS para a xornada do domingo 15.

HORARIO SERIES VIGO

RESULTADOS EN DIRECTO

CAMPIONATO GALEGO DE MILLA E KILOMETRO.

Publicado el por

Santiago, 08 de abril de 2018

     Disputouse este pasado domingo 08 de abril, en Santiago, o CAMPIONATO GALEGO DE MILLA E KILOMETRO EN RUTA. Os grandes especialistas do medio fondo galego acudían ao circuito compostelan para voar na milla urbana, que se complementou co percorrido de 1km nas categorías de SUB- 10, 12, 14 e 16. Nesta distancia foi onde contamos coa presenza de varios atletas. Hugo Collazo rematou 2º na carreira dos SUB 10, cun tempo de 3:50 nos 1000 m. Na carreira feminina Sabela Castelo proclamouse CAMPIOA GALEGA na distancia cun tempo de 3:41. Hugo Domínguez rematou 10º na proba da categoría SUB 12, empregou 3:46 en facer o percorrido. Finalmente na categoría SUB 16, Lope Quinteiro foi 2º, nun apretado final que se solventou polas decimas de segundo.

      Na mesma data, en Pontevedra, tivo lugar o II TROFEO DE MARCHA ATLETICA EN PISTA. Candela Castro acadou o 1º posto na proba de 1000 m. SUB-10. Na seguinte categoría SUB-12 aumentaba o percorrido ata os 2000 m., rematando Lara Iglesias 1ª, Iris Malvido 2ª e Nerea Malvido 4ª. Carlos Corredoira foi 6º na proba masculina. Rocio Novas acadou o 7º posto na categoría SUB-14. Ana Piñeiro liderou a proba dos 3000 m., e coa marca acadada supon MARCA MINIMA para o Campionato de España ao Aire Libre.

COMEZA O XOGADE DE PISTA AO AIRE LIBRE

Publicado el por

     Esta vindeira fin de semana dará comezo o programa XOGADE de Atletismo en Pista ao Aire Libre. As sedes das diferentes xornadas serán Vigo e Pontevedra. De cara a categoría SUB-14 teñen a primeira xornada, o sábado 7 de abril,  nas pistas do CGTD de Pontevedra.

RESULTADOS EN DIRECTO

     Lembrar que no tocante ao transporte escolar, que sufraga os desprazamentos, só nos incluen as xornadas de Vigo. Nas pistas de Balaidos tendrá lugar a primeira xornada para as categorías SUB-10 e 12, o domingo 8 de abril. Neste caso, sairá o autobus da estación de Cangas as 08:30 horas.

RESULTADOS EN DIRECTO

CAMPIONATO ESPAÑA SUB-16 PISTA CUBERTA

Publicado el por

Sabadell, 17 e 18 de marzo de 2018

 

     Tiñamos confianza na participación de Lope Quinteiro no CAMPIONATO ESPAÑA SUB-16 PISTA CUBERTA. Partía coa segunda marca do ranking nacional nos 1000 m.l. e na final do concurso de peso loitaría cos mellores cadetes de España. O sábado disputou a semifinal dos 1000 m.l. e clasificouse coma primeiro da sua serie, ollo ao paso polos catrocentos en 59 s., unha aposta arriscada que lle deu o paso a final en 2:40. Tras este primeiro e importante trámite quedaban as finais para o domingo.  Na final dos 1000 m.l. Lope Quinteiro rematou en 2:39.09, a súa mellor marca, medalla de prata e SUBCAMPION DE ESPAÑA. Iso si que é unha virtude, facer a mellor marca na final do Campionato de España.

      Evidentemente este logro eclipsou a particiapción na final de peso, onde rematou no posto 11º, cun lanzamento de 12.89. Agardamos disfrute destes intres de ledicia e intuimos que nos deixará máis tardes de gloria. NORABOA, coma dirían os teus contemporaneos «eres el p**o amo».

LOPE VIAXA A SABADELL

Publicado el por

 

     A pista cuberta Josep Molins de Sabadell acollerá esta fin de semana o CAMPIONATO DE ESPAÑA SUB-16 DE PISTA CUBERTA. Supón o peche das competicións baixo cuberta a nivel nacional. En excelente estado de forma física e mental vai acudir Lope Quinteiro. Coa filosofía de nada que perder e moito que gañar, disputará as probas de 1000 m.l. e lanzamento de peso. Un atleta polivalente que corre os 1000 en 2:40 e lanza a bola ata os 13,50 mts. Estaremos seguindo de preto a sua evolución no Campionato, máis desexarlle boa viaxe e un chisco de sorte.

CROSS ESCOLAR CEIP A RUA

Publicado el por

     O pasado 11 de marzo non se puido celebrar o IX CROSS ESCOLAR DE A RUA.  A data, por inclemencias metereolóxicas, foi cambiada para o vindeiro domingo 18 de marzo. A partir das 10:30 horas terán lugar as diferentes probas. Indicamos a orde das mesmas:

     Tamén achegamos información do ANPA de A RUA sobre as inscricións:

«Non se aceptan novas inscricións a non ser que se den anulacións nas inscricións xa feitas. A orde de sustitución dos participantes será por rigurosa orde de recepción de resposta no mail anpaarua@gmail.com a contar dende o mércores 14 ás 09:00.
O día do Cross se faltase algún dos inscritos pódese cubrir a súa praza cos rapaces da mesma categoría que viñesen a carreira sen estar inscritos.»

CAMPIONATO GALEGO SUB-16 PISTA CUBERTA

Publicado el por

Ourense, 10 de marzo de 2018

     A pista de Expourense deu conta do peche da tempada indoor en Galicia. A prometedora categoría dos SUB 16 tivo a oportunidade de coñecer as virtudes destas instalacións. En xornada de tarde disputaronse as probas do CAMPIONATO GALEGO SUB-16 PISTA CUBERTA, no que participaron 11 amarel@s. Ainoa Santos estreouse no lanzamento de peso, con 10.16 foi 4ª a poucos centimetros do bronce. Maria Rial non progresou a semifinal de 60 m.l. con 8.87, pero si concursou na final de triple salto, onde rematou 6ª con 9.77. Ana Cerqueiro e Noelia Villaverde, si que obtiveron o pase a semifinal de 60 m.l. con tempos de 8.61 e 8.66 respectivamente. Non puideron pasar a final, Noelia Villaverde foi 6ª e Ana Cerqueiro 8ª en sendas semifinais.

     Adan Dacosta tamén pasou a primeira rolda dos 60 m.l. e caeu na semifinal despois de acadar o 6º posto. Sabela López foi 4ª no concurso de salto de pértega, chegando ata 2.17. Ainda que empatou coa terceira, un salto nulo sobre 2.17 privouna de subir ao podio. Iván Iglesias disputou a final dos 600 m.l. rematando en 13º posto cun tempo de 1:42.81. O concurso de lanzamento de peso masculino acaparou a nosa atención coa participación de tres amarelos. Lope Quinteiro proclamouse CAMPION GALEGO con 13.44, Aaron Otero foi 4º con 12.10 e Manuel Otero foi 12º con 9.19. Voltaría a vencer na proba dos 1000 m.l. Lope Quinteiro parando o crono en 2:40.24. Este excelente tempo o situa coma o segundo no Ranking Nacional nesta distancia. Despois deste subidón quedaba a proba dos 60 m.v., onde Colomba Carballal rematou 6ª na semifinal, polo cal non puido progresar a final.

RESULTADOS