Archivo de la categoría: 2016-17

CAMPIONATO GALEGO XUVENIL E JUNIOR DE PISTA CUBERTA

Publicado el por

A Coruña, 25  de febreiro de 2017

 

     O Pazo dos deportes de Riazor acolleu,  durante toda a xornada do sábado de entroido, o CAMPIONATO GALEGO XUVENIL E JUNIOR DE PISTA CUBERTA. Estreou a competición Paula Martínez, pasando coma primeira da súa serie de 50 m.l. da categoría JUNIOR. O tempo que empleou foi 7.04. Na final desta proba acadou a medalla de PRATA nunha chegada moi reñida, xa que entraron tres atletas en 7.03. O representante na velocidade masculina foi Dani Armada, quen a pesar de liderar a súa serie con 6.47, non obtivo o pase a final dos 50 m.l. da categoría XUVENIL.

     O concurso de pértega supuso o SUBCAMPIONATO para Dani Calvar (3,32) e o BRONCE para David Lorenzo (3,17). Na proba dos 400 m.l. XUVENIL participou María Rodríguez, rematando 3ª na serie con  1:07.96, non pasando a final con este tempo. Raúl Barreiro acadou o 7º posto na final do concurso de peso, cun mellor lanzamento de 9,73.

     Dani Calvar acadou o pase a final dos 200 m.l. XUVENIL, rematou na mesma en 4º posto. David Lorenzo tamén pasou a final XUVENIL dos 400 m.l., obtendo o SUBCAMPIONATO ao remate da mesma cun tempo de 54.10. Pechou a participación d@s amarel@s Paula Martinez que rematou CAMPIONA GALEGA JUNIOR nos 50 m.v. cun tempo de 8.09.

RESULTADOS

INFORMACION CAMPIONATO DE GALICIA XUVENIL-JUNIOR PISTA CUBERTA

Publicado el por

     O vindeiro sábado 25 de febreiro,  o Pazo dos Deportes de Riazor vai acoller o CAMPIONATO DE GALICIA XUVENIL-JUNIOR PISTA CUBERTA. Xa estan publicadas as LISTAS DE SAIDA e o HORARIO modificado da proba. Seguiremos atentamente a evolución d@s amarel@s na Pista Cuberta.

RESULTADOS EN DIRECTO

CAMPIONATO GALEGO DE MARCHA EN RUTA

Publicado el por

A Pobra do Caramiñal, 12 de febreiro de 2017

 

     Outro ano máis a localidade de A Pobra do Caramiñal acollía o CAMPIONATO GALEGO DE MARCHA EN RUTA.  As condicions climáticas non acompañaron, foi unha mañá de vento, fria e con continuos chuvascos.  A proba da categoría alevín, cun percorrido de 2kms, realizouse de maneira conxunta, mulleres e homes. As irmans Iris e Nerea Malvido remataron 5ª e 6ª respectivamente. Lara Iglesias resultou descalificada polos xuices.

     Na carreira infantil, cun percorrido de 3kms, resultou vencedor Denis Fernández, nun tempo de 16:41. Rocio Novas acadou o posto 17ª da clasificación feminina. Repetiu victoria Ana Piñeiro nos 5 kms da proba cadete, parando o crono en 27:04. A sua compañeira Valeria Fernández rematou no posto 6º, cun tempo de 29:43.

     Na carreira de 10 kms, participou a promesa Esmeralda Corredoira, quen non puido rematar ao ser descalificada.

RESULTADOS

CAMPIONATO PROVINCIAL ESCOLAR DE CROSS

Publicado el por

San Miguel de Oia, 12/02/2017

 

     A localidade viguesa de San Miguel de Oia acolleu  o domingo 12 o CAMPIONATO PROVINCIAL ESCOLAR DE CROSS. Moita participación nun Campionato no que se amosaron os ingredientes do Cross, choiva, lama, frio…

     As cadetes mulleres comezaron o Campionato acadando un 6º posto (71 ptos.), con Sabela López 24ª, Sandra Souto 27ª, Valería Rodriguez 30ª e Alba Pardavila 39ª. Os homes tamén foron sextos por equipos, sumando 44 ptos., aportados por Lope Quinteiro 6º, Aaron Domínguez 27º, Anxo Camaño 31º, Gabriel Dacosta 44º e Manuel Otero 54º. Rematou a participación dos equipos cadetes nesta competición do programa XOGADE, de maneira individual obtivo o pase Lope Quinteiro para o Campionato Galego.

     Na categoría infantil participabamos con sendos equipos tanto en mulleres coma en homes. O equipo feminino VILA A composto por Sara Mallo 6ª, Nuria Argibay 34ª e Abril Entenza 48ª, non puido sumar o non computar catro atletas. No equipo VILA B, sumaron un 8º posto (152 ptos.) con Anais Santamarina 35ª, Blanca Piñeiro 50ª, Carmen Castro 52ª, Ana Cerqueira 72ª i Erea Bastón 75ª. Do mesmo xeito rematan os equipos a participación no XOGADE, coa salvedade do pase individual de Sara Mallo. Compre reseñar que a partir desta categoría deixaron de premiar aos equipos, alegando problemas cos dorsaís.

     O equipo masculino VILA A, rematou 4º (72 ptos.) acadados por Joel Curro 13º, Jacobo Díaz 15º, Ivan Iglesias 21º, Aaron Otero 39º, Adan Dacosta 50º e Daniel Quinteiro 54º. Os seus compañeiros do VILA B, acadaron o posto 13º, con Miguel Núñez 63º, Anton Núñez 68º, Javier Santos 76º, Rubén Medraño 77º, Mario Santos 78º e Jairo Parcero 79º.

     Na categoría alevín, o equipo femenino composto por Agata Rodríguez 2ª, Lucia Gil 12ª, Carmen Fraga 13ª, Sara Nerga 20ª, Cristina Taboada 22ª e Uxia Sánchez 25ª, acadaron 22 ptos, proclamándose CAMPIOAS PROVINCIAIS.   Os homes tamén acadaron a clasificación para o Cto. Galego, obtendo o Subcampionato Provincial, con 58 ptos, nun apretado empate cos primeiros. Raul Rial foi 4º, Yago Juncal 17º, Sergio Valladares 23º, Manuel Lemos 48º, Rubén Lemos 60º e Carlos Corredoira 93º.

     Pechaban o Provincial as carreiras da categoría benxamín. O equipo feminino conseguiu a victoria, sumando 27 ptos. Leire Fonseca foi 6ª, Leire Brun 7ª, Candela Castro 9ª, Alba Del Valle 17ª e Sabela Domínguez 37ª. Na proba masculina Hugo Domínguez rematou no posto 51º.

RESULTADOS

CAMPIONATO GALEGO CADETE E XUVENIL DE LANZAMENTOS

Publicado el por

Pontevedra, 11 de febreiro de 2017

 

     Celebrouse en Pontevedra o CAMPIONATO GALEGO CADETE E XUVENIL DE LANZAMENTOS LONGOS. O programa de probas ocuparía toda a xornada do sábado. Pola mañá competiron Valeria Rodríguez, en martelo, acadando o 6º posto cun lanzamento de 32,03 mts. No concurso de lanzamento de disco participaba outra cadete, Ainoa Santos, rematando subcampioa galega da especialidade. Mandou o disco ata os 29,61 mts.

     A xornada de tarde deparou para Manel Iglesias unha marca de 50,31 mts no lanzamento de xavelina. Preto dos 50,50 que supoñen a mínima para o Cto. de España. Con este lanzamento lidera o ranking galego e proclamouse Campión Galego Xuvenil de lanzamento de xavelina.

 RESULTADOS

COMPETICIONS DA FIN DE SEMANA

Publicado el por

     A actividade atlética da fin de semana concentrase no domingo 12 de febreiro. Duas importantes probas do calendario coinciden no tempo pero non no espazo.  O CAMPIONATO PROVINCIAL DE CAMPO A TRAVES terá lugar en San Miguel de Oia, a dirección exacta Circuíto Loureiro – Camiño da Verdella – San Miguel de Oia (Vigo). Este Campionato, continuación do Zonal, servira coma pase ao Campionato Galego (alevín, infantil e cadete) clasificaranse os 2 mellores equipos de cada fase provincial, así como os 8 primeiros atletas clasificados individualmente que non estiveran incluídos nos equipos clasificados. O autobus saira da Estación de Cangas as 08:00 horas.

     Os atletas convocados para o PROVINCIAL son:

  • BENXAMIN MULLERES.-  Goretti Carballal- Candela Castro- Alba Del Valle – Sabela Domínguez- Leire Fonseca- Leire Brun.
  • BENXAMIN HOMES.-  Hugo Domínguez
  • ALEVIN MULLERES.-  Agata Rodríguez- Lucia Gil- Sara Nerga – Carmen Fraga- Cristina Taboada- Uxia Sánchez.
  • ALEVIN HOMES.-  Carlos López- Raúl Rial- Sergio Valladares- Manuel Lemos- Carlos Corredoira – Yago Juncal.
  • INFANTIL MULLERES.- Sara Mallo- Angela Fraga- Abril Entenza- Nuria Argibay- Irene Ruiz – Ana Cerqueira-  Anais Santamarina- Carmén Castro – Blanca Piñeiro- Erea Bastón-Nerea Piñeiro.
  • INFANTIL HOMES.-  Aaron Otero- Joel curro- Iván Iglesias- Daniel Quinteiro- Carlos Portela- Adán Dacosta – Miguel Núñez  -Rubén Medraño- Jairo Parcero- Antón Núñez- Javier Rodal  -Mario Santos – Jacobo Díaz.
  • CADETES HOMES.- Lope Quinteiro-  Aaron Domínguez- Alex Iglesias- Gabriel Dacosta- Anxo Camaño- Manuel Otero.
  • CADETES MULLERES.-  Sabela López- Sandra Souto-Ines Pardavila-Naiara Villar -Alba Pardavila-Noelia Villaverde.

     PREGASE comunicar calquera incidencia que impida acudir ao Campionato, co fin de confeccionar os EQUIPOS.

PLANO LOCALIZACION

CIRCUITOS E HORARIO

     A mesma mañá de domingo, disputarase en a Pobra do Carmiñal o CAMPIONATO GALEGO DE MARCHA EN RUTA. No REGULAMENTO da proba detallanse os pormenores do Campionato. @s amarel@s que acudiran a esta importante cita son Esmeralda Corredoira, Ana Piñeiro, Valeria Fernández, Denis Fernández, Rocio Novas, Lara Iglesias, Iris Malvido, Gema Dacosta e Nerea Malvido.

     O sábado 11, en NOVO HORARIO pola mañá, no estadio do CGTD de Pontevedra vaise disputar a I Xornada do Circuíto de Atletismo en Pista de Pontevedra. Tamén imos ter unha ampla representación. HORARIO DEFINITIVO

     No mesmo estadio tera lugar o CAMPIONATO GALEGO DE LANZAMENTOS DE INVERNO CADETE-XUVENIL. Duas cadetes tomaran parte, Valeria Rodríguez en martelo e Ainoa Santos en disco. HORARIO – RESULTADOS EN DIRECTO

  • Daniel Calvar.- 60 m.l. e 400 m.l
  • Daniel Armada.- 60 m.l. 
  • David Lorenzo.- 400 m.l.
  • Paula Martínez.- 60 m.l.
  • Ariadna Gil.- 60 m.l. e 60 m.v.
  • Colomba Carballal.- 60 m.v.
  • Noelia Villaverde.- 60 m.l.
  • Irene Menéndez.– 60 m.l.
  • Ines Villamor.– 60 m.l.
  • María Rodríguez.- 400 m.l.
  • Iria Rodriguez.- 400 m.l.
  • Lope Quinteiro.- 600 m.l.
  • Alex Iglesias.- 600 m.l.
  • María Rial.– 60 m.l.
  • Ainoa Santos.– 60m.l.
  • Anxo Camaño.– 60 m.l. e 600 m.l.

MEMORIAL ALEJANDRO LORENZO-CTO. GALEGO CROSS CURTO

Publicado el por

A Baña, 05 de febreiro de 2017

     Estreabase emplazamento para o MEMORIAL ALEJANDRO LORENZO-CTO. GALEGO CROSS CURTO. Na localidade de A Baña estivemos coas categorías inferiores no Memorial máis cos cadetes masculinos no autonómico de Cross Curto. O terreo do circuito estaba ben tralo paso das borrascas destes días, iso si, era esixente e dos que hai que correr con cabeciña. A orde das carreiras estivo disposta de menor a maior categoría.

     Así as benxamins feminas deron comezo ao Memorial, encabezadas por Leire Fonseca, 10ª, Leire Brun 12ª, Candela Castro 15ª, Sabela Domínguez 18ª e Nerea Rial 33ª. O esforzo do equipo permitiu sumar 28 puntos e acadar a medalla de BRONCE. No tocante os homes, sobre o mesmo percorrido de 800 metros, participou Hugo Domínguez, que rematou 11º.

      Na categoría alevin o percorrido das mulleres era de 1400 metros e supoñia unha volta grande. Todo o sufrimento tivo recompensa cun 1º posto por equipos, no que interviron Lucia Gil, 8ª, Iris Malvido, 15ª, Lara Iglesias, 16ª, Sara Nerga, 17ª, Cristina Taboada, 18ª, Uxia Sánchez, 23ª, Noa Nerga, 32ª, Gema Dacosta, 33ª, Nerea Malvido, 42ª e Carmen González ,49ª.

     Os homes sumaronse a festa acadando o subcampionato, con 28 puntos, aportados por Raúl Rial, 6º, Carlos López, 9º, Yago Juncal, 17º, Carlos Corredoira, 22º, Manuel Lemos, 23º, Ruben Lemos, 34º e Diego Martínez, 43º.

     O equipo infantil feminino estivo preto do podio, con 68 puntos rematou en 4º posto. As integrantes do mesmo foron Sara Mallo, 8ª, Abril Entenza, 26ª, Nuria Argibay, 28ª, Irene Rúiz, 39ª, Nerea Piñeiro, 51ª, e Ana Cerqueira, 57ª.

     O percorrido máis longo do Memorial estaba reservado para a carreira infantil masculina. Un total de 2450 metros que remataron Iván Iglesias, 14º, Denis Fernández, 17º,  Aaron Otero, 19º, Daniel Quinteiro, 20º, Adan Dacosta, 25º, Carlos Portela, 28º, Miguel Núñez, 35º e Jairo Parcero, 45º. A suma de 45 puntos supuso a medalla de BRONCE.

     Para a categoría cadete masculina o percorrido supoñia 3500 metros. Foi a nosa representación no CAMPIONATO GALEGO CADETE DE CROSS, integrado por Lope Quinteiro, 14º, Alex Iglesias, 48º, Aaron Domínguez, 51º, Anxo Camaño, 56º, Gabriel Dacosta, 71º, Daniel iglesias, 78º e Manuel Otero 79º.  A suma do equipo levounos ao 8º posto.

CAMPIONATO GALEGO PROMESA E ABSOLUTO PISTA CUBERTA

Publicado el por

A Coruña, 04 de febreiro de 2017

     O Palacio dos Deportes de Riazor fixo frente ao temporal e acolleu o CAMPIONATO GALEGO PROMESA E ABSOLUTO PISTA CUBERTA. Os primeiros en estrear a participación d@s amarel@s foron os atletas do 200 m.l., neste caso, o xuvenil Daniel Calvar, quen obtivo o pase a final cun tempo de 24.14. Outro xuvenil participaba na semifinal de 400 m.l., David Lorenzo remataba en 53.52 sen acadar praza na final. A junior Paula Martínez liderou a súa serie con 8.06 na semifinal, pero o tempo de corte para a final foi inferior a este. O mesmo lle pasou a Daniel Armada, quen rematou en 6.40 os 50 m.l. , sendo o tempo de pase sensiblemente inferior. Daniel Calvar sería descalificado na final dos 200 m.l., o motivo pisar fora da sua calle.

     A que si obtivo recompensa foi Raquel Villa, que rematou Campioa Galega Promesa en Peso. Cun mellor lanzamento de 11.63 rematou 2ª no concurso absoluto.