O vindeiro luns 10 de setembro volverán ós adestramentos as categorías menores. Os maiores xa levan uns días adestrándose debido ós campionatos galegos por equipos sinalados para estes sábado día 8 de setembro.
Igualmente, poñemos en coñecemento de todos os socios que xa se pode pagar a cota para a tempada 2012/2013.
Como sabedes, na asemblea da tempada anterior, acordouse que cada ano se lle aplicaría a cota de 50 euros a subida do IPC. Pois ben, no día de hoxe, a subida do IPC interanual que está en vigor é a do mes de xullo, sendo esta dun 2’2%.
Con todo isto, a cota a pagar esta tempada 2012/2013 será de 51’10 €.

O Club Atletismo Vila de Cangas participará o 8 de setembro con un equipo cadete e outro xuvenil-xunior, ambos femininos, no campionato galego destas categorías que se disputará no Barco de Valdeorras.
Xunto có Vila de Cangas , loitarán por subir o podio na categoría cadete os clubs seguintes: Atletismo Morrazo, Riazor Comarca, Cuntis e Lucus.
Na categoría xuvenil-xunior competirán có Vila de Cangas o Celta, o ADAS e o Lucus.
O campionato transcorrerá en xornada de mañá e tarde. Empezará coas probas de marche e martelo pola mañá e rematará pasadas as sete e media da tarde coa proba dos relevos.
Circular 50-2012
Circular 51-2012

Como todos sabedes, no pasado mes de xullo celebráronse eleccións para a presidencia do noso Club. Presentouse unha única candidatura, quedando a directiva que nos representará no próximos catro anos como segue:
PRESIDENTA: MARIA CARMEN PARADA MARTÍNEZ
VICEPRESIDENTA: AMPARO AUGUSTO MAGARIÑOS
SECRETARIO: ÓSCAR GIL
VICESACRETARIO: JOSÉ OBENZA DE SAA
TESOUREIRO: CARLOS BERNÁRDEZ PIÑEIRO
VICETESOUREIRA: EMMA HERBELLO MENDUIÑA
DELEGADOS: ISAURA PARDAVILA ALONSO
ESTHER PRIETO VIDAL
MÓNICA CABIRTA GUTIÉRREZ
VOCAIS: PARTORA FERNANDEZ SOTELO
ELISA RIOS GONZÁLEZ
ANA MARIA MÉNDEZ
MARIA CARMEN SOLIÑO

PILAR RODAS TRONCOSO

JOSE CALVAR VILLAR.

No día de hoxe, deuse por finalizada a Escola de Atletismo de Verán do 2012. Nela participaron cerca de medio centenar de rapaces que se divertían xogando ó atletismo os martes de xoves de cada semana.
Hoxe a programación foi, si cabe, algo máis lúdica cós demais días e rematou despedindo a estes futuros atletas con agasallos por parte do Club Atletismo Vila de Cangas e un forte aplauso, tanto para eles como para os seus monitores Mónica e Dani.
Agora tomarán un merecido descanso e moitos deles volverán a adestrar o 10 de setembro, data na que volven ós adestramentos as categorías menores a fin de preparar a vindeira tempada 2012/2013.

Os días 30 de Xuño e 1 de Xullo celebrouse en Castellón o Campionato de España Individual categoría Cadete de Aire libre, no que participaban tres das nosas atletas: Alexia Vidal en salto de altura, Noa Rouco nos 300 metros lisos e Sara Villar nos 100 metros valados.
A primeira en participar foi Noa, que o sábado pola mañá correu a súa semifinal dos 300 metros lisos en 43:24 s. quedando sexta da súa serie e achegándose así a súa mellor marca da tempada.
Pola tarde tocáballe o turno a Sara e Alexia.
Sara abría a actuación do noso equipo pola tarde, correndo a súa eliminatoria dos 100 metros valados, na que quedou octava da súa serie e obtivo unha marca de 17:03 s.
Pouco despois, Alexia iniciaba o salto de altura pasando con facilidade o 1.49, altura na que se quedaba finalmente e que lle levaba a obter unha boa decimosegunda posición na clasificación xeral.
En resumo, unha boa actuación das nosas atletas, noraboa!

TOLEDO, 21 DE XULLO DE 2012

As altas temperaturas da víspera 40º, tiñanos preocupados pola falta de aclimatación, pero por sorte o sábado non pasaron dos 37º e a noitiña refrescou un pouco o que permitiu unha boa actuación de Rebeca Obenza Otero, no Campionato de España,na proba de 10km marcha, acadou o 5º posto, igualando o posto do ano pasado, a pesar da noite a iluminción da pista era moi boa,
Parece que a Rebeca lle gustan as carreiras nocturnas, ao lograr nesta carreira a súa mellor marca no 10km en pista,56:15:07
A pouco de inciada a proba apagaronse tres das catro torres de iluminacións, o apagon durou apenas uns segundos, o publico quedou na pista hasta o remate da proba. Durante a proba disfrutamos da marca de 8,31m. de Eusebio Caceres en salto de lonxitude, acadada no seu derradeiro intento
Nas primeiras voltas comenzamos a preocuparnos ao ver como as paletas amarelas, avisos de faltas, inundaban a pista, duas atletas descalificadas, e todas as participantes con unha ou duas faltas. No segundo km unhas molesitas no tobillo, fixeron que RBK baixase de ritmo e que o grupo no que estaba acadase metros de ventaxa, a partir do km 5, desapareceron as molestias e pouco a pouco foi recuperando o terreo perdido logrando remontar postos hasta acadar o 5 posto a falta de tres voltas. Os xuices despistaronse un pouco ao contar as voltas.
As compañeiras de expedición do Celta deronlle a RBK o titulo de «Marehadora nocturna»

Aranjuez, 7-8 xullo 2012

Destacada actuación dos atletas do C. Vila de Cangas na participación do noso clube no Campeonato de España Categoría Xuvenil celebrado este pasado fin de semana en Aranjuez, Madrid.
Na xornada do sábado tarde, con temperaturas entre 30 e 35 graos, magnífico resultado de Aida Amoedo clasificándose para a final do domingo na proba de 400 metros lisos co cuarto mellor tempo das participantes, 58»79 e mellor marca persoal. Tinín Maquieira non puido competir nas semifinais desta mesma proba por unhas molestias nos isquios, que esperamos que non sexan demasiado graves. Nuns intres despois, comezaría a proba de peso masculino, onte o noso atleta Pablo Castro acudía en gran estado de forma, tras igualar fai pouco en Vigo o récord galego da categoría con 16.29m. Finalmente, Pablo conseguiu un meritorio cuarto posto cun mellor lanzamento de 15.88 metros.
Na xornada do domingo pola mañá, ben cedo nos desprazamos á pista. Ás 10.20 daríase á saída aos 5km marcha femininos, onde competiría Mar Chillón, que posuía unha das mellores marcas na proba do ano. O calor xa apretaba ben forte a esas horas. Ao remate da proba, Mar non puido conseguir máis que o bronce cun tempo de 24 minutos e 59 segundos, quedando a uns segundos da súa mellor marca conseguida a semana anterior.
Na tarde do domingo, terían lugar o resto de participacións do noso equipo, a final do 400ml feminino, o peso feminino e o disco masculino. Primeiro, correu Aida, sendo consciente das súas posibilidades na proba. Acadou un merecido cuarto posto mellorando ainda máis a súa nova marca, cuns brillantes 58»56. Posteriormente, no peso feminino de 3kg Raquel Villa rematou no noveno posto cunha marca de 11.98m, mostrando unha evolución positiva na súa fase de recuperación. Concluíndo a participación dos nosos atletas neste campionato, Pablo competiu por segunda vez neste fin de semana, esta vez no lanzamento de disco de 1,5kg conseguindo un grato décimo posto cunha marca de 40.10m.
Mar.

Vigo, 1 de xullo de 2012
A Delegación de Atletismo de Vigo foi este ano a encargada de organizar “ o Campionato por excelencia da autonomía”.
A xornada estivo marcada por un vento excesivo que invalidou moitas das marcas logradas.
Reuniu os atletas galegos máis destacados, entre os que se atopaba a galega máis de moda nesta tempada, Ana Peleteiro, aínda que sorprendentemente non participaba na súa proba de triplo. Competiu na proba dos 100 m.l., onde demostrou que tampouco se lle daba nada mal.
Para participar neste campionato requiríanse unhas mínimas e algúns dos nosos atletas desprazáronse a Vigo, sendo a actuación máis relevante a da xuvenil Mar Chillón, que acadou o terceiro posto na súa proba de marcha.
Resultados:
Adrián Bouza Díaz: 11º nos 1500 m.l.
Angel Menduiña Gutiérrez: 6º nos 10 km marcha
Juanma Novo Pardavila: 6º nos 110 m. valados
Noelia Graña Casas:12ª nos 100 m.l. ( 8ª na súa serie)
Aida Amoedo Portabales: 4ª nos 400 m.l.
Mar Chillón Camaño: medalla de bronce nos 5km marcha
Rebeca Obenza Otero: 4ª nos 5 km marcha
María Jesús Novo Pardavila: 4ª nos 400 m. valados

Este sábado, 14 de xullo, no Salón de Plenos do Concello, faráselle un recoñecemento público ós atletas destacados da presente tempada. Será as 17 horas. Non cheguedes tarde ou non sairedes na foto. Durante este acto faráselle entrega duns pequenos agasallos.
Logo teremos, como todos os anos a asemblea xeral, onde daremos conta, entre outras cousas, dos méritos da tempada.
A xornada rematará cunha cea para todos os socios e simpatizantes do Club. Os atletas maiores poderán asistir aportando unha módica cantidade, o resto será abonado polo Club. Nos tamén temos que facer “recortes”.
En canto os atletas destacados das categorías inferiores, irán a “Aquapark” o venres 20 de xullo, e non o sábado como se dixera nun principio. Sentíndoo moito, estes tamén teñen que pagar unha pequena parte.
Vémonos sábado! Non faltedes!

Portugal, 14 de abril de 2012
Este ano a presenza do noso Club nesta competición foi testimonial ao coincidir nese mesmo día a celebración do Campionato Galego de Clubs en pista ao aire libre.

Rebeca Obenza participou no 20km, marcha feminino co obxectivo de acadala mínima para os 10km do Campionato Promesa de España, acadando no paso polo 10km un resultado satisfactorio de 00:55:39. A ganadora da proba foi a nosas compatriota Beatriz Pascual.