Entramos de cheo en tempada de campo a traves ou cross,  en carreiras de inverno e como tal non podia faltar outro clásico no mes de novembro. Votar conta de cando se celebran as carreiras escolares, pois de abril en diante coa bonanza climatica, pero sempre hai unha excepción, e logo en inverno os nenos e nenas non corren, pois si, 360 nenos en idades entre 3 e 12 anos se presentaron as 10:30 no colexio de nazaret de Cangas coa idea de plantar cara a chuvia vento ou frio. A previsión era de 400 nenos, e decir, fallaron poucos, e decir máis, non fixo mal dia, non choveu, frio pouco e duas horas de carreiras por diante. As categorias foron  enchendo de carreiras as ruas do barrio de nazaret, ata houbo como novidade unha carreira de chupetes menores de 3 anos para que os mais cativos poudesen emular os seus irmans. Os atletas do Vila foron representando os seus coles, ainda que era moi común escoitar  ¿quen son eses de amarelo?. A hora de completar os podiums resolveuse o dilema de moitos,  eses de amarelo eran os atletas do Vila de Cangas. Xa queda menos para a próxima, o día 2 de decembro en Cangas.

RESULTADOS

Eran sobre as cinco da tarde do 24 de novembro. Grupos reducidos de tres, catro, cinco e seis persoas dirixíanse cara ó concello. Todo normal. Unha característica común para todos estes grupos que tiñan como destino o Concello: en todos eles ía ao menos unha persoa vestida de cor amarelo. Só algo sospeitoso: en cada grupo aí, polo menos, unha persoa con unha bolsa ou paquete non identificado.
Entran. Toman posesión dunha praza no salón de plenos do Ilmo Concello de Cangas. (Se cadra, algún remata sendo un dirixente político).
17:30. A que parece ser a “cabecilla” do grupo, tamén coñecida por “Mari a Presi”, di que todos deben dirixirse a zona do “botellón”. De maneira ordenada saen todos, pequenos e grandes.
17:35. Alguén ordena situarse uns agachados, outros a medio agachar, outros de pe e outros de puntillas; uns detrás doutros. De repente, unha marea de “paparazzis “ e “mamarazzis” disparan as súas armas. Ninguén cae. Todos permanecen no seu posto e postura ata que alguén di:”xa está”.
17:45. Disólvese a concentración. Volven para o Concello , pero as prazas que antes ocupaban, agora están tomadas por outras persoas as que lles chaman pais, nais, ou mesmo avós. Os amarelos deben permanecer en pe ata que unha voz os chama polo seu nome.
Obedientes van saíndo, din que para presentalos. Outra vez disparo de flashes. Seguinte grupo. Outra vez o mesmo. Seguinte grupo. E outra vez o mesmo, ata que rematan.
Alguén comenta que estas persoas e persoiñas amarelas van crear historia nunha entidade chamada Vila de Cangas. Mesmo se comenta que aquí está o futuro, non so do atletismo de Cangas, senón de España e que seguro que entre eles haberá alguén que se acorde do Vila de Cangas en algunha Olimpíada non moi lonxana.
Rematada a sesión de fotos, falan os chamados “autoridades” que resumindo, mostran bos desexos e parabéns para o Vila de Cangas, que están asombrados da gran cantidades de xente que están nas súas filas e que debe de ser un dos Clubs de base máis numerosos a nivel estatal.
Vaia! Este Vila de Cangas debe ser algo GRANDE!.
A cabecilla (xa sabedes: a presi), di que se vai facer unha charla – coloquio cuns invitados. A saber: Isidoro Hornillos (presidente da Federación dese deporte ó que chaman atletismo), Daniel Benavides (responsable do Deporte Escolar), Jesús Martínez (presidente da Delegación de vigo), Fran Abal (adestrador deste grupo tan sospeitoso), Solange Andreia Pereira ( a que todos recibiron como si foxe ese modelo a imitar, pero en carne e óso). Falaron. Contestaron ás preguntas dos amarelos. Solange contou como foron os seus inicios e como era o seu adestramento hoxe. Os outros falaron da Federación, dos seguros, das competicións…
Non vin a hora que era. A “presi” di: agora imos ir arriba porque todos os atletas e membros da Directiva trouxeron algo de papatoria para merendar. (Iso explica o das bolsas ou paquetes non identificados).
Mimadriña! Alí había de todo: doce, salgado, soso, refrescos, zumes, auga. Eu púxenme as botas camuflada no medio deses seres que semellan ser futuras estrelas diso que chaman o atletismo!.
Recoller, limpar e para á casa, que o día seguinte hai competición.

Domingo 2 de Decembro 2012, Alameda Vella de Cangas a partir das 10:00
REGULAMENTO
1. O Club Atletismo Vila de Cangas, co patrocinio do Ilmo. Concello de Cangas e a Fundación
Cangas Deporte, organizan o XXXIX Trofeo de Pedestrismo, que terá lugar o día 2 de
Decembro de 2012, con saida na parroquia de Aldán e chegada na Alameda Vella de
Cangas.
2. As categorías e horarios das carreiras é o seguinte
Minibenxamín 2006-07 ··Benxamín 2004-05 ··Alevín 2002-03 ·· Infantil 2000-2001 ··Cadete
1998-99 ·· Xuvenil 1996-97 ·· Xunior 1994-95 ·· Promesa 1991-92-93 ·· Senior 90 ata
veteranos ·· Veteranos 35 anos en adiante.
CIRCUITO URBAN DA ALAMEDA VELLA
10:00 h:Benxamín…….…………………………….……………..……………..…………500 m.
10:15 h:Alevín………………………………………………………..……………………1000 m.
10:30 h:Infantil……………………………………………….………….…………………1500 m.
10:45 h:Minibenxamíns………………………………………………………….………….250 m.
11:00 h:Cadete Mulleres………………………………………………………..…….….2000 m.
11:15 h:Cadete Homes…………………………………………………….…………..…3000 m.
CIRCUITO ALDAN-CASCO URBAN DE CANGAS
11:45 h: Xuvenil homes e mulleres : Saída Aldán e meta na Praza de Abastos…. 6000 m.
11:45 h: Carreira Absoluta: Xunior, promesa, senior e veteranos homes e mulleres, saída
de Aldán mais 2 voltas o circuito do ano pasado e meta na Praza de Abastos. . 10.000m.
13:00 h: Entrega trofeos
3. As inscricións deberán efectuarse antes das 24h do MARTES 27 de Novembro. O custo da
inscripción será de 3€ para os participantes das carreiras absolutas de 6000m e 10000m
que ademáis levarán chip de control de tempos. As personas que non teñan chip amarelo
championchip terán que pagar a mayores 1€ en concepto de aluguer de chip. No resto de
categorías, a inscrición é gratuita.
4. Para facilitar o traslado dos participantes a parroquia de Aldán, porase a disposición deles
un servicio de autobuses que sairán da Estación de Autobuses de Cangas ás 10,30 e as
10,45 horas e terá un importe de 1 euro a ingresar coa inscrición.
As inscricións formalizaranse na páxina Web www.championchipnorte.com
As categorías absolutas deberán pagar con tarxeta de crédito habilitada para PAGO
SEGURO POR INTERNET e as menores deben seleccionar a opción de desconto para
que non lles sexa cobrada a inscrición. As persoas que seleccionen a casilla de desconto
sin que lle corresponda por categoría serán borradas da inscrición.
Para Menores sen DNI (só este caso), deberán formalizar a inscrición enviando un mail a
fundacion@cangasdeporte.com nos plazos xerais indicando, nome, apelidos, data
completa de nacemento, clube se ten, localidade, provincia, teléfono de contacto.
Non se admitirán inscricións fora das datas previstas para elo.
5. Os atletas participaran cos dorsais asignados pola Organización quedando ven visible a
súa publicidade
6. Será motivo de descalificación, entre outros, os seguintes aspectos: non realizar todo o
circuito da carreira, non levar dorsal ou manipular éste e falsificar datos persoais
7. Será gañador do XXXIX Trofeo de Pedestrismo Ilmo. Concello de Cangas o primeiro/a
clasificado/a da proba absoluta dos 10 000 m.
8. Otorgaranse trofeos ós tres primeiros clasificados en tódalas categorías, e medallas ata o
décimo clasificado nas categorías escolares
9. Na categoría de Veteráns, haberá unha soa categoría, a excepción de que compitan máis
de 10 atletas en cada unha delas; nese caso na entrega de trofeos desdoblaranse en dúas
categorías. Veteráns Femenino ou masculino: de 35 ata 45 anos e de 46 anos en adiante
10. As reclamacións sobre a Competición deberán facelas a organización do evento
11. O Concello de Cangas, a Fundación Cangas Deporte, o Club Atletismo Vila de Cangas e
os seus colaboradores non se fan responsables sobre os posibles danos que con motivo
da competición poidan corresponder ante o seguro deportivo ou outra modalidade
12. A inscripción neste XXXIX Trofeo de Pedestrismo Ilmo. Concello de Cangas implica a total aceptación do perceptuado no presente Regulamento.

A Xunta Directiva do Club Atletismo Vila de Cangas ten a honra de invitar a todos/as socios/as e simpatizantes do Club á presentación pública dos seus atletas para a tempada 2012/2013.
Este feito terá lugar o vindeiro sábado 24 de novembro, ás 17:00 horas, na Sala de Plenos do Concello de Cangas.
Os atletas deben chegar puntualmente e equipados coa vestimenta do Club. Empezaremos cunha foto de todos os atletas, adestradores, Xunta Directiva e invitados. Esta foto, si o tempo o permite, terá lugar nos exteriores do Concello. Seguidamente pasaremos a dentro e farase a presentación dos equipos por categorías, coa súa correspondinte foto.
Unha vez rematada a sesión fotográfica terá lugar unha charla – coloquio na que participarán deportistas de tan alto nivel como a compañeira de adestramentos Solange Andreia Pereira e directivos da Federación, entre outros. Poderedes participar na mesma facéndolles preguntas ós invitados ou comentando algunhas inquietudes que teñades para a vindeira tempada.
O acto oficial finalizará coa entrega da prestixiosa revista do noso Club, que xa alcanza o número 17.
Como dicíamos o acto oficial remataría aquí, pero este ano quixemos rirnos da crise e darémoslle a benvida a nova tempada cunha merenda na que poden participar todos os atletas e acompañantes. Esta participación será dobre, pois participarase traendo algo de comer e logo compartindo as exquisiteces con todos os demais.
Sería conveniente que informarades do que ides traer, por aquilo de que non veñades todos con centolas ou nécoras, xa sabedes que tamén admitimos tortillas, empanadas, refrescos…
Grazas a todos/as pola vosa colaboración e ata o sábado 24 de novembro, ás 5 da tarde.

Este domingo 11 de novembro vense de celebrar en Bueu a XVII Carreira Pedestre San Martiño, II Memorial Paco Cabanillas.
A crise e os recortes parece que van a ser a nota predominante en toda a tempada e os clubs organizadores de probas deportivas vense na obriga de reducir costos. Así nesta primeira carreira da tempada, as categorías agrupáronse máis. Este ano, a partir da categoría xuvenil pasaron a formar todos parte dunha única categoría absoluta, mentres que nos anos anteriores dividíanse nas categorías oficiais.
O noso clube acudiu con un número nutrido de atletas nas distintas categorías, a pesar de que algúns deles participaran no día anterior nunha competición na Coruña.
O día amenceu con moitísimo frío pero sen choiva, para sorte dos atletas.
As primeiras en estrear o circuíto foron as alevíns femininas ás dez da mañá. O horario das demais probas sucedeu segundo o previsto.
Os chupetes recibiron todos unha medalla pola súa participación e ó pódium subiron os 3 primeiros clasificados de cada categoría. Cabe destacar que na gran maioría deles sobresaía a cor amarela do noso clube e en especial na categoría benxamín masculina e cadete feminino onde houbo triplete amarelo.

RESULTADOS:
Alevín homes:
4º Antón Iglesias Vidal
5º Lope Quinteiro Pena
9º Gabriel Dacosta Vizoso Seguir leyendo →

Coruña, 10-11-2012

Este ano inauguramos formato de competición, para tal evento nos desprazamos ao pavillón de pista cuberta de Riazor. As probas comenzaban as 16.30 horas polo seguinte orde;  500 metros lisos, 1000 metros lisos e salto de altura. As categorias convocadas foron benxamín, alevin e infantil. Para completar a Liga esta prevista unha segunda xornada na localidade de Ourense o vindeiro 1 de decembro. A puntuación total da liga será a suma das duas xornadas e definirá a clasificación por Equipos. Os resultados obtidos nesta primeira xornada fan pensar de maneira optimista para a clasificación final.

Resultados 1ª Xornada

Xixón, 22 de setembro de 2012
As atletas cadete feminino do Vila de Cangas viaxaron o pasado Sábado 22 de setembro a Xixón, para competir na Previa de España xunto ao outro equipo galego, Lucus Caixa Rural Galega. Este campionato de España por equipos constaba de 3 previas, unha en Xixón, outra en Motril e a terceira en Barcelona. Soamente pasaban a final os 7 mellores equipos de España entre todas as previas. As atletas canguesas acadaron 9.929 puntos e conseguiron o 5º posto. Varias atletas conseguiron mellorar marca da tempada. A vitoria do Vila de Cangas foi para Johana Villar en martelo (36,14 metros), o segundo posto para Alexia Vidal en altura (1,54 metros) e Esmeralda Corredoira en 3 kilómetros marcha, o tercer posto para Ana Antepazo en 300 metros (46,60), Noelia Graña en triplo salto (9,89) e Carla Bernardez en disco (23,04). Acadaron a cuarta posición Noa Rouco en 600 metros (1:45.59) e Patricia Torres no peso (9.98), o quinto lugar foi para Estela Costas en 100 metros (14,69), Lucía Piedras en 1.500 obstáculos (6:37.49) e para Sara Pastoriza en Xavelina (19.83), o sexto posto lográrono Sofía Rodríguez en 1.000 metros (3:40.68), Julia Alonso en 3.000 metros( 14:34.35), Sara Villar en 300 metros vallas (52.93) e Eva Piñel na lonxitude ( 4.18). Paula Martinez conseguiu a sétima posición en 100 metros vallas tras caer na metade da carreira cunha marca de 20.58. No relevo de 4×100 lograron a sexta posición e no 4×300 un cuarto posto. Ese día era aínda máis especial para Alexia Vidal, que ademais de facer unha gran actuación estaba de aniversario, pero o que ela non sabía era que as súas compañeiras e amigas lle tiñan un agasallo. Ao acabar todas as probas, aos seis primeiros equipos déronlle un trofeo, que o tiña que recoller o adestrador de cada club, e todas as atletas excepto tres foron correndo a xunto Fran para contemplar o trofeo que conseguiran entre todas. Estas tres atletas, Sara Villar, Noa Rouco e Johana Villar subiron para as gradas a coller o agasallo de Alexia. Mentres llo entregaban todas as gradas cantaban “Cumpleaños Feliz”. Estas rapazas de 14 e 15 anos son unhas das máis afortunadas de todo Galicia por participar nun evento de tal importancia co seu equipo. Unha sensación única chea de nervios e satisfación, e… aínda que non pasaran a final, para nos seguen sendo as mellores.

JOHANA VILLAR

Debido ao aviso de alerta laranxa para mañá Domingo 23, queda suspendida a V Marcha popular andar e correr de Cangas.

Non sabemos cal será a nova data, pero sí que será no mes de outubro.

Manterémosvos informados!!!!!

O equipo feminino cadete do Vila de Cangas viaxará o vindeiro fin de semana ata Gijón para disputar a fase previa do campionato de España.
A fase previa disputarase en tres lugares de España, sendo estes en Barcelona, Motril (Granada) e Gijón. A este último é onde competirán as nosas atletas o 22 de setembro. Xunto coas nosas atletas buscarán un posto para a final outros seis equipos: AD Gijón Atletismo, Txindoki A.T., Beidazábal Atlético, Tolosa C.F., CA Valladolid – U. Va e Lucus Caixa Rural.
Desta fase previa accederán á fase final, que se disputará o 6 de outubro, os sete equipos con mellor puntuación pola táboa IAAF 2008 na fase previa (descontada a peor puntuación). Igualmente estarán na final as vixentes campionas Playas de Castellón.

As atletas do Club Atletismo Vila de Cangas realizaron unha espectacular caza e captura do adestrador Fran Rodal Abal nas pistas de atletismo de O Barco de Valdeorras.
O operativo atlético foi levado a cabo a tardiña do oito de setembro polas atletas da categoría cadete e coa necesaria complicidade das atletas da categoría xuvenil-xunior.
Segundo as fontes ás que tivo acceso esta redacción, é posible que este despregue tivera lugar debido a que F.R.A. sometera durante semanas ás atletas do Vila de Cangas a duros adestramentos en plena tempada estival. Todo isto, xunto con que o campionato galego por equipos cadete e xuvenil-xunior cadrara coas festas de Darbo e que o adestrador mostrara a súa oposición a que as mozas se meteran na “ría” unha vez finalizada a proba para non retrasar o regreso a Cangas,provocou que se xerase este macabro plan.
As acusadas piden que se teña en conta o atenuante de perderse as devanditas festas e o madrugón que se tiveron que dar para chegar ata a outra punta de Galicia a tempo de competir. Igualmente, alegan que a tensión sufrida na competición foi máxima: nun momento ían primeiras; noutro últimas; cambios de última hora nas probas das atletas por non estar clara a circular do regulamento; a descalificación do relevo de 4×100 …
Aproximadamente ás oito da tarde anunciase por megafonía que o Vila de Cangas era campión galego na categoría cadete feminina e medalla de bronce na categoría xuvenil-xunior feminina. A “piña” amarela subiu eufórica ós seus respectivos caixóns e recolleron os trofeos sen que ninguén puidera presaxiar o que se estaba cocendo nesas mentes perversas.
Acto seguido, ante o estupor das atletas que competían por primeira vez có equipo: Laura Vidal, Eva Piñel e Sofía Rodríguez, as amarelas dirixíronse coa celeridade dos 100 m.l. a abordar ó seu adestrador, sen que as súas suplicas serviran para máis que para deixarlle sacar o calzado. Sabía que estaba perdido e sería mellor non resistirse. Foi levado en volandas ata a “ría” onde foi lanzado nunha auga moi mollada.
Estes actos rebeldes poden ter connotacións a nivel nacional, pois o vindeiro 22 de setembro as cadetes irán competir a Gijón no campionato de España.
¡Que Deus colla confesado a Fran e benvidas ás novas atletas!

RESULTADOS:
Xuvenil-xunior:
Noelia Cousiño Camaño: 3º en 100 m.l. e 3ª en pértega
Laura Vidal Paz: 3º en 200 m.l. e 3ª en lonxitude
Aida Amoedo Portabales: 2º nos 400 m.l.
Patricia Abal Herbello: 3º nos 800 m.l.
Iria Piedras Gómez: 3º en 1500 m.l.
Ainara Rodríguez Nogueira: 2º en 3000 m.l.
María Jesús Novo Pardavila: 1ª en 400 m.v. e 3ª en triplo
Ana Bermúdez Méndez: 3ª en obstáculos
Mar Chillón Camaño: 1ª en marcha
Raquel Villa Carracelas: 1ª en peso e 2ª en martelo
Talía García Prieto: 2ª en disco e 2ª en xavelina
Cadete:
Estela Costas Gadón: 2ª en 100 m.l.
Ana Antepazo Regueira: 3ª en 300 m.l.
Noa Rouco Baqueiro: 1ª en 600 m.l.
Julia Alonso Bacelar: 3ª en 3000 m.l.
Paula Martínez Fernández: 3ª en 100 m.v.
Sara Villar Millán: 3ª en 300 m.v.
Lucía Piedras Gómez: 1ª en obstáculos
Esmeralda Corredoira Herbello: 1ª en marcha
Alexia Vidal Martínez: 2ª en altura e 1ª en lonxitude
Eva Piñel Lorenzo: 2ª en triplo
Sofía Rodríguez de la Santísima Trinidad: (lesionouse antes de correr o 1000 m.l.)
Noelia Graña Casas: 2º en pértega
Patricia Torres Ferradás: 1ª en peso
Carla Bernárdez Miranda: 1ª en disco
Sara Pastoriza Vilas: 2ª en xavalina
Johana Villar Parada: 1ª en martelo
2ª en relevos de 4×300 ( Lucía Eva, Estela e Ana) e descalificadas no 4×100