Tarragona, 17 e 18 de outubro de 2020
Archivo de la categoría: 2020
CAMPIONATO GALEGO SUB 14 E SUB 16 AO AIRE LIBRE
Pontevedra, 10 e 11 de outubro de 2020
As pistas do CGTD de Pontevedra deron cabida ao CAMPIONATO GALEGO SUB 14 E SUB 16 AO AIRE LIBRE. A categoría SUB 16 ocupou a xornada do sábado, nela destacou Agata Rodríguez que sumou unha medalla de bronce nos 100 m.v., completou a sus participación cun 4º posto na semifinal dos 100m.l., polo que non progresou a final. A mesma sorte correu Carmen Fraga, ao rematar 6ª na semifinal dos 100 m.l. Noa Piñeiro achegouse ao podio cun 4º posto nos 300 m.v. Uxia Sánchez foi descalificada nos 600 m.l. por pisar a línea.
Os SUB 16 masculinos estiveron representados por Carlos López, 13º nos 600 m.l., Diego Martínez 8º nos 300 m.v. e 9º en altura e Manuel Lemos 5º en pértega e 7º en xavelina.
A xornada do domingo, coa categoría SUB 14, resultou máis cuantiosa, tanto en participación amarela coma en premiacions. As feminas encheron o podio de amarelo, na proba de pértega Helena Bello foi Campiona Galega e Iris Malvido bronce, ademáis de 4ª na marcha. Gema Dacosta fixo das suas probas dous ouros, 1ª en lanzamento de peso e 1ª en lanzamento de disco. Claudia Carcer acompañouna, cun bronce, no peso e acadou outro na final dos 80 m.v. Goretti Carballal foi bronce en altura e 15ª en 500 m.l. Lucia Gil foi 5ª no triplo e 8ª nos 500 m.l. Marta Rua rematou 6ª nos 220 m.v. e Nerea Malvido finalizou 13ª nos 1000 m.l.
Hugo Domínguez proclamouse Campión Galego na carreira de 1000 m. obstáculos e 6º na proba dos 150 m.l. Diego Garcia rematou 4º na marcha e Brais Pintos foi 10º en 150 m.l. e 14º nos 500 m.l. Fin de semana completo de atletismo, que agardamos teña continuidade.
PREVIA CAMPIONATO DE ESPAÑA SUB 18 AO AIRE LIBRE
Nesta vindeira fin de semana, 17 e 18 de outubro, o estadio Natalia Rodríguez de Tarragona vai acoller o CAMPIONATO DE ESPAÑA SUB 18 AO AIRE LIBRE. Desta volta, será Lope Quinteiro quen acadou a participación na proba dos 800 m.l. O sábado disputará a semifinal, polo que, agardamos pase a final que se celebra o domingo. Achegamos enlaces de interés desta importante competición.
RESULTADOS EN DIRECTO
COMPETICION EN DIRECTO
CAMPIONATO ESPAÑA SUB 20 AO AIRE LIBRE
Madrid, 4 de outubro de 2020
Os dous protagonistas desta crónica non tiñan moi claro a celebración do Campionato, nin eles nin nos. Os antecedentes, ala polo mes de marzo, eran totalmente negativos. A escasas horas da celebración do Campionato de España de Pista Cuberta en Sabadell, foi suspendido. Daquela ainda non estaba claro o que nos enfrentabamos. Seria a COVID 19 unha proba de velocidade ou máis ben de fondo. Co tempo estamos a ver, que hai que medir os ritmos e non precipitarse. Vai a ser unha carreira longa e con obstaculos.
Desta foi a vencida, o Estadio de Vallehermoso acolleu aos atletas, rodeados dun reducido público. Durante a fin de semana vivimos un Campionato sen incidencias, no que dous amarel@s foron participes desta agardada volta as competicions nacionais. E importante ter obxectivos, máis nestes momentos de incerteza. Desta volta, era o CAMPIONATO ESPAÑA SUB 20 AO AIRE LIBRE. O domingo competían Juan Piñeiro en salto de lonxitude e Ariadna Gil en triplo salto. Ambos acadaron a mellora nos seus concursos para rematar en 7ª posición na final. Juan Piñeiro saltou 6,98 e Ariadna Gil 10,84. Non melloraron as suas marcas, pero loitaron cos mellores. Moita sorte no vindeiro obxectivo.
PREVIA CAMPIONATO GALEGO SUB 14 E SUB 16 AO AIRE LIBRE
As pistas do CGTD de Pontevedra acollen esta fin de semana o CAMPIONATO GALEGO SUB 14 E SUB 16 AO AIRE LIBRE. Acabase de publicar o listado definitivo de admitid@s nas probas a celebrar. Achegamos as listas de saida e os HORARIOS da camara de chamadas, non vos depistedes:
HORARIO CAMARA CHAMADAS SUB 14
RESULTADOS EN DIRECTO SUB 14
SUB 14 MASCULINO
- HUGO DOMINGUEZ, 150 m.l. e 1000 m. obst.
- BRAIS PINTOS, 150 m.l. e 500 m.l.
- DIEGO GARCIA, 3kms marcha.
SUB 14 FEMININO
- LUCIA GIL, 500 m.l. e triplo salto
- GORETTI CARBALLAL, 500 m.l. e salto de altura
- NEREA MALVIDO, 1000 m.l.
- SARA NERGA, 1000 m. obst.
- CLAUDIA CARCER, 80 m.v. e lanzamento de peso
- MARTA RUA, 220 m.v.
- HELENA BELLO, salto de lonxitude e salto de pértega
- IRIS MALVIDO, salto de pértega e 3kms marcha
- GEMA DACOSTA, lanzamento de peso e disco
HORARIO CAMARA CHAMADAS SUB 16
RESULTADOS EN DIRECTO SUB 16
SUB 16 MASCULINO
- CARLOS LOPEZ, 600 m.l.
- DIEGO MARTINEZ, 300 m.v. e salto de altura
- RUBEN LEMOS, salto de pértega
- MANUEL LEMOS, salto de pértega e xavelina
SUB 16 FEMININO
- AGATA RODRIGUEZ, 100 m.l. e 100 m.v.
- CARMEN FRAGA, 100 m.l.
- UXIA SANCHEZ, 600 m.l.
- NOA PIÑEIRO, 300 m.v.
PREVIA DO CAMPIONATO DE ESPAÑA SUB 20
Nesta vindeira fin de semana vaise disputar no Estadio de Vallehermoso o CAMPIONATO DE ESPAÑA SUB 20 AO AIRE LIBRE. Os protagonistas Juan Piñeiro e Ariadna Gil, xa estiveron clasificados para o Nacional en Pista Cuberta, daquela en Sabadell polo mes de marzo foi das competicions canceladas pola pandemia. Teñen oportunidade de desquitarse na xornada do domingo 4 de outubro, Juan Piñeiro no concurso de lonxitude e Ariadna Gil no triplo. Parabens polo froito da constancia, e por suposto ao seu adestrador Ramilo.
RESULTADOS EN DIRECTO
COMPETICION EN DIRECTO
CAMPIONATO GALEGO ABSOLUTO-SUB23-SUB20 E SUB18 AO AIRE LIBRE
A Coruña, 28-29 e 30 de agosto de 2020
O Estadio Universitario de Elviña foi testemuña da volta dos Campionatos Autonomicos. Durante tres días, de venres a domingo, disputouse o CAMPIONATO GALEGO ABSOLUTO-SUB23-SUB20 E SUB18 AO AIRE LIBRE. Era importante materializar os adestramentos nunha cita desta calibre, @s amarel@s deixaron atrás atrancos varios, protocolos rixidos e imperdoables cambios de horario. Hai que tratar de voltar a normalidade e o Atletismo tiña que ser un exemplo. A colleita dos campionatos foi a seguinte:
Juan Piñeiro Campión Galego triple salto e lonxitude SUB 20, Ariadna Gil 1ª en triple salto e 2ª en lonxitude SUB 20.
Saray Amoedo Subcampioa Galega en lonxitude e triple salto SUB 23, Martin Souto 1º en 200 m.l. SUB 23, Daniel Calvar Campión Galego de pértega SUB 23.
Lope Quinteiro 2º 800 m.l. SUB 18. Ana Piñeiro 7ª na final de 200 m.l. e non pasou da semifinal nos 100 m.l. SUB 18 e Ana Cerqueira 5ª nos 100 m.v. e 4ª en 100 m.l. SUB 18 .
OURENSE TERMAL ATHLETICS MEETING
O venres 21 de agosto terá lugar o OURENSE TERMAL ATHLETICS MEETING. Será na Pista de Atletismo do Campus Universitario, a partir das 18:00 horas. Nesta importante proba competiran atletas dun nivel destacado e mesmo internacionais. Contaremos coa presenza de vari@s amarel@s nas seguintes disciplinas:
Saray Amoedo en lonxitude, Ariadna Gil lonxitude e 200 m.l., Martin Souto nos 200 m.l., Juan Piñeiro en lonxitude e 200 m.l., Lope Quinteiro en 800 m.l. e Ana Cerqueira nos 100 m.l.
RESULTADOS EN DIRECTO
VOLTA DAS COMPETICIONS
Hoxe, 7 de agosto de 2020, volta a competición oficial de atletismo a Galicia. No Estadio do CGTD de Pontevedra, a partir das 17 horas, disputarase o I CONTROL DE VERAN FGA «A VOLTA DO ATLETISMO GALEGO». Deste evento serán participes vari@s amarel@s. Ariadna Gil e Saray Amoedo retoman a competición no concurso de Triple Salto. Juan Piñeiro tamén concursará en Triple e máis nos 200 m.l. Martín Souto e Ana Cerqueiro participarán nos 100 m.l. Finalmente a atleta SUB 16 Noa Piñeiro competirá nos 300 m.v. Cumpre lembrar que esta competición esta precedida dun protocolo de medidas contra a propagacion do COVID 19, que son as seguintes:
MEDIDAS DE ACTUACION
Tamén estará restrinxido o acceso as Pistas e @s atletas teñen que achegar unha declaración responsable. Agardamos que estas medidas sirvan para dar continuidade a competición, de seguido amosamos un enlace para o seguimento desta proba.
RESULTADOS EN DIRECTO
ASAMBLEA XERAL EXTRAORDINARIA
O vindeiro sábado dia 08 de agosto tera lugar no Salon de Plenos do Concello de Cangas a partir das 17:00 horas en primeira convocatoria e as 17:30 en segunda o acto do Club de Atletismo Vila de Cangas. Para tal evento están invitados todol@s soci@s. Abordarase na ASAMBLEA XERAL EXTRAORDINARIA un tema de sumo interese, como é, a elección da nova Xunta Directiva , coa seguinte ORDE DO DIA:
-
– Lectura e aprobación (si procede) da acta da Asamblea anterior.
-
– Elección de nova Xunta Directiva.
-
– Volta das competicions oficiais, tras ser aprobado o protocolo da FGA.
-
– Rogos e preguntas.
Debe estar conectado para enviar un comentario.