Xornadas Atletismo Base

Publicado el por

Venres, 13 de maio de 2011

Nas pistas de atletismo de Verín-Coiro da localidade de Cangas celebraronse unhas xornadas de atletismo dedicadas as categorias escolares.  A tarde foi de moito calor, e daba comenzo a competición as 17’30 horas. As categorias participantes foron minibenxamins, benxamins e alevins. O sistema de competición,como outros anos, consistía en que cada neno/a podía participar en catro probas, puntuando finalmente nas tres mellores.  Foron obsequiados os atletas con trofeos para os tres primeiros e medallas para os demaís participantes.  Colaboraron co evento a Deputación de Pontevedra e o Concello de Cangas, ademaís de os pais e nais que axudaron coa loxistica, a todos eles moitas grazas.

As clasificacións por categorias foron as seguintes:

ALEVIN HOMES

ALEVIN MULLERES

BENXAMIN HOMES

BENXAMIN MULLERES

MINIBENXAMIN HOMES

MINIBENXAMIN MULLERES

CAMPIONATO PROVINCIAL DE PROBAS COMBINADAS ALEVÍN-INFANTIL e control de cadetes

Publicado el por

Sabado 14 Maio 2011

Unha nova xornada de atletismo, levounos ata a pista de atletismo da cidade de Pontevedra. Nesta ocasión as categorías convocadas foron os alevíns e infantiles, na modalidade de probas combinadas.
Os alevíns participaron en triatlón coas probas de 60 m.l., lanzamento de peso 2 kg e salto de lonxitude; os infantiles en tetratlón coas probas de 80 m.l, 80 m. valados, salto de lonxitude e lanzamento de peso 3 Kg.

Esta vez non choveu, tal vez para resarcirnos do que pasara na última vez que competiramos nesa pista, pero de vez en cando soplaba un “ventiño…” que facía voar a area dos fosos e todo o que nas pistas había. Tal vez esa foi a inspiración que tivo Noa Rouco, que nun salto foise voando ata os 4.44 m.

As cadetes Julia Alonso, Eva Otero, Ana antepazo e Ana Bermudez, puderon obter marcas en catro carreiras: 100 m.l.,300 m.l., 600 m.l. e 1000 m.l.

Os resultados finais acadados polos nosos atletas fixeron que tres infantiles e un alevín subirán o pódium. Obtiveron medalla de prata Noa Rouco Baqueiro (Infantil) e Raúl Dacosta Santomé (Infantil) e medalla de bronce Paula Martinez Fernandez (Infantil) e Adrián Outeiral Vila (Alevín)

Otros resultados foron:
6º Gabriel Fernández González
7ª Saray Amoedo Portabales
8º David Lorenzo Germade
8ª Noa García Prieto
10ª Noelia Graña Casás
13º Daniel Armada González
14º Daniel Calvar Parada
14ª Lucía Piedras Gómez

CAMPIONATO GALEGO XUVENIL

Publicado el por

O Barco de Valdeorras, 14 de maio de 2011

Os mellores resultados femininos da xornada foron para Aida Amoedo Portabales que se proclamou campiona nos 200 m.l., conseguindo desta maneira praza na selección galega. A outra fémina que conseguiu medalla, neste caso a de bronce, foi Ariana Martínez Lorenzo nos obstáculos. Sen dúbida a peor decepción tívoa Nerea Outeiral, pois foi descalificada nos 400 m.l. por, ó parecer, pisar a línea de separación das rúas, algo do que ela manifesta non ser consciente. Ainara Rodríguez rematou sexta nos 800 metros lisos. María Novo mellorou a súa marca nos 2000 obs e rematou cuarta. Nas demais probas non conseguiu chegar a súa marca e rematou 6ª en lonxitude e 5ª en triplo.
En canto ós homes, os mellores resultados foron para Simón Acuña, que se proclamou subcampión galego en peso e disco. Tomás Ocaña estivo durante case toda a carreira dos 3000 m.l. loitando pola medalla de bronce, pero o final rematou cuarto. Nos 800 m.l. participou Antón Menduiña, pero tivo que retirarse por causa dun tirón.

Provincial benxamin alevin

Publicado el por

Pontevedra a 07 de maio de 2011, xornada de tarde

Pola mañan os infantís, e pola tarde as categorías benxamín e alevín, unha tarde con predominio de nubes e bastante aire, choveu de maneira forte pero en periodos curtos, a verdadeira chuvia foi de medallas, un total de 35 medallas distribuidas en dez primeiros postos, quince segundos e dez bronces.

Resultadosbenxaminalevin
Ariadna Gil 1º 50 m.l. e 1º 1000m.
Irene Menéndez 2º 50 m.l. e 2º lonxitude
Ana Piñeiro 3º 50 m.l. e 1º marcha 1km.
Laura Magdalena 6º 50 m.l. e 4º lonxitude
Naiara Villar 2º altura e 6º pelota
Seguir leyendo →

PROVINCIAL CATEGORÍA INFANTIL E CONTROL CADETE

Publicado el por

Pontevedra, Sábado 7 Maio, xornada de mañá.
O día caracterizouse polo mal tempo. A chuvia anegou as pistas e ata houbo que parar a competición xa que choveu intensamente, o que fixo necesario que se “barrera” as pistas ou os círculos de lanzamentos para poder competir con certa normalidade.

Outro fenómeno atmosférico que perxudicou a competición, foron as rachas de vento. Pero a pesar de todo, os pódiums acadados polos nosos atletas foron 19, dos cales 10 foron de ouro, 6 de prata e 3 de bronce

Catro atletas obtiveron un triplete ao subir o pódium en tódalas probas nas que participaron, Oscar Broullón obtivo tres ouros (peso-disco-martelo), Raúl Dacosta 2 ouros (lonxitude e triple) e prata en 80 m.l., Noa Rouco 1 ouro(80 m.l.)e 2 pratas (lonxitude e 500 m.l.) e Anxo Rodas 1 ouro(Xavalina), 1 prata (peso) e 1 bronce (80 m.l.)

Os outros pódiums foron:
-OURO: Paula Martinez (80 m. valados), Patricia Torres obtivo dous (peso e disco)
-PRATA: Melani Conde en 1000 m.l. e Noelia Graña en triple
-BRONCE: Noelia Graña en 150 m.l. e Noa García en 3 km marcha

Os cadetes poderon participar en algunhas probas como os saltos de pértega, lonxitude e triplo; os lanzamentos de disco e martelo e as carreiras de 3000 m lisos e de marcha, pero non puderon pasar a mellora nos concursos por falta de tempo

Resultados provincial pista aire libre 2011

XVII XORNADA DE ATLETISMO BASE

Publicado el por

O Club Atletismo Vila de Canagas organiza a XVII XORNADA DE ATLETISMO BASE coa colaboración da DEPUTACIÓN PROVINCIAL.

Será o 13 de maio do ano que corre, a partir das17:30 horas, no estadio Municipal de atletismo de Cangas.

Tátase dunha competición en modalidade de probas combinadas; é dicir, os rapaces terán que participar en 3 ou 4 probas para poder puntuar. Os atletas que participen deberán ter o seu ano de nacemento entre o 2000 e o 2006, ambos incluidos.

Haberá trofeos  para os tres primeiros de cada categoría e medallas e bocatas para todos os participantes.

Os nenos/as poderán inscribirse como representantes do seu colexio ou a título individual, pero non coma representante dun Club.

Pregamos a inscrición previa, que será no correo do Club: at.viladecangas@terra.es.

Para o caso de non ser posible a inscrición previa, tamén poderán inscribirse o mesmo día ata media hora antes do comenzo das probas.

Podedes descargar o regulamento complero e o horario aquí:

XORNADA B Maio2011

VIII Trofeo Vila de Cangas de Pista

Publicado el por

Cangas, 30 de abril de 2011.

Certamente, o tempo respetounos onte. As ameazas de abundantes chuvias non se cumpliron e aínda que a primeira hora o día estaba nublado, o longo da mañá mesmo houbo que quitar a chaqueta.

A participación foi numerosa, quizais non tanto nas categorías maiores , onde moitos se estaban reservando para a competición de liga que se celebra hoxe, como nas categorías menores. De todas as probas programadas, foi a de 500 metros lisos a que tivo máis participación. Entre as mulleres non houbo sorpresas: a campiona foi Iria Rodríguez do Porriño. Entre os homes, houbo reclamacións.

O que máis satisfacións deu os nosos atletas foron os lanzamentos. Antía Román, que xa tiña marca para o campionato de España, mellorou a súa marca persoal, chegando a lanzar coa súa xavelina 35’13 metros. Raquel. O mesmo hai que dicir de Pablo Castro na modalidade de disco, cun lanzamento de 44’99 metros. En canto a Raquel Villa, xa tiña marca en peso para o campionato de España, pero pesou que ir só para facer unha proba non valía a pena, así que onte fixo marca tamén en disco.

Resultados VIII Trofeo Vila Cangas Pista

CAMPIONATO GALEGO DE CLUBS

Publicado el por

Ourense, 16 de abril de 2011
Este ano tampouco puido ser. Todos sabiamos que o Vila de Cangas non estaba entre os favoritos, pero a ilusión non no la quitaba ninguén. Os nosos atletas fixeron máis ou menos o que se esperaba deles, pero a competencia era moi forte.
O día estivo cheo de incidencias, boas e malas: a pouco de empezar a competición un dos favoritos no salto con pértega, Luis Moro, mandouse unha man ó partir en tres cachos a pértega que estaba a usar; Ana Peleteiro logrou o record de España en triplo; Angel Ferrari fixo unha verdadeira carreira de obstáculos ó caer dúas veces; Daniel Chorén tivo a súa primeira experiencia dentro dunha ambulancia, con sirena e todo; Aida Amoedo consegue marca para o campionato de España, pero non lle mediron o vento…
O próximo ano seguiremos intentándoo. Seguro que seguiremos sen ser favoritos, pero si melloramos a posición deste ano, xa será un éxito. Nesta tempada acudimos ó campionato sen os nosos atletas máis destacados, xa fora por lesión ou por outras cuestións alleas ó Club.
Os pronósticos non fallaron e entre as mulleres venceron as do Ría Ferrol, seguidas das do Ourense-Academia Postal e do Celta feminino. As nosas quedaron oitavas, pero a só un punto das sétimas e a cinco das sextas.

Nos homes proclamáronse campións os do Ourense – Academia Postas, seguidos dos da S. G. de Pontevedra e dos do ADAS. Os do Vila de Cangas remataron sextos .
Estes son os atletas do Vila de Cangas e os do seu filial Suárez Marquier que competiron e o resultado do posto acadado:
HOMES:
Miguel González : 6º en triple
André Castelo: 5º en 400 m.v. e 7º en 400 m.l.
Brais Otero: 6º en peso
Juanma Novo: 3º en pértega e 6º en 110 m.v.

Seguir leyendo →

VIII TROFEO VILA DE CANGAS DE ATLETISMO EN PISTA

Publicado el por

O Club Atletismo Vila de Cangas, co patrocinio do Ilmo. Concello de Cangas e a Fundación Cangas Deporte, organiza o VIII Trofeo Atletismo Vila de Cangas en Pista, a celebrar no Estadio Municipal de Cangas de Morrazo o día 30 de abril de 2011
1.VIII Trofeo Club Atletismo Vila de Cangas en Pista Aire Libre 30 Abril 2011
2.Horario previsto das probas

HORARIO-CANGAS
13:30
Entrega de trofeos
3.Na lonxitude masc. e fem. colocarase unha única táboa de batida a 3m.
4.A competición está reservada a atletas con licencia federativa ou do deporte escolar en vigor.
5.Cada atleta poderá participar como máximo en dúas probas.
6.As inscripcións deberán ser entregadas en secretaría media hora antes da sinalada para o inicio de cada proba.
7.Concederase trofeo o gañador de cada proba.
8.O ilmo. Concello de Cangas, A Fundación Cangas deporte, o Club Atletismo Vila de Cangas e os seus colaboradores, non se fan responsables sobre os posibles danos que con motivo da competición poidan corresponder ante o seguro deportivo ou outra entidade.
9.As reclamacións e todo o non previsto neste regulamento, resolverase dacordo co regulamento en vigor da Federación Internacional de Atletismo.
10.O control e dirección das carreiras e concursos estará a cargo do Comité de xuices da Delegación de Atletismo de Vigo.
11.A inscripción neste evento deportivo, implica a aceptación deste regulamento