Un ano máis o club Atletismo Vila de Cangas organizou este domingo 6 de decembro o Trofeo de Pedestrismo do Concello de Cangas.

O tempo aínda se portou medianamente ben coas categorías máis pequenas, pero cando se estaba disputando a última das carreiras das categorías menores, empezou a chover cada vez máis forte. Pese ao mal tempo a participación foi moi numerosa, chegando a alcanzar case os 800 participantes chegados de moitos puntos de España como Cartagena, País Vasco, Asturias, Madrid e tamén de Portugal.