Lugo, 2 e 3 de xullo de 2021

     O Estadio Gregorio Pérez Rivera de Lugo foi ocupado durante dous días para a disputa do CAMPIONATO GALEGO SUB 16-18 AO AIRE LIBRE, ademáis do CAMPIONATO GALEGO DE PROBAS COMBINADAS, para as mesmas categorías. Na xornada do venres participou a sección masculina ao completo e unha boa parte do equipo feminino, moito máis numeroso. Juan Gallego e Luca Piñeiro loitaron na seminfinal dos 100 m.l. sendo 4º e 6º nas suas repectivas semifinais, sen conseguir progresar a final. Manuel Lemos foi 4º na pértega, empatado co 3º cun salto de 2,81 m. o seu irmán Ruben Lemos non acadou marca no concurso. Na xornada do sábado Carlos López e Juan Gallego acadaron os postos 15º e 21º na proba de 600 m.l.

     Marta Rua comezou a participación feminina na tarde do venres cun 6º posto no lanzamento de martelo. Agata Rodríguez sumou a primeira medalla nesta xornada, foi BRONCE en 100 m.v., ao día seguinte rematou 4ª nos 300 m.v. Marta Camaño, Marieta Lourido e Carmen Fraga disputaron as semifinais de 100 m.l. rematando 4ª, 7ª e 6ª nas suas repectivas series. Ademáis Carmen Fraga foi 4ª na final do salto de lonxitude, disputado na xornada do sábado. Noa Piñeiro tamén tivo que participar nos dous días acadando o 4º posto na semifinal dos 100 m.v. e sendo 14ª nos 300 m.v. Iris Malvido rematou 5ª  en pértega e 9ª na marcha. Ariadna Becerra foi 8ª  na pértega. Sara Nerga pechou a participación do venres cun 7º posto nos 1500 obstáculos.

     Na xornada do sábado salientar unha notable participación, que se traduciu en 4 medallas e varias marcas persoais. Gema Dacosta copou as victorias nos concursos de peso e disco. No peso estivo acompañada de Claudia Carcer, que rematou Subcampioa Galega, engandindo un 7º posto no concurso de lonxitude. Uxia Sánchez estivo a piques de progresar a final de 300 m.l., quedalle como premio un magnifico tempo. Maialen Fernández, sen poder correr por unha lesión, adaptouse ao lanzamento de xavelina acadando o Subcampionato Galego. Lucia Gil foi 8ª no triple salto e 14ª nos 600 m.l. Cristina Taboada repetiu posto nos concursos de disco e xavelina, o agridulce 4º lugar, eso sí acompañado dunhas boas marcas. Nerea Malvido rematou 6ª na proba dos 3000 m.l.

     Diego Martínez participou no octatlon Sub 16, acadando os 3748 puntos que lle deron o Subcampionato Galego. Parabens a tod@s polo esforzo.