CAMPIONATO DE ESPAÑA XUVENIL

Aranjuez, 7-8 xullo 2012

Destacada actuación dos atletas do C. Vila de Cangas na participación do noso clube no Campeonato de España Categoría Xuvenil celebrado este pasado fin de semana en Aranjuez, Madrid.
Na xornada do sábado tarde, con temperaturas entre 30 e 35 graos, magnífico resultado de Aida Amoedo clasificándose para a final do domingo na proba de 400 metros lisos co cuarto mellor tempo das participantes, 58»79 e mellor marca persoal. Tinín Maquieira non puido competir nas semifinais desta mesma proba por unhas molestias nos isquios, que esperamos que non sexan demasiado graves. Nuns intres despois, comezaría a proba de peso masculino, onte o noso atleta Pablo Castro acudía en gran estado de forma, tras igualar fai pouco en Vigo o récord galego da categoría con 16.29m. Finalmente, Pablo conseguiu un meritorio cuarto posto cun mellor lanzamento de 15.88 metros.
Na xornada do domingo pola mañá, ben cedo nos desprazamos á pista. Ás 10.20 daríase á saída aos 5km marcha femininos, onde competiría Mar Chillón, que posuía unha das mellores marcas na proba do ano. O calor xa apretaba ben forte a esas horas. Ao remate da proba, Mar non puido conseguir máis que o bronce cun tempo de 24 minutos e 59 segundos, quedando a uns segundos da súa mellor marca conseguida a semana anterior.
Na tarde do domingo, terían lugar o resto de participacións do noso equipo, a final do 400ml feminino, o peso feminino e o disco masculino. Primeiro, correu Aida, sendo consciente das súas posibilidades na proba. Acadou un merecido cuarto posto mellorando ainda máis a súa nova marca, cuns brillantes 58»56. Posteriormente, no peso feminino de 3kg Raquel Villa rematou no noveno posto cunha marca de 11.98m, mostrando unha evolución positiva na súa fase de recuperación. Concluíndo a participación dos nosos atletas neste campionato, Pablo competiu por segunda vez neste fin de semana, esta vez no lanzamento de disco de 1,5kg conseguindo un grato décimo posto cunha marca de 40.10m.
Mar.

CAMPIONATO GALEGO ABSOLUTO

Vigo, 1 de xullo de 2012
A Delegación de Atletismo de Vigo foi este ano a encargada de organizar “ o Campionato por excelencia da autonomía”.
A xornada estivo marcada por un vento excesivo que invalidou moitas das marcas logradas.
Reuniu os atletas galegos máis destacados, entre os que se atopaba a galega máis de moda nesta tempada, Ana Peleteiro, aínda que sorprendentemente non participaba na súa proba de triplo. Competiu na proba dos 100 m.l., onde demostrou que tampouco se lle daba nada mal.
Para participar neste campionato requiríanse unhas mínimas e algúns dos nosos atletas desprazáronse a Vigo, sendo a actuación máis relevante a da xuvenil Mar Chillón, que acadou o terceiro posto na súa proba de marcha.
Resultados:
Adrián Bouza Díaz: 11º nos 1500 m.l.
Angel Menduiña Gutiérrez: 6º nos 10 km marcha
Juanma Novo Pardavila: 6º nos 110 m. valados
Noelia Graña Casas:12ª nos 100 m.l. ( 8ª na súa serie)
Aida Amoedo Portabales: 4ª nos 400 m.l.
Mar Chillón Camaño: medalla de bronce nos 5km marcha
Rebeca Obenza Otero: 4ª nos 5 km marcha
María Jesús Novo Pardavila: 4ª nos 400 m. valados

RECOÑECEMENTO ÓS ATLETAS DESTACADOS

Este sábado, 14 de xullo, no Salón de Plenos do Concello, faráselle un recoñecemento público ós atletas destacados da presente tempada. Será as 17 horas. Non cheguedes tarde ou non sairedes na foto. Durante este acto faráselle entrega duns pequenos agasallos.
Logo teremos, como todos os anos a asemblea xeral, onde daremos conta, entre outras cousas, dos méritos da tempada.
A xornada rematará cunha cea para todos os socios e simpatizantes do Club. Os atletas maiores poderán asistir aportando unha módica cantidade, o resto será abonado polo Club. Nos tamén temos que facer “recortes”.
En canto os atletas destacados das categorías inferiores, irán a “Aquapark” o venres 20 de xullo, e non o sábado como se dixera nun principio. Sentíndoo moito, estes tamén teñen que pagar unha pequena parte.
Vémonos sábado! Non faltedes!

21º GRANDE PRÉMIO INTERNACIONAL DE RIO MAIOR EM MARCHA ATLÉTICA

Portugal, 14 de abril de 2012
Este ano a presenza do noso Club nesta competición foi testimonial ao coincidir nese mesmo día a celebración do Campionato Galego de Clubs en pista ao aire libre.

Rebeca Obenza participou no 20km, marcha feminino co obxectivo de acadala mínima para os 10km do Campionato Promesa de España, acadando no paso polo 10km un resultado satisfactorio de 00:55:39. A ganadora da proba foi a nosas compatriota Beatriz Pascual.

APERTURA DO PRAZO PARA PRESENTAR CANDIDATURAS A XUNTA DO CLUB

O Club Atletismo Vila de Cangas abre o prazo para presentar as candidaturas a xunta directiva do club.

Tódolos interesados en relevar á actual xunta teñen dende o 22  hasta o 30 de Xuño de 2012 para a presentación das candidaturas. A publicación das mesmas farase o 5 de Xullo do 2012. O prazo de reclamacións é do 6 ao 9 de dito mes.

É requisito imprescindible para presentar a candidatura ser socio e estar ao corrente nas cuotas.

 Na candidatura farase constar o nome completo e o seu respectivo D.N.I. e  enviaranse ao Apdo. de Correos 179 cp. 36940. Publicaranse na páxina web do club, no tablón da Fundación Cangas Deporte e enviarase á prensa.

Campionato Galego Equipos (Benxamín-Alevín-Infantil)

Riveira a 16 de xuño de 2012

Cita co Campionato Galego de Equipos nas categorias Benxamín, Alevín e Infantil, sabado en xornada de mañá a disputar na localidade coruñesa de Riveira. Presentamos seis equipos para a competición dos cales unha vez finalizada a xornada todos subiron ao podio. Realmente satisfeitos quedámonos con tres equipos Campeones Galegos, Dous subcampions e un terceiro lugar. A misión non era doada estaban os mellores equipos de Galicia, por todo iso cabe aínda máis destacar o labor dos nosos atletas que lograron sen discusión o mellor resultado global de todos os clubes e tamén cabe significar que a modalidade de equipos achega eses momentos magníficos de unión dos compañeiros e a recompensa de poder subir tod@s ao podio e ser participes do éxito conseguido. O detalle dos equipos foi así: Benxamín Homes-Mulleres-Alevin Homes (Campions Galegos) Alevín Mulleres e Infantil Homes (Subcampións Galegos) e Infantil Mulleres (Terceiro Posto).  Parabéns a tod@s  ele/as, déixovos unha foto do grupo e os resultados.

Resultados

CAMPIONATO GALEGO XUNIOR- PROMESA Ó AIRE LIBRE

Ourense, 9 de xuño de 2012.

“Ata o 40 de maio non te saques o saio”. Iso é o que reza o noso refraneiro, pero este ano habería que aplicarlle aquilo de: “nin no 40 de maio te quites o saio”.
A data sinalada para este campionato galego debería ser de calor e bo tempo, pero o que os nosos atletas se atoparon cando chegaron a Ourense foi moito frío para estar en xuño. Isto notouse sobre todo nas gradas, que estaban desertas de público.
Con todo, os nosos atletas fixeron todo o posible para subir o podio, e todos eles o conseguiron. A que máis Mónica Cabirta Gutiérrez, que o día seguinte tiña maniotas de tanto subir e baixar do caixón. Para ela foron as medallas de ouro nos 100 m. valados e nos 400 m. valados , de prata no salto de altura e salto de lonxitude e foi 4º en 100m. lisos. Juanma Novo Pardavila trouxo a prata nos 110 m. valados e quedou 6º en xavelina.
Entre as xunior, Alejandra Vidal Gómez levou a medalla de bronce nos 100 m.l.; Nerea Outeiral Vilas a de prata nos 400 m.l.; e Ainara Rodíguez Nogueria a de ouro nos 800 m.l.
Neste campionato, pero fora de concurso, tamén participo Aida Amoedo nos 200 m.l., onde quedou 2ª, e nos 400 m.l. (3ª). María Novo Pardavila encabezou a proba dos 400 m. valados, logrando superar a súa marca persoal .

CAMPIONATO GALEGO ESCOLAR INFANTIL – 3 MEDALLAS

Pontevedra 26 Maio 2012 – Xornada de tarde

A tarde, climatoloxicamente, non foi tan inestable coma a mañá, so houbo dous chuvascos de importancia que non impediron que a competición seguira a orde establecida

A primeira medalla non se fixo esperar, xa que  foi nunha das primeiras probas que se disputaron, Noa García proclamouse campiona galega ó saltar 2.20m no salto con pértega. Na marcha, unas das últimas probas, Noa tivo que abandonar por estar lesionada. Andrés Obenza nesta proba, na que houbo moita participación,  foi 4º e 7º en martelo

Nos lanzamentos obtivemos outra medalla, Samuel Alonso é o novo subcampeón galego no lanzamento de peso,  participou en disco sendo 5º , acompañábao  Dani Calvar que foi 11º. Samuel tamén participou en lanzamento de xavalina onde foi 14º e Andrés Guitián, que participaba por primeira vez nun galego foi 7º

As rapazas que participaron en lanzamentos foron Saray Amoedo en peso sendo 8ª. Ana Fandiño  9ª en martelo e Paula Santos 11ª en xavalina

A terceira medalla conseguiuna Alba Vidal. Nesta ocasión foi a medalla de bronce na carreira de 3000 m.l.  Foi unha carreira moi dura e Alba loitou moitisimo. Pouquiño a pouco e metro a metro, conseguiu alcanzar a rapaza que ía diante dela e adiantala, acadando o terceiro posto.

 Martina Paramos non tivo sorte xa que na semifinal de 80 m.v. caiu cerquiña da meta, pero levantouse e finalizou a carreira pero sen clasificarse  para a final. Quedou toda magoada con feridas polas pernas, pero a pesar de todo seguiu competindo. Nos 220 m.v. clasificouse para a final na que terninou 6ª. No triple salto foi 5ª

Acompañaron a Martina en triple, Saray Amoedo sendo 9ª e os rapaces Alejandro Mariño 12º e Adrián Outeiral 8º. Dani Armada foi 7º nos 80 m.v. e 8º nos 1000 m. obstáculos

En salto de lonxitude Adrián Outeiral foi 5º e Jorge Piñeiro 10º.David Lorenzo foi 6º en altura

En resumen, obtivemos 3 Medallas:

                    -Oro: Noa García – Pértega (2,20 m)

                    -Prata: Samuel Alonso – Peso (9.97 m)

                    -Bronce: Alba Vidal – 3000 m.l. (11:49.0 min.)

Outros resultados: Seguir leyendo

post

Campionato Galego Benxamín-Alevín Pista Aire Libre

Ferrol a 2 de xuño de 2012.

Madrugamos para coller o autobús ás 07’00 horas do sábado, o campionato galego disputábase en Ferrol e aínda nos quedaban dúas longas horas de viaxe. A cita era importante ían a competir as 16 mellores marcas por proba de Galicia. As probas a disputar por cada atleta eran un máximo de duas, o desenvolvemento destas foi en xornada de mañá e como diría Guardiola «dos árbitros mellor non falamos». As derradeiras probas desenvolvéronse sobre as 14:00 horas polo que a nosa chegada a Cangas se retrasou bastante. Significar que se conseguiron 21 medallas en total nas dúas categorías. Próxima cita en Riveira o 16 de xuño Galego por equipos das mesmas categorías. 

Así se clasificaron os nosos atletas:
Ana Piñeiro, 1º marcha- 4º lonx.
Teo Iglesias, 1º marcha
Valeria Fernández, 1º marcha- 14º altura
Jesús Guimerans, 3º marcha
Gabriel Dacosta, 5º 50 m.l.- 2º 500 m.l.
Carlos Pérez, 9º 500 m.l.- 1º pelota
Martín Pardavila, 13º 500m.l.
Antón Iglesias, 5º 1000 m.l.

Seguir leyendo