Archivo de la categoría: 2010-11

PROVINCIAL CATEGORÍA INFANTIL E CONTROL CADETE

Publicado el por

Pontevedra, Sábado 7 Maio, xornada de mañá.
O día caracterizouse polo mal tempo. A chuvia anegou as pistas e ata houbo que parar a competición xa que choveu intensamente, o que fixo necesario que se “barrera” as pistas ou os círculos de lanzamentos para poder competir con certa normalidade.

Outro fenómeno atmosférico que perxudicou a competición, foron as rachas de vento. Pero a pesar de todo, os pódiums acadados polos nosos atletas foron 19, dos cales 10 foron de ouro, 6 de prata e 3 de bronce

Catro atletas obtiveron un triplete ao subir o pódium en tódalas probas nas que participaron, Oscar Broullón obtivo tres ouros (peso-disco-martelo), Raúl Dacosta 2 ouros (lonxitude e triple) e prata en 80 m.l., Noa Rouco 1 ouro(80 m.l.)e 2 pratas (lonxitude e 500 m.l.) e Anxo Rodas 1 ouro(Xavalina), 1 prata (peso) e 1 bronce (80 m.l.)

Os outros pódiums foron:
-OURO: Paula Martinez (80 m. valados), Patricia Torres obtivo dous (peso e disco)
-PRATA: Melani Conde en 1000 m.l. e Noelia Graña en triple
-BRONCE: Noelia Graña en 150 m.l. e Noa García en 3 km marcha

Os cadetes poderon participar en algunhas probas como os saltos de pértega, lonxitude e triplo; os lanzamentos de disco e martelo e as carreiras de 3000 m lisos e de marcha, pero non puderon pasar a mellora nos concursos por falta de tempo

Resultados provincial pista aire libre 2011

XVII XORNADA DE ATLETISMO BASE

Publicado el por

O Club Atletismo Vila de Canagas organiza a XVII XORNADA DE ATLETISMO BASE coa colaboración da DEPUTACIÓN PROVINCIAL.

Será o 13 de maio do ano que corre, a partir das17:30 horas, no estadio Municipal de atletismo de Cangas.

Tátase dunha competición en modalidade de probas combinadas; é dicir, os rapaces terán que participar en 3 ou 4 probas para poder puntuar. Os atletas que participen deberán ter o seu ano de nacemento entre o 2000 e o 2006, ambos incluidos.

Haberá trofeos  para os tres primeiros de cada categoría e medallas e bocatas para todos os participantes.

Os nenos/as poderán inscribirse como representantes do seu colexio ou a título individual, pero non coma representante dun Club.

Pregamos a inscrición previa, que será no correo do Club: at.viladecangas@terra.es.

Para o caso de non ser posible a inscrición previa, tamén poderán inscribirse o mesmo día ata media hora antes do comenzo das probas.

Podedes descargar o regulamento complero e o horario aquí:

XORNADA B Maio2011

VIII Trofeo Vila de Cangas de Pista

Publicado el por

Cangas, 30 de abril de 2011.

Certamente, o tempo respetounos onte. As ameazas de abundantes chuvias non se cumpliron e aínda que a primeira hora o día estaba nublado, o longo da mañá mesmo houbo que quitar a chaqueta.

A participación foi numerosa, quizais non tanto nas categorías maiores , onde moitos se estaban reservando para a competición de liga que se celebra hoxe, como nas categorías menores. De todas as probas programadas, foi a de 500 metros lisos a que tivo máis participación. Entre as mulleres non houbo sorpresas: a campiona foi Iria Rodríguez do Porriño. Entre os homes, houbo reclamacións.

O que máis satisfacións deu os nosos atletas foron os lanzamentos. Antía Román, que xa tiña marca para o campionato de España, mellorou a súa marca persoal, chegando a lanzar coa súa xavelina 35’13 metros. Raquel. O mesmo hai que dicir de Pablo Castro na modalidade de disco, cun lanzamento de 44’99 metros. En canto a Raquel Villa, xa tiña marca en peso para o campionato de España, pero pesou que ir só para facer unha proba non valía a pena, así que onte fixo marca tamén en disco.

Resultados VIII Trofeo Vila Cangas Pista

CAMPIONATO GALEGO DE CLUBS

Publicado el por

Ourense, 16 de abril de 2011
Este ano tampouco puido ser. Todos sabiamos que o Vila de Cangas non estaba entre os favoritos, pero a ilusión non no la quitaba ninguén. Os nosos atletas fixeron máis ou menos o que se esperaba deles, pero a competencia era moi forte.
O día estivo cheo de incidencias, boas e malas: a pouco de empezar a competición un dos favoritos no salto con pértega, Luis Moro, mandouse unha man ó partir en tres cachos a pértega que estaba a usar; Ana Peleteiro logrou o record de España en triplo; Angel Ferrari fixo unha verdadeira carreira de obstáculos ó caer dúas veces; Daniel Chorén tivo a súa primeira experiencia dentro dunha ambulancia, con sirena e todo; Aida Amoedo consegue marca para o campionato de España, pero non lle mediron o vento…
O próximo ano seguiremos intentándoo. Seguro que seguiremos sen ser favoritos, pero si melloramos a posición deste ano, xa será un éxito. Nesta tempada acudimos ó campionato sen os nosos atletas máis destacados, xa fora por lesión ou por outras cuestións alleas ó Club.
Os pronósticos non fallaron e entre as mulleres venceron as do Ría Ferrol, seguidas das do Ourense-Academia Postal e do Celta feminino. As nosas quedaron oitavas, pero a só un punto das sétimas e a cinco das sextas.

Nos homes proclamáronse campións os do Ourense – Academia Postas, seguidos dos da S. G. de Pontevedra e dos do ADAS. Os do Vila de Cangas remataron sextos .
Estes son os atletas do Vila de Cangas e os do seu filial Suárez Marquier que competiron e o resultado do posto acadado:
HOMES:
Miguel González : 6º en triple
André Castelo: 5º en 400 m.v. e 7º en 400 m.l.
Brais Otero: 6º en peso
Juanma Novo: 3º en pértega e 6º en 110 m.v.

Seguir leyendo →

VIII TROFEO VILA DE CANGAS DE ATLETISMO EN PISTA

Publicado el por

O Club Atletismo Vila de Cangas, co patrocinio do Ilmo. Concello de Cangas e a Fundación Cangas Deporte, organiza o VIII Trofeo Atletismo Vila de Cangas en Pista, a celebrar no Estadio Municipal de Cangas de Morrazo o día 30 de abril de 2011
1.VIII Trofeo Club Atletismo Vila de Cangas en Pista Aire Libre 30 Abril 2011
2.Horario previsto das probas

HORARIO-CANGAS
13:30
Entrega de trofeos
3.Na lonxitude masc. e fem. colocarase unha única táboa de batida a 3m.
4.A competición está reservada a atletas con licencia federativa ou do deporte escolar en vigor.
5.Cada atleta poderá participar como máximo en dúas probas.
6.As inscripcións deberán ser entregadas en secretaría media hora antes da sinalada para o inicio de cada proba.
7.Concederase trofeo o gañador de cada proba.
8.O ilmo. Concello de Cangas, A Fundación Cangas deporte, o Club Atletismo Vila de Cangas e os seus colaboradores, non se fan responsables sobre os posibles danos que con motivo da competición poidan corresponder ante o seguro deportivo ou outra entidade.
9.As reclamacións e todo o non previsto neste regulamento, resolverase dacordo co regulamento en vigor da Federación Internacional de Atletismo.
10.O control e dirección das carreiras e concursos estará a cargo do Comité de xuices da Delegación de Atletismo de Vigo.
11.A inscripción neste evento deportivo, implica a aceptación deste regulamento

GRANDE PREMIO DE MARCHA DE RIO MAIOR

Publicado el por

Execelente actuacións dos nosos marchadores/as no Gran Premio de Marcha de Rio Maior 2011. Partíamos cun certo medo ás temperaturas, pois adoita facer moita calor nesta vila portuguesa, unha lixeira brisa e un ceo con algunhas nubes fixeron levadeira a competición.
Competimos en dúas categorías:
2 km na que Andrés Obenza foi 6º alevín homes
5 km Angel Menduiña 9º en homes absoluto 5º junior.
5km Mar Chillón campiona da proba feminina 1ª mulleres absoluta
Rebeca Obenza 5º mulleres.
Iria Piedras 18ª muleres e 7ª na súa categoría
3º por equipas nos 5 km marcha mixto.
Na proba internacional disfrutamos vendo subir ao pódium en segunda posición a Bea Pascual, e fixemos unas cantas fotos co ruso campión da proba Valeriy Borchin
No entorno do circuito os nenos dispoñian de xogos gratuitos co motivo do día da saúde, tirolina, futbol, tiro con arco,etc.

CAMPIONATO GALEGO DE CLUBES DE PISTA AIRE LIBRE

Publicado el por

O vindeiro sábado 16 de abril celebrarase en Ourense o campionato galego de clubs ó aire libre.
O vila de Cangas participará tanto na categoría masculina como na feminina.
Entre as mulleres, ademais do Vila de Cangas, estarán Ourense Atletismo Academia Posta, Ría Ferrol, Atletismo Celta, San Fernando Lucus, Adas e a Gimnástica de Pontevedra.
Cós homes competirán Atletismo Academia Postal, Gimnástica, Celta, Narón, Adas e Lucus.
Nós desprazarémonos ata Ourense en autobús, que sairá de Cangas ás 8 da mañá.
Aquí podedes convocar ós convocados. Si alguén non figura na lista, debe comunicarse có seu adestrador por si hai algún erro.

galego de clubes mulleres

cto de clubes homes

Zonal Pista Alevín- Benxamín

Publicado el por

Cangas, 02 de abril de 2011

Era sábado e xogabamos na casa, as pistas de atletismo de Verín-Coiro foron o lugar elexido para o Zonal de pista das categorías benxamín e alevín. A primeira proba foi os 2000 metros de marcha en categoría alevin, Andres Obenza foi o representante do Vila de Cangas, quen con 12:37,4 acadou a segunda plaza. Xa en marcha benxamin a distancia foi de 1000 metros, ali foron Valeria Fernández, Ana Piñeiro e Valería Rodríguez, por esta orde de chegada as participantes. Na misma categoría en homes foi Jesús Guimerans o primeiro clasificado cun tempo de 8:21,3. Despois comenzarón as series de 100 metros lisos correndo ambas categorías conxuntamente, nunha carreira de homes e outra de mulleres. Na serie feminina Alba Vidal fixo un tempo de 3:41,0, e a benxamín Laura Magadaleno parou o crono en 5:18,9. En homes o alevín David Lorenzo finalizou en 3:30,4, seguido polos seus compañeiros de categoría Daniel Armada con 3:37,8, Ismael Otero con 3:41,3 e Juan Piñeiro con 3:59,3, xa como benxamin Hugo Fernández acodou un tempo de 4:18,7. En xeral e un dos fíns de estas probas, acadar marcas nas diferentes disciplinas atléticas. Salientar que se conseguiron marcas moi prometedoras, tal foi o caso de David Lorenzo quen saltou en altura 1,26, a benxamín Sandra Souto realizou os 500 metros lisos en 1:39,5, tamen o alevin Julian Villa na mesma distancia rematou en 1:33,7. No salto de lonxitude o alevín Gabriel Fernández saltou ata os 3,93 e a benxamín Ariadna Gil acadou os 3,25. Os resultados do dia podense consultar: http://www.atletismogalego.com/Resultados201011/Vigo/V020411.pdf

Cross AD Castro San Miguel

Publicado el por

Vigo a 3 de abril de 2011

Se celebraba o XVII Cross Escolar Agrupación Deportiva Castro San Miguel- Trofeo NovaCaixaGalicia, mañan soleada no parque de Catrelos, sorteabanse agasallos entre os participantes. A afluencia como se pode intuir foi masiva, e como no, o Vila de Cangas cos seus atletas en edad escolar ali se personaron. Destacar que os nosos escolares pasaron o examen con matricula de honor. Na categoría de cadetes Esmeralda Corredoira acadou a 13ª plaza. De seguido correron os infantís, donde Lucia Piedras obtivo un 5º posto. As seguintes categorías Alevins, Benxamins e menores foron as que relanzaron a estadistica da mañan copando os podiums de cor amarelo. Destacar tamen que a categoría benxamin másculina correu duas veces, unha primeira volta que foi de “quencemento” donde o percorrido foi de mil metros e finalmente anulada porque os xuices non deran a sálida, tras este simulacro de carreira moitos nenos xa non quiseron disputar a proba, que se deixou para o final, pero os que a disputaron recorreron 585 metros. Foi a pequena anedota do evento, no que destacou o gran número de agasallos sorteados para todos os participantes, asi como a gran participación nas carreiras. Como novidade este ano fixeron una proba para nais e pais, e alí estuvemos e así quedamos:

Cadete mulleres.

Esmeralda Corredoira 13 º

Infantil homes.

Martín souto 14º Seguir leyendo →