Estrenamos circuito no concello de Cangas, en Darbo, na zona de Varalonga.  O lugar  está moi ben, ten unas vistas magníficas de Vigo ,a ría e a illas Cíes. Tamén se  pode mirar todo o recorrido, menos cando ao facer a volta grande, teñen que ir por abaixo. Como non ten unha zona de vestuarios e duchas, o exército colocou tres tendas de campaña, dúas para vestuarios e unha para secretaría.

As primeiras en estrenar o circuito foron as benxamíns, subiron ao pódium Ana Piñeiro, ouro, Sara Mallo, prata, as dúas do Vila de Cangas, e María do Morrazo,bronce. Clasificáronse os dous equipos do Vila. En homes  os tres primeiros foron do Vila de Cangas. Por orden de entrada foron Gabriel Dacosta, Lope Quinteiro e Teo Iglesias. Clasificáronse para o provincial un equipo do Vila e outro do Morrazo.

Na seguinte carreira, a das alevíns femenina, casi fixo falta outro aparello do que carece esta instalación, a foto finish. Tras unha dura carreira Sandra Souto conseguiu acercarse a Ariadna Gil que ía primeira todo o tempo. Tras un forte sprint, un paso foi o que as separou, quedando Ariadna primeira e Sandra segunda. As dúas son do Vila e viñan seguidas de Raquel do Samertolameu. Os equipos clasificados foron o Vila de Cangas e o Samertolameu. Nos rapaces  entraron os tres primeiros do Vila,  Carlos Bacelar (ouro) Aarón Dominguez (prata) e Antón Iglesias (bronce) e pasan o provincial os dous equipos do Vila.

Na carreira das  rapazas infantiles tamén houbo emoción. Durante toda a carreira os postos mantuvéronse, correndo con certa distancias unhas das outras. Alba Vidal foi a primeira en entrar en meta seguida de Noa García. Tras ela viña Vanesa do Morrazo   pero María Jesús Corredoira,  que aínda non se recuperara da lesión, foi acortando distancia  ata que o final, nun apretadísimo sprint  conseguíu arrebatarlle o posto, sendo María a terceira. Na carreira masculina  tivemos un invitado, José Villar, que foi o ganador moral da carreira. Os tres primeiros foron do Vila, Sergio Piñeiro (ouro), David Lorenzo (prata) e Adrián Outeiral (bronce). Tanto en homes como en mulleres clasificáronse os dous equipos do Vila.

As rapazas cadetes tamén lograron un pódium completamente amarelo ao ser as tres primeiras Noa Rouco (ouro),  Noelia Graña(prata) e Lucía Piedras (bronce) do Vila.  Julia Alonso fixo unha magnífica carreira a pesar de estar lesionada, logrando quedar cuarta. Todos os participantes na carreira dos rapaces desta categoría  clasificáronse para o provincial , xa sexa por equipos ou individualmente, xa que eran moi pouquiños. O primeiro en traspasar a liña de meta foi Eloy Guimeráns seguido de Jaime Ocaña, os dous do Vila, e o terceiro foi Andrés  do Morrazo.  Por equipos clasificáronse tanto os homes como as mulleres para ir o provincial.

O resultado final para o Vila de Cangas foi  8 ouros, 8 pratas e 5 bronces e 12 equipos clasificados  para o provincial.

Resultados cross zonal Varalonga 2012