VOLTA DAS COMPETICIONS

     Hoxe, 7 de agosto de 2020, volta a competición oficial de atletismo a Galicia. No Estadio do CGTD de Pontevedra, a partir das 17 horas, disputarase o I CONTROL DE VERAN FGA «A VOLTA DO ATLETISMO GALEGO». Deste evento serán participes vari@s amarel@s. Ariadna Gil e Saray Amoedo retoman a competición no concurso de Triple Salto. Juan Piñeiro tamén concursará  en Triple e máis nos 200 m.l. Martín Souto e Ana Cerqueiro participarán nos 100 m.l.  Finalmente a atleta SUB 16 Noa Piñeiro competirá nos 300 m.v. Cumpre lembrar que esta competición esta precedida dun protocolo de medidas contra a propagacion do COVID 19, que son as seguintes:


MEDIDAS DE ACTUACION


    Tamén estará restrinxido o acceso as Pistas e @s atletas teñen que achegar unha declaración responsable. Agardamos que estas medidas sirvan para dar continuidade a competición, de seguido amosamos un enlace para o seguimento desta proba.


RESULTADOS EN DIRECTO



CAMPIONATO GALEGO DE INVERNO DE LANZAMENTOS SUB 16 / SUB 18

Vilagarcia, 09 de febreiro de 2020

     As Pistas do Complexo Deportivo de Fontecarmoa acolleron o CAMPIONATO GALEGO DE INVERNO DE LANZAMENTOS SUB 16 / SUB 18. Durante toda a xornada os participantes evidenciaron as suas habilidades no manexo do lanzamento de disco, xavelina e martelo. Probas técnicas que requiren dun continuo adestramento e aprendizaxe. Neste contexto se moven, desde hai anos, os nosos representantes. Na categoría SUB 16 participou Erea Bastón, quen rematou SUBCAMPIOA GALEGA no lanzamento de disco cun rexistro de 30.20 m.



    Estreaba categoria SUB 18 Aaron Otero cun lanzamento de 38.23 m. no martelo, supusolle proclamarse SUBCAMPION GALEGO. So nos queda felicitalos polos logros acadados, sodes GRANDES lanzadores.



PLAN DE VIAXE PARA CONTROL MARCAS A POBRA

     Achegamos HORARIO provisional das probas previstas no control federado de marcas o vindeiro domingo 9 de febreiro no Estadio da Alta (Cabío, A Pobra do Caramiñal). Para esta competición o adestrador Calvar conta con levar o maior numero de atletas posible. A idea e mellorar ou facer marcas de cara ao vindeiro Campionato Galego de Pista Cuberta para as categorias menores. Vai sair un autobus da Estación de Cangas as 08:15 horas e con volta ao remate das probas. E importante CONFIRMARLLE ao adestrador a asistencia a citada competición, o xoves 6 as 22:00 h. remata a inscrición.



CAMPIONATO GALEGO DE MARCHA EN PISTA DE INVERNO

A Pobra do Caramiñal, 23 de novembro de 2019

 

     O Estadio de A Alta acolleu este pasado sábado o CAMPIONATO GALEGO DE MARCHA EN PISTA DE INVERNO. Como xa coñecedes, esta tempada alargase ata o final do ano. Será a derradeira co formato antigo. A partir do 2020, as tempadas, coincidirán cos anos naturais. Por esta particularidade, repetiamos Campionato nesta tempada, e non será o último.



   Impresionante estivo Sabela Casteloquen rematou o percorrido da categoria SUB 12 nun tempo de 10:04.19. Ademáis de proclamarse CAMPIOA GALEGA mellorou o rexistro da distancia en 30 segundos, acadando un novo RECORD GALEGO.



     Na categoria SUB 14, as irmans Iris e Nerea Malvido seguen dando guerra na marcha atletica e remataron 5ª e 19ª respectivamente na súa proba.


 

 

XORNADAS PREVIAS DA LIGA ABANCA

     A Federación Galega de Atletismo organizará a VIII Liga Galega ABANCA DE CATEGORÍAS MENORES DE INVERNO para as categorías Sub10, Sub12 e Sub14 integrada por varias xornadas previas clasificatorias a celebrar en varias zoas e unha final por equipos. No caso de Pontevedra vanse celebrar tres probas. Adiantamos toda a información da Liga de cara a conformar os equipos e a premura na inscrición d@s atletas.


REGULAMENTO LIGA



     O domingo 03 de novembro será en Vilagarcia, co seguinte programa de probas:


RESULTADOS EN DIRECTO



     A seguinte xornada vai ter lugar o sábado 09 de novembro   no CGTD de Pontevedra con este detalle de probas:


RESULTADOS EN DIRECTO



     A derradeira xornada clasificatoria será o sábado 30 de novembro nas pistas de Balaidos:



CAMPIONATO GALEGO ABSOLUTO EN PISTA AO AIRE LIBRE

Pontevedra, 20 de xullo de 2019

 

     O CAMPIONATO GALEGO ABSOLUTO EN PISTA AO AIRE LIBRE, marcaba no calendario o peche dos adestramentos para alguns dos pupil@s de Ramilo. A xornada do sábado foi inusualmente calurosa para un verán fresco coma o deste ano. As pistas do CGTD de Pontevedra gozaron dun ambiente atletico do que foron participes vari@s amarel@s. De maña, na proba dos 800 m.l. Lope Quinteiro rematou en 1.57.10 acadando o 5º posto e mellorando o seu rexistro . Alex Iglesias cruzou a meta en 2:03.93, moi preto da sua marca e acadando o posto 15º. A participación matinal completouna Juan Piñeiro, quen acadou o 8º posto na final do salto de lonxitude cunha marca de 6,51 m.



   De tarde chegou o turno para Aaron Domínguez, quen cun salto de 12;05 acadou o 6º posto na final do triple salto. Na final feminina deste concurso participaron Ariadna Gil e Saray Amoedo, rematando en 6º e 7º posto respectivamente. Os saltos que lle deron estas posicions foron de 11,16 e 11,15 m. Ariadna Gil tamen acadou o pase a final de 100 m.v., proba que non disputou finalmente debido a un malentendido a hora de computar as clasificadas.



CAMPIONATO DE ESPAÑA SUB 16 PISTA AIRE LIBRE

Gijón, 6-7 xullo de 2019

 

     Aaron Otero viaxou ata Asturias para disputar o CAMPIONATO DE ESPAÑA SUB 16 PISTA AIRE LIBRE. Magnifico 6º posto na final do lanzamento de peso, cunha marca de 13,61. Na final do lanzamento de martelo rematou en 8º posto cunha marca de 47,09 m. Estivo acompañado de Erea Bastónque foi 8º na final do lanzamento de disco, con 32,83 m.



CAMPIONATO DE ESPAÑA SUB 18 AO AIRE LIBRE

Castellón, 22-23 de xuño de 2019

 

     Lope Quinteiro participou no CAMPIONATO DE ESPAÑA SUB 18 AO AIRE LIBRE. Engadir que este mes de xuño foi esgotador para él,  coas viaxes das ligas, competicions, fin de curso… Desta volta corría os 800 m.l. , o que se presume a sua proba. Partía dunha marca de 1:58.15 e voltou con 1:57.30. Cousas do azar fixeron que non puidera pasar a semifinal, o que da tamen idea do nivel da competición. Para o ano máis e millor.