"Enerxia de Futuro"
Este pasado domingo 13 de marzo celebrouse o VII Cross Escolar CEIP A Rúa. Unha xornada primaveral axudou a encher o entorno do Ceip de A Rua de deportistas de todalas idades. Noraboa o ANPA por chegar ata este 7º cross e de seguro serán moitos máis. Achegamos a CLASIFICACION da carreira e un video con imaxes da xornada. Foi todo un pracer.
O sábado 19 de marzo as pistas do CGTD de Pontevedra albergaran a I XORNADA EN PISTA BENXAMIN-ALEVIN do programa Xogade. Cada atleta poderá participar nun máximo de 2 probas. No caso de ser carreiras, somentes unha poderá superar os 250m. Achegamos o LISTADO DE INSCRITOS que desenrolaran o programa de probas co seguinte HORARIO:
Oviedo 13 de marzo de 2016
Disputouse en Oviedo o CAMPIONATO DE ESPAÑA CADETE PISTA CUBERTA. En duas xornadas de sábado e domingo o Pazo dos Deportes de Oviedo foi testemuña do rendemento da categoría cadete. Unha das nosas atletas estreabase en competicións nacionais, no ámbito individual. Valería Rodriguez tras acadar o Subcampionato Galego de Pista Cuberta en lanzamento de peso, acudía a Oviedo a amosar a súa valía no Campionato de España.
Na final do concurso de peso acadou un mellor lanzamento de 10,33 m., foi no derradeiro intento. Con esta marca non obtivo o pase a mellora e rematou en 12º posto na final. De seguro que para vindeiros campionatos esta experiencia será positiva. Para a seguinte máis e mellor.
A Estrada, 12 de marzo de 2016
Pechabase a tempada de Cross do programa XOGADE. Para o Campionato Galego das categorías alevín, infantil e cadetes ultimouse o cirtuito no entorno da praia fluvial do rio Liñares. Alí tiñamos a participación dos equipos alevín e infantil masculinos. Polo primeiro, sobre un percorrido de 1800 metros, participou Joel Curro, que foi 9º, Denis Fernández, 13º, Carlos López, 35º, Yago Juncal, 37º, Daniel Quinteiro, 41º e Carlos Corredoira, 45º. A suma do equipo chegou os 66 puntos, co cal obtiveron o 5º posto.
O equipo infantil, cun circuito de 2300 metros, estivo formado por Lope Quinteiro, que rematou 8º, Jacobo Díaz, 36º, Aaron Otero, 45º, Daniel Iglesias, 46º e Adrián Pastoriza, 49º. Por equipos acadaron o 7º posto con 87 puntos.
Valeria Rodríguez vai participar no CAMPIONATO DE ESPAÑA CADETE DE PISTA CUBERTA. A atleta cadete disputará a final de lanzamento de peso o vindeiro domingo 13 de marzo. O Palacio Municipal dos Deportes de Oviedo acollera durante esta fin de semana este importante Campionato, que culmina a tempada de pista cuberta a nivel nacional. Sorte e «puxa» Valeria.
O sábado 12 de marzo a localidade de A Estrada vai acoller o CAMPIONATO GALEGO DE CAMPO A TRAVES-XOGADE. Achegamos a NORMATIVA do Campionato, onde estan clasificados os equipos alevin e infantil masculinos. Esta previsto que o autobús do deporte escolar salga de Cangas as 08:30 horas.
O circuito estará no entorno da praia fluvial do Rio Liñares. LISTADO CLASIFICADOS
A Asociación de Nais e Pais do Ceip A Rúa, coa colaboración do Clube de Atletismo Vila de Cangas e o propio centro, pon en coñecemento que o vindeiro día 13 de marzo, a partir das 10:30 horas da mañá, celebrarase o 7º Cross Escolar. No REGULAMENTO podedes consultar os detalles da citada competición.
Compre destacar a ORDE das CARREIRAS:
NON SE ADMITIRÁN INSCRIPCIÓNS O MESMO DÍA DE CELEBRACIÓN DO CROSS. SE ALGUN NENO/A QUEDOU SEN INSCRIBIR SERÁN ADMITIDOS ANTES DA SAÍDA DA SÚA CATEGORIA SEMPRE QUE QUEDEN VACANTES E POR ORDE DE CHEGADA, POR NON ASISTENCIA DALGUN INSCRITO. Premiarase con trofeo aos 3 primeiros clasificad@s de cada categoría. Non se darán medallas.
A Coruña, 06 de marzo de 2016
A diferenza das categorías menores os cadetes teñen no Campionato Galego obxetivos maiores. Non culminaba a Pista Cuberta en A Coruña. Moitas miras d@s atletas estaban postas en Oviedo, onde se celebrará o Campionato de España. Tampouco era sinxelo, parece que a presión se multiplicaba a unha semana do citado evento. Ainda así hai que ter en conta que non é nada doado máis sendo en moitos casos cadetes de primeiro ano.
Na sección masculina participou en peso Raúl Barreiro, rematando en 5º posto cun mellor lanzamento de 10,67 m. As demáís amarelas formaban parte do equipo feminino. Abriu a participación Irene Menéndez na semifinal dos 50 m.l. acadando o 3º posto da súa serie cun tempo de 7,40. Non pasou a final coa citada marca. Nos 300 m.l. María Martínez foi 2ª na semifinal, acadando o pase para a final cun tempo de 46,8. Na final rematou en 6º posto.
Ariadna Gil obtivo o pase para a final dos 50 m.v. cun prometedor 8,41. Alba Campos e Maria Rodriguez non pasaron da semifinal con sendos tempos de 8,80 e 9,60. Na final Ariadna Gil rematou 5ª, sendo as catro primeiras marcas da final marca mínima para o Campionato de España, ademáis da gañadora batir o record galego. Veronica Núñez no concurso de altura foi 6ª superando o listón en 1,37.
No concurso de lonxitude Irene Menéndez andivo preto do podio, empatando coa terceira con 4,71. Ariadna Gil rematou en 5º posto con 4,69. En lanzamento de peso contamos coa presenza de Valeria Rodríguez que rematou subcampiona galega con 10,13, ademáis das irmans Alba e Laura Campos, que foron 10ª e 13ª respectivamente.
A Coruña 5 de marzo de 2016
Intensa xornada de atletismo que vivimos no Pazo dos Deportes de Riazor. Tres categorías culminaban a tempada de Pista Cuberta cun Campionato Galego onde se daban cita as mellores marcas nas diferentes disciplinas atléticas.
Preto de 30 amarel@s acadaron praza para participar no CAMPIONATO GALEGO BENXAMIN, ALEVIN E INFANTIL DE PISTA CUBERTA. Despois dunha longa xornada, iso si a cuberto, voltamos para Cangas con 12 medallas. Cinco de ouro, duas de prata e cinco de bronce, máis un record Galego no peso infantil.
Na categoría benxamín homes estiveron Raul Rial que foi 5º tanto en 1000 m.l. coma no salto de lonxitude e Sergio Valladares que acadou o bronce na lonxitude. Nas mulleres participaron Gema Dacosta, que fixo doblete, Campiona en lanzamento de peso e bronce en lonxitude. Noa Nerga foi subcampiona en peso e 5ª en altura. Sara Nerga rematou 9ª en 1000 m.l. e 10ª en altura. Lara Iglesias, 5ª en 1000 m.l. e 10ª en lonxitude.
Na categoría alevin homes Daniel Quinteiro foi 13º no 500 m.l. e 3º na semifinal de 50 m.l. sen pasar a final, o mesmo lle pasou a Manuel Roca na súa quenda dos 50 m.l., no peso si que disputou a final acadando o 6º posto. Denis Fernández foi bronce en 1000 m.l. e 10º en lonxitude. Carlos Menduiña rematou 12º nos 1000 m.l. Eloy Domínguez foi 7º no lanzamento de peso. Nas mulleres destacar o Campionato Galego acadado por Erea Bastón en lanzamento de peso. Paula Amigo que rematou 7ª na lonxitude e Nuria Argibay 11ª en peso.
O equipo infantil masculino aportou sete membros o Campionato. Jacobo Diaz rematou Campión Galego en salto de altura e pértega. Lope Quinteiro foi Campión en peso e Subcampión en 1000 m.l. Engadir o magnifico lanzamento de 12,53 mts. que supuso mellorar o RECORD GALEGO no lanzamento de peso. Daniel Iglesias foi 5º en triple salto e 13º en 1000 m.l. Adrián Pastoriza acadou o bronce en altura e 6º en 50 m.v. Gabriel Dacosta, 4º en triple salto e 6º en lonxitude. Pedro Verdeal rematou 13º en lonxitude.
Nas mulleres da categoría infantil contamos con Ainoa Santos que foi bronce en peso e 3ª na semifinal dos 50 m.l. sen praza para a final. Maria Rial, 4ª en triple salto en 5ª en 50 m.l. Colomba Carballal, 12ª no salto de altura e 3ª na semifinal dos 50 m.v. sen pase a final. Sabela López, 6ª na pértega e Sara Mallo 9ª en 1000 m.l.
Case sen tempo para dixerir o Campionato, o día seguinte en Balaidos disputabase a II Xornada de Pista Xogade para a categoría infantil. Sorte que son xovenes e vitaís.
O domingo 06 de marzo proseguira a nosa andaina polo Pazo dos Deportes de Riazor. A xornada estará adicada a categoría cadete. Vaise dispor dun autobus, con saída de Cangas as 07:30 horas. Para este Campionato foron seleccionados/as @s atletas do seguinte enlace:
Debe estar conectado para enviar un comentario.