"Enerxia de Futuro"
Este mércores, día 29 de abril, tivo lugar na Fundación Cangas Deporte (Casa da Xuventude de Cangas) a presentación do XI TROFEO VILA DE CANGAS DE ATLETISMO.
O acto acudiron Francisco Soliño (Concelleiro de Deportes) e Mª Carmen Parada (Presidenta do Club Atletismo Vila Cangas)
O evento, que terá lugar este domingo 3 de maio no Estadio Municipal de Cangas, trascorrerá en horario de 10.30/13.30 h, e nel participarán preto de 150 atletas.
Na proba competirán deportistas en categoría BENXAMIN – ALEVIN – INFANTIL – CADETE – XUVENIL – JUNIOR – PROMESA – ABSOLUTO (masculina e feminina), achegados dende diferentes puntos da xeografía galega.
A competición está organizada polo CLUB ATLETISMO VILA DE CANGAS, supervisada pola FEDERACIÓN GALEGA DE ATLETISMO (Vigo) e conta co patrocinio da FUNDACIÓN CANGAS DEPORTE e o CONCELLO DE CANGAS.
De cara o vindeiro CAMPIONATO PROVINCIAL de pista ao aire libre que se vai celebrar en Vilagarcia o 9 de maio de 2015, temos a ben publicar o RANKING INFANTIL XOGADE, recen saido do forno.
Ferrol a 25 de abril de 2015
A xornada do sábado estaba reservada para a disputa do CAMPIONATO DE GALICIA DE CLUBS na cidade departamental. A cantidade de probas facia preciso que se dividira en dúas xornadas, unha de maña e outra de tarde. Moi complicado chegar a cubrir todas as probas, no caso da sección másculina non tivemos participación no 1500 m.l., 3000 obstáculos, xavelina, relevo 4×400 m. e os 5 kms de marcha.
Pedro Ben foi 6º nos 100 m.l. e 6º no relevo de 4×100 m. Cesar Antonio González fixo 4º nos 200 m.l. e Iago Soto 7º nos 400 m.l. ademáis de 6º nos 4×100 m. Pedro Acuña rematou 8º no 800 m.l.. Sergio Iglesias acadou o 5º posto nos 3000 m.l. Nas probas de valados Angel Menduiña rematou 5º en 110 m e Alvaro Lorenzo 8º no 400 m. Mención para os cadetes David Lorenzo, 8º en altura, Adrián Outeiral, 7º en lonxitude, Daniel Armada 6º en pértega e Dani Calvar 4º en triplo. O veterán Carlos Bernárdez rematou 7º no concurso de martelo. Pablo Castro reapareceu cun 3º posto en peso e Francisco Rodal sacou tempo para participar no lanzamento de disco e acadar o 8º posto. Nabor Vazquez e Alejandro Alvárez completaron o relevo 4×100, no que remataron en 6º posto.
O equipo masculino rematou en 8º posto, sumando un total de 43 puntos.
No tocante o equipo feminino foron cubertas todas as probas no Campionato, co cal se viu reflexado no resultado final do conxunto. A velocista Noelia Graña foi 4ª nos 100 m.l. e 5ª no relevo 4×100 m. Estela Crespo quedou 6ª en 200 m.l. e 5ª no relevo 4×400 m. Aida Amoedo tamén foi 5ª no relevo de 400m e repetiu posto na carreira individual desta distancia. Noa Rouco rematou 3ª nos 800 m.l. Marina Caballero participou no 5º posto do 4×400 e foi 4ª na proba de 1500 m.l. A cadete Alba Vidal acadou o 4º posto no 3000 m.l. Desta categoría tamén estiveron Paula Santos, 8ª en lonxitude e Saray Amoedo, 3ª en triplo. Ainara Rodríguez rematou 5ª nos 3000 m. obstáculos. Nas probas de valados Paula Martínez foi 3ª en 100 m. e Mª Jesús Novo 7ª nos 400 m. Por concursos Martina Paramos foi 5ª en pértega, Raquel Villa 2ª en peso, Patricia Torres 3ª en disco, Laura Meira 2ª en xavelina e Ainoa Fernández 6ª en martelo. Completaron os relevos, con sendos quintos postos, Sara Villar 4×100 e Ana Antepazo 4×400. Mellorou marca Mar Chillón nos 5 kms marcha, rematando 2ª. A suma do equipo deu un total de 96 puntos que propiciaron o 5º posto, empatadas coas cuartas.
A suma dos dous equipos foi de 139 puntos, acadando o 4º posto na clasificación global. Un bo traballo… de equipo.
Este vindeiro sábado 25 de abril as pistas da Malata en Ferrol acollerán o CAMPIONATO DE GALICIA DE CLUBS. Os clubs participantes en HOMES son: Real Club Celta Atletismo, CA Naron, SG Pontevedra,ADAS Proinor, C.A Santiago,Lucus Caixa Rural, Riazor Coruña e Vila de Cangas. En MULLERES, Ria Ferrol, At. Feminino Celta,Vila de Cangas, Lucus, SG. Pontevedra, ADAS Proinor,CA Naron e Riazor Coruña.
Poderase facer un seguimento da proba neste enlace http://www.fgatletismo.es/resultados/ferrol/250415/. Moita Sorte Campións.
Este sábado 25 de abril rematanse as fases prevías de Pista ao Aire Libre do programa Xogade. Será nas pistas de atletismo de Fontecarmoa, que este ano nos tocou coñecer tan ben. Agora xa ninguen pregunta onde quedan as pistas de Vilagarcia. Voltaremos para a disputa de algún Campionato Provincial, pero antes vos informaremos do horario para este sábado e tamén d@s amarel@s da categoria INFANTIL que están inscritos para a proba.
O zonal escolar para as categorías benxamín e alevín, previsto para o vindeiro 26 de abril, cambia de sede pasando a celebrarse en Cangas. O horario das probas será o mesmo. Tamén podedes ver no enlace o listado d@s amarel@s inscritos na proba. Moita sorte a tod@s.
Vilagarcia 18-19 abril de 2015
Disputouse nas pistas de Fontecarmoa, en Vilagarcia de Arousa o CAMPIONATO DE GALICIA DE CLUBES DE PROBAS COMBINADAS e o CAMPIONATO DE GALICIA CADETE DE PROBAS COMBINADAS. Dani Calvar acadou o primeiro posto no Octathlón masculino, cunha puntuación final de 3.481 ptos. Isto valeulle para revalidar o titulo de Campión Galego Cadete de Probas Combinadas. Angel Menduiña acadou no Decathlon 5.590 ptos, rematando 1º na categoría Promesa e 2º na Absoluta.
Riomaior (Portugal).-18-04-2015
Importante proba de ámbito internacional que se disputou na localidade portuguesa de Riomaior. Na disputa dos 10 kms. da categoría Junior contamos coa presenza de Mar Chillon que rematou primeira cunha mellor marca persoal de 49:36, acompañada de Esmeralda Corredoira, quen acadou o 11º posto con 58:25. Parabens para as dúas marchadoras.
O día 18 e 19 de abril terá lugar o CAMPIONATO DE GALICIA DE CLUBES DE PROBAS COMBINADAS e o CAMPIONATO DE GALICIA CADETE DE PROBAS COMBINADAS. Para participar por clubes según o REGULAMENTO puntúan 3 atletas (dente cadete ata absoluto). No listado de INSCRITOS están Dani Calvar e Angel Menduiña. O Campionato vaise disputar no Complexo Deportivo de Fontecarmoa en Vilagarcia no seguinte HORARIO.
Debe estar conectado para enviar un comentario.