CAMPIONATO GALEGO SUB 10 E SUB 12 PISTA CUBERTA

A Coruña 10 de marzo de 2024

 

     Case nun exercicio de nostalxia voltabamos a Pista Cuberta de Riazor. Tendo en conta as idades d@s atletas se pode concluir que pouc@s sabian da existencia desta pista e menos competiron nela. Estamos a falar da época previa a Expourense, non fai tanto, e que deixou relegada a pista herculina. Longa xornada de domingo que implicaba as categorias SUB 10 e SUB 12. Comezamos pola categoria SUB 10 que estivo representada na sección feminina por duas atletas. Anxela Caballero acadou o BRONCE na proba de 1000 m.l. e Claudia Romero progresou a final dos 50 m.l. e rematou 9ª, na proba de 500 m.l. foi 14ª.



    Na competición masculina Xose González non puido progresar a final dos 50 m.l., pese a ser segundo na  semifinal, acadou o posto 14º no global dos 500 m.l. Lucas Figueroa obtivo o posto 24º nos 500 m.l. Samuel Lorenzo foi 16º nos 1000 m.l. e Adrián Capelo rematou 24º no concurso de lonxitude.



     A xornada de tarde reservouse para a categoria SUB 12. Na sección feminina competiron Sofia Capelo, que non progresou a final de 50 m.l. tras quedar 4ª na sua rolda. Nora Parcero tampouco pasou de rolda nos 50 m.l. e foi 17ª nos 1000 m.l. Noa Pedrido quedou na rolda previa a final de 50 m.l. e foi 12ª en 500 m.l Elodie Graña si que pasou a final dos 50 m.l., e faciao co mellor tempo, na carreira das máis rápidas proclamouse SUBCAMPIOA GALEGA. Alternou esta proba co salto de lonxitude, onde rematou 14ª



        Moita participación nestas categorias o que pon en valor, máis si cabe,  os logros conseguidos.

CAMPIONATO DE ESPAÑA SUB 20 PISTA CUBERTA

Salamanca, 9-10 de marzo de 2024

     A pista cuberta de Salamanca acolleu o CAMPIONATO DE ESPAÑA SUB 20 DE PISTA CUBERTA. Dous amarelos eran participes desta importante cita, entrando en competición na tarde do sábado, primeiro foi Mauro Vázquez quen tras facer MMP, con 7,00 s pasou de rolda nos 60 m.l.. Impresionante o número de mellores marcas que se deron na velocidade neste Campionato. A sua compañeira Agata Rodríguez, con 9,66 s nos 60 m.v. finiquitou a sua participación.



     O día seguinte Mauro acadou unha marca de 7.07 que non lle permitiu estar na final dos 60 m.l., estar na mesma requería baixar de 7 s e non é tan doado. De feito o gañador da proba tamén se levou un novo record  de España.



CAMPIONATO GALEGO SUB 14 PISTA CUBERTA

Ourense, 09 de marzo de 2024

    Primeiro asalto ao remate da Pista Cuberta nas categorias menores, neste caso era en Expourense para a categoria SUB 14. Unha longa xornada que tivo un paron para xantar para logo darlle continuidade pola tarde. A sección feminina contaba con seis participacions que estiveron encabezadas pola carreira de Lena Currás nos 1000 m.l. onde cun tempo de 3:12, 75 proclamouse CAMPIOA GALEGA de Pista Cuberta.



    A outra premiación viu da man de Emma Collazo cun BRONCE na proba de 500 m.l., ademáis rematou no posto 12º no concurso de Lonxitude. Maria Marcos rematou 20ª nos 500 ml. e foi 18ª no salto de lonxitude. Nahia Pintos rematou 32ª na probra de 1000 m.l. seguida por Alba Alvárez no posto 33º. Carla Salgado tamén participou en duas probas, sendo 19ª no salto de lonxitude e descalificada na proba dos 60 m.l.



    No tocante aos homes Angel Refojos acadou un magnifico pero amargo 4º posto na proba de 500 m.l. e rematou 13º nos 60 m.l. Daniel Cordeiro acadaba o posto 8º na esixente proba dos 1000 m.l. e foi 12 º no salto de lonxitude. Pechamos a participación amarela con Alejandro Fernández que acadou o posto 6º no concurso de peso.



PRESENTACION EQUIPOS TEMPADA 2024

Cangas, 02 de marzo de 2024

 

    Tivemos que chegar ata marzo para facer cadrar as datas e de xeito adecuado darlle unha digna PRESENTACION aos  nos@s atletas. Este pequeno respiro entre competicions, adestramentos e concentracions achegounos o primeiro sábado de marzo ata o Salón de Plenos do Concello de Cangas. As Autoridades  que nos acompañaron foron a Alcaldesa de Cangas, a Concelleira de Deportes, a Deputada polo Morrazo da Deputación de Pontevedra, O Presidente da Federación Galega de Atletismo, O Delegado da FGA de Vigo e representantes dos diferentes grupos politicos do Concello de Cangas. A tod@s eles un sincero agradecemento por arrouparnos neste acto tan simbólico para a familia amarela.



   O atleta invitado era Jacobo Soler, o recente plusmarquista de 400 m.l., quen representa o presente do atletismo galego e serio aspirante no contexto nacional. Tiñamos a familia reunida so nos quedaba presentala. Fomos chamando aos atletas e realizando instantaneas para que perduren no tempo, adestradores e xunta directiva deron remate a sesión fotográfica.



      Cedeuse a palabra as Autoridades presentes e nese uso escoitamos boas intencions e agarimosos comentarios sobre o Vila de Cangas. A tod@s nos toca aportar un pouco para mellorar e poder continuar co legado dun Club que está a piques de cumplir os 30 anos de existencia. 

        Jacobo pasou a palestra e detallounos unha corta pero intensa vida no atletismo, deu conta de como vindo de outros deportes foi coincidir en Pontevedra e iniciar unha practica deportiva que asume coma un reto e unha paixon. O debate foi comenzando miudo, e como unha boa carreira, progresou de menos a máis. Finalmente puidemos disfrutar dunha conversa animada e participativa. De feito, tivemos que cortar a rolda de preguntas porque quedabamos sen comer. 

       O remate ao acto foi un pincho para confraternizar coa familia amarela, reiteramos as GRACIAS a tod@s, vemonos nas Pistas.



CAMPIONATO DE ESPAÑA SUB 18 DE PISTA CUBERTA

Sabadell, 25 de febreiro de 2024

 

     Gema Dacosta foi a representante amarela no CAMPIONATO DE ESPAÑA SUB 18 DE PISTA CUBERTA. O domingo disputou a final do lanzamento de peso, resultando un concurso no que as marcas foron de menos a máis, cun ultimo lanzamento que achegou a bola ata os 13,07 m. Previamente acadaou o pase a mellora, asegurando estar entre as oito mellores, e finalmente remataba en 7º posto. Sabor agridoce deixoulle que o valor da medalla de bronce estaba ao seu alcance, de seguro que será unha aprendizaxe positiva para o vindeiro reto.



CAMPIONATO GALEGO SUB 20 DE PISTA CUBERTA

Ourense, 24 de febreiro de 2024

 

     Outro sábado nos tocaba viaxar ata a Pista Cuberta de Expourense, o plan para a xornada era o CAMPIONATO GALEGO SUB 20 DE PISTA CUBERTA. Un total de sete amarel@s serían parte e protagonistas do evento indoor que poñia peche a tempada nesta categoría en Galicia, tamén unha ocasión para acadar as minimas e achegarse ao Campionato Nacional.



     Diego Martínez facendo gala da versatilidade que o caracteriza foi SUBCAMPION GALEGO en salto de altura, con 1,82 m. e repetiu en salto de pértega, chegando ata 3, 35 m. Mauro Vázquez liderou a velocidade, tanto na semifinal coma na final onde se proclamou CAMPION GALEGO con 7,05 nos 60 m.l., a vindeira fin de semana medirase cos mellores de España en Salamanca.



     Ibrahim Aga non puido progresar a final dos 60 m.l. cos 8, 07 s. que acadou nas previas, tampouco pasou da semifinal dos 200 m.l. cun crono final de 26,80 s. Carlos Corredoira superouse nos 400 m.l. e  co tempo de 51,88 s. acadou a medalla de BRONCE. A participación masculina deu remate co 5º posto de Carlos López nos 800 m.l nun magnifico crono de 1:59, 49. As mulleres tiveron a representación na categoría cun 7º posto de Uxia Sánchez nos 400 m.l. e a victoria de Agata Rodríguez na proba de 60 m.v.  Parabens para atletas e adestradores por un enorme Campionato que sen traballo e dedicación non houbera resultado tan satisfactorio.



ACTOS PRESENTACION EQUIPOS TEMPADA 2024

    Temos unha cita no Salón de Plenos do Concello de Cangas. Deixamos atrás a tempada 2023, pero non a esquecemos. Quedará impresa na revista nº 28 do Club. Xa temos data para a PRESENTACION oficial dos equipos do Vila de Cangas. Será o vindeiro sábado 02 de marzo no salón de Plenos do Concello de Cangas. A partir das 17:00 horas (atletas) e 17:30 (socios e invitados).

O programa do evento estará composto por:

  • Presentación e sesión fotografica dos diferentes Equipos para a presente tempada.

  • Charla-coloquio cos INVITADOS.

  • Entrega da revista nº 28 do Club.

  • PINCHO coas aportacións d@s soci@s*

*(Procuraremos sexa unha comida saudable,  para non xuntarnos con moitos postres ou bollería industrial. Por exemplo tortilla ou empanada…algo caseiro. Coma sabedes doutros anos tamén se pode aportar bebida, refrescos ou agua. )



CAMPIONATO GALEGO SUB 18 PISTA CUBERTA

Ourense, 11 de febreiro de 2024

 

    A xornada do domingo de entroido daba acollida en Expourense ao CAMPIONATO GALEGO SUB 18 DE PISTA CUBERTA. A categoria xuvenil tocaballe amosar na competición os valiosos adestramentos que @s levaron ata alí. Comezou o Campionato coa presenza de Brais Pintos no concurso de salto de altura, quen tras superar o liston en 1,51 m. acadou un prometedor 8º posto. Raul Rial participou na proba de 3000 m.l. e cruzou a meta en 6º lugar cun tempo de 9:51.68.



     A participación másculina completouna Sergio Valladares correndo na proba de 400 m.l., quen finalizou 7º na suma global de tempos.

     Na sección feminina chegaron recompensas en forma de premiacions, foi Marta Camaño quen sumou dous BRONCES, o primeiro nos 60 m.l. e outro na proba de 200 m.l. , con mellora das marcas que tiña en ambas probas.



     Lucia Gil tamen acadou mellora nas probas que disputou, no 60 m.l. achegouse aos 8,38 s. que lle supuso o 17º lugar e no concurso de lonxitude afastarona do podio no último salto, quedandose cunha mellor marca de 4,96 m. Blanca Giráldez competiu na proba de 400 m.l. e finalizaba en 1:11.82 as duas voltas a pista rematando no posto 18º. Rematabamos a participación amarela coa victoria de Gema Dacosta no concurso de lanzamento de peso. Parabens para atletas e adestradores, ben feito.



CAMPIONATO GALEGO SUB 16 DE PISTA CUBERTA

Ourense, 10 de febreiro de 2024

     Achegamonos ata Expourense para ser participes do CAMPIONATO GALEGO SUB 16 DE PISTA CUBERTA. En pleno sábado de Entroido estreabamos a competición coa participación de Saul Santos no concurso de altura, superando a sua marca ata os 1,48 m acadou o 7º posto. Miguel Fernández e Roi Rivas correron as semifinais dos 60 m.l., progresando a final o primeiro e o seu compañeiro tivo que conformarse co 3º posto da semifinal. Na final Miguel acadou o posto 10º. Repetiron no concurso de lonxitude, Miguel foi BRONCE, cun  salto de 5,17 m. e Roi foi 5º con 4,72 m.



     Hugo Collazo e Marcos Rial pechaban a participación másculina na carreira de 3000 m, onde Hugo foi 4º e Marcos 7º. Nas series previas do 60 m.l. feminino acadaron pase a final Ana Cordeiro e Antia Soto. Na final Antia refrendou a sua progresión cunha medalla de BRONCE e Ana foi 11ª. Repetian na carreira de 300 m.l. e ambas progresaron a final, alí Ana rematou 5ª e Antía foi descalificada. Antia Baqueiro tamén participou na semifinal de 300 m.l. e non acadou o pase a seguinte rolda.



CAMPIONATO GALEGO LANZAMENTOS LONGOS SUB 18 E SUB 20.

Vigo, 10 de febreiro de 2024

 

     As pistas de atletismo de Balaidos acolleron o CAMPIONATO GALEGO LANZAMENTOS LONGOS SUB 18 E SUB 20. Tiñamos unha representante na Categoría SUB 18 que participou no concurso de lanzamento de disco, acadando co artefacto os 34,47 m. Esta marca supuso o primeiro posto e outorgaballe o titulo de CAMPIOA GALEGA a Gema Dacosta.

     Na categoria SUB 20 competiu Diego Martínez, rematando 5º no lanzamento de xavelina e SUBCAMPION GALEGO no disco cun lanzamento de 38,68 m.