El Hierro, 4 de marzo de 2017
No arquipélago canario tiña lugar este pasado sábado 04 de marzo o CAMPIONATO DE ESPAÑA DE MARCHA EN RUTA DE FEDERACIONS AUTONÓMICAS. A illa de El Hierro agasallou os marchadores con toda a sua hospitalidade en pleno entroido. Por terra, mar e aire a loxística do Campionato tivo que acoller atletas, que foron chegando de todo o territorio nacional. No porto da illa desenvolvíase o percorrido para as diferentes categorías.
Duas amarel@s foron coma compoñentes do equipo CADETE da selección galega, que contou cun total de 5 atletas. O percorrido de 5kms para esta categoría estivo acompañado dun constante vento que engadiu dureza a proba. Tamén contamos coa presenza do adestrador do Club Sebastian Piñeiro, que desenrolou a súa labor para a sección de marcha da FGA.
Ana Piñeiro foi a primeira compoñente do combinado galego en cruzar a meta. Empleou un tempo de 26:53 en facer o percorrido da carreira CADETE, entrando en 4ª posición. A súa compañeira Valeria Fernández cun crono de 29:52 acadou o posto 36º. A recompensa deste traballo en equipo foi una medalla de BRONCE para Galicia, moi preto das segundas. Claro que tamén disfrutaron do entroido e calorciño canario. BOA VIAXE.
RESULTADOS